ۆەتنام پورتىنا قازاقستاندىق استىق جونەلتىلدى

جالتىر تەمىرجول ستانسىسىنان ۆەتنامنىڭ حوشيمين پورتىنا «قتج» ۇك» اق كونتەينەرلەرىنە تيەلگەن قازاقستاندىق استىق جونەلتىلدى, دەپ حابارلادى قتج-نىڭ ءباسپاسوز قىزمەتى. جۇك ليانيۋنگان پورتى ارقىلى بارادى. استىقتىڭ پيلوتتىق جونەلتىلۋىن «KTZ Express» اق كومپانياسىنىڭ ەنشىلەس كاسىپورنى «ليانيۋنگان قالاسىنىڭ قازاق-قىتاي حالىقارالىق لوگيستيكالىق كومپانياسى» جاۋاپكەرشىلىگى شەكتەۋلى قوعامداستىقپەن (جشق) بىرلەسە جۇزەگە اسىردى. «KTZ Express» اق ۆيتسە-پرەزيدەنتى ەرجان كۋلاكوۆ اتاپ وتكەندەي, استىق قاپقا سالىنىپ, كونتەينەرلەرمەن جىبەرىلۋدە. جونەلتىلۋدىڭ مۇنداي ءادىسى ۆاگونداپ جىبەرۋمەن سالىستىرعاندا دوستىق ستانسىسىندا كونتەينەرلەردى تيەۋ بويىنشا پروتسەدۋرا ۋاقىتىن قىسقارتادى. «قازاقستان استىقتى ەكسپورتتاۋ بويىنشا الەمدە ءىرى ون ەلدىڭ قاتارىنا كىرەدى. جىل سايىن 8 ملن توننادان استام بيداي ەكسپورتتالادى, سوندىقتان پيلوتتىق جوبانىڭ ءساتتى جۇزەگە اسۋى استىقتى جونەلتۋ كولەمىن ارتتىرۋعا مۇمكىندىك بەرەدى», - دەپ مالىمدەدى ە. كۋلاكوۆ. ە. كۋلاكوۆ سونداي-اق, ليانيۋنگان پورتىنداعى لوگيستيكالىق تەرمينالدىڭ بىرلەسكەن جوباسى قازاقستاننىڭ قىتايداعى ءىرى ينۆەستيتسيالىق جوباسى بولىپ تابىلاتىنىن اتاپ ءوتتى.