ءىس-شارانىڭ ماقساتى – جاڭارتىلعان كونستيتۋتسيا ەرەجەلەرىن جان-جاقتى ساراپتامالىق تالقىلاۋ, ونى پراكتيكالىق تۇرعىدا ىسكە اسىرۋ بويىنشا كاسىبي ۇسىنىستار ازىرلەۋ, كونستيتۋتسيالىق رەفورمالاردى قولداۋعا باعىتتالعان ساراپشىلار قاۋىمداستىعىنىڭ ورتاق ۇستانىمىن جانە جاڭا كونستيتۋتسيا بويىنشا الداعى رەفەرەندۋمدى قولداۋعا باعىتتالعان بىرىڭعاي پوزيتسيانى قالىپتاستىرۋ.
فورۋم اياسىندا ساياسي پارتيالاردىڭ, عىلىمي-ساراپشىلىق قاۋىمداستىقتىڭ, مەملەكەتتىك باسقارۋ جۇيەسىنىڭ, سونداي-اق مەديا جانە قوعامدىق سەكتور وكىلدەرى ءسوز سويلەدى. قاتىسۋشىلار كونستيتۋتسيالىق رەفورمالاردىڭ ەلدىڭ ۇزاق مەرزىمدى دامۋىنا ىقپالىن, ولاردىڭ قوعامدىق-ساياسي ۇدەرىستەردەگى ءرولىن, سونداي-اق كونستيتۋتسيالىق نورمالاردى ءتيىمدى ىسكە اسىرۋ تەتىكتەرىن تالقىلادى.
«اۋىل» پارتياسى توراعاسىنىڭ ورىنباسارى قۋانىش سەيتجانوۆ «اۋىل» پارتياسى جاڭا كونستيتۋتسيا جوباسىن تولىق ءارى ءسوزسىز قولدايتىنىن, ونى ەلدىڭ ساياسي جانە قوعامدىق دامۋى جولىنداعى اسا ماڭىزدى قادام رەتىندە قاراستىراتىنىن اتاپ ءوتتى.
«ەلىمىزدىڭ جاڭا نەگىزگى زاڭىنىڭ جوباسى ازاماتتاردان, ساياسي پارتيالاردان, قوعامدىق ۇيىمدار مەن جەتەكشى ساراپشىلاردان تۇسكەن ۇسىنىستاردى جان-جاقتى تالداۋ نەگىزىندە, سونداي-اق اشىق قوعامدىق تالقىلاۋلاردىڭ ناتيجەلەرى مەن جاڭا نورمالار مەن ەرەجەلەردى ەگجەي-تەگجەيلى پىسىقتاۋدى ەسكەرە وتىرىپ ازىرلەندى», دەدى قۋانىش سەيتجانوۆ.
«اۋىل» پارتياسى ورتالىق اپپاراتى باسشىسىنىڭ ورىنباسارى ايگەرىم سارسەنباەۆا ءوز سوزىندە جاڭا كونستيتۋتسيا جوباسى ەلدىڭ ۇزاق مەرزىمدى دامۋ باعدارلارىن ايقىندايتىن ستراتەگيالىق قۇجات ەكەنىن اتاپ ءوتتى.
«ۇسىنىلىپ وتىرعان وزگەرىستەر ادىلەتتىلىككە, بيلىك جاۋاپكەرشىلىگىن ارتتىرۋعا جانە مەملەكەتتىڭ قۇقىقتىق نەگىزدەرىن نىعايتۋعا باعىتتالعان قوعامدىق سۇرانىستى كورسەتەدى, سونداي-اق زاماناۋي ءارى ورنىقتى ساياسي جۇيەنى قالىپتاستىرۋعا نەگىز بولادى», دەپ اتاپ ءوتتى ول.
ءىس-شاراعا سونداي-اق ساياساتتانۋشى داۋرەن پىرىمبەتوۆ, قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى الماتى قالاسى بويىنشا فيليالىنىڭ ديرەكتورى اينۋر يدريسوۆا, پروديۋسەر ءارى جۋرناليست ۇلپان قۇرايىسوۆا قاتىسىپ, تالقىلانعان تاقىرىپ بويىنشا ءوز پىكىرلەرىن ءبىلدىردى.
باياندامالاردان كەيىن كاسىبي پىكىر الماسۋعا جانە ۇسىنىستار ازىرلەۋگە باعىتتالعان ساراپتامالىق تالقىلاۋ سەسسياسى ءوتتى.
كەزدەسۋ قورىتىندىسى بويىنشا قاتىسۋشىلار ءبىراۋىزدان جاڭا كونستيتۋتسيا – قاۋىپسىز, تازا ءارى ادىلەتتى مەملەكەت قۇرۋدىڭ بەرىك ىرگەتاسىن قالايتىن ستراتەگيالىق تاڭداۋ دەگەن تۇجىرىمعا كەلدى.
ماۋلەن اشىمباەۆ: جاڭا كونستيتۋتسياداعى ەكولوگيالىق ەرەجەلەردىڭ شىعىس قازاقستان ءۇشىن ماڭىزى زور
ساراپشىلار فورۋمى مازمۇندى ۇسىنىستار ازىرلەۋگە, كاسىبي ديالوگتى دامىتۋعا جانە مەملەكەتتىڭ ورنىقتى دامۋ باعىتىن قولداۋدى نىعايتۋعا ىقپال ەتكەن ماڭىزدى الاڭعا اينالدى.
ساۋالناما: رەسپوندەنتتەردىڭ 86,5%-ى جاڭا كونستيتۋتسيا جوباسىن قولدايدى
