بەلگىلى ءمۇسىنشى باقىتجان ابىشەۆ قايتىس بولدى

قازاقستاننىڭ ەڭبەك سىڭىرگەن قايراتكەرى باقىتجان ابىشەۆ ۇزاققا سوزىلعان اۋرۋدان قايتىس بولدى. باقىتجان ابىشەۆ 2017 جىلدىڭ 18 قاڭتارىندا قايتىس بولدى. ول الماتىداعى "كەڭساي-2" زيراتىندا جەرلەنەدى. "قوعام وكىلدەرى باقىتجان ابىشەۆتىڭ قازا بولۋىنا بايلانىستى جاقىندارىنا جانە تۋىستارىنا كوڭىل ايتادى", - دەلىنگەن الماتى اكىمىنىڭ ءباسپاسوز حابارلاماسىندا. باقىتجان ابىشەۆ 1947 جىلى 17 شىلدەدە اقتوبەدە دۇنيەگە كەلگەن. ورتا مەكتەپتى اياقتاپ, الماتىداعى ونەر ۋچيليششەسىندە وقىعان. ماسكەۋدەگى سۋريكوۆ اتىنداعى مەملەكەتتىك ونەر ينستيتۋتىندا جوعارى ءبىلىم العان. ماسكەۋدەگى وقۋىن تامامداعان سوڭ, الماتىعا قايتىپ ورالعان. ءمۇسىنشىنىڭ ەڭبەكتەرى قازاقستاننىڭ ونەر سالاسىنا زور ۇلەسىن قوستى. مىسالى, استاناداعى اتاتۇرىك ەسكەرتكىشى, ءاليا مولداعۇلوۆا مەن جاياۋ مۇسانىڭ ەسكەرتكىشتەرى, الماتىدا - توقاش بوكيننىڭ ەسكەرتكىشى, جامبىل جاباەۆ پەن كەنەن ازىرباەۆتىڭ ەسكەرتكىشتەرى, اقتوبەدە - ءاليا مولداعۇلوۆا مەن احمەت جۇبانوۆ ەسكەرتكىشتەرى, ماسكەۋدەگى ءاليا مولداعۇلوۆاعا ارنالعان ەسكەرتكىشتەر. سونداي-اق, باقىتجان ابىشەۆ "ەرەن ەڭبەگى ءۇشىن", "قازاقستانىڭ ەڭبەك سىڭىرگەن قايراتكەرى" مەدالدارىمەن ماراپاتتالىپ, جامبىل جاباەۆ اتىنداعى حالىقارالىق سىيلىقتىڭ لاۋرەاتى اتانعان.