ونىڭ اجەسى كاسىپ – ءۇش جۇزگە اتى ءمالىم جاياۋ مۇسانىڭ قىزى, اتاسى قاني – ارقانىڭ روبين گۋدى ىسپەتتەس ءماديدىڭ اعايىنى. وسى سەبەپتى, ەكى كۇرەسكەر اقىننىڭ ولەڭدەرى مەن ولار جايىنداعى اڭىز-اڭگىمەلەردى قارشاداي كەزىنەن ۇلكەندەردىڭ اۋزىنان ەستىپ, زەردەسىنە قۇيدى, ەكەۋىنە ۇقساپ جۇرەك جۇتقان اقىن بولۋدى كوكسەدى. ايتسە دە, ونىڭ ءومىرى, ءتىپتى ءوزى قاتارلى قالامگەرگە دە ۇقساماي, وزگەشە ءوربىدى, شىعارماشىلىق جولى دا باسقاشا قالىپتاستى.
پاۆلودار قالاسىنداعى №3 مەكتەپ-ينتەرناتتىڭ 9-سىنىبىندا وقيتىن تالاپكەر اقىن جۇرتشىلىقتىڭ جادىنان وشە باستاعان ۇلت قاھارماندارى مەن تۇلعالاردىڭ تاعدىرلارىن, ۇلتتىق كوتەرىلىستەر مەن قوزعالىستاردىڭ تاريحىن ءبىلمەككە قۇشتارلىق تانىتىپ, كوپ ىزدەنگەن. ءسابيت مۇقانوۆتىڭ ماقالالارى جيناعىنان الاش قايراتكەرلەرى ءاليحان, احمەت, ءجۇسىپبەك, مىرجاقىپ, ماعجان ءجونىندەگى دەرەكتەردى تىرنەكتەپ جينادى, سەرىك شاكىباەۆتىڭ «ۇلكەن تۇركىستاننىڭ كۇيرەۋى» كىتابىنان مۇستافا شوقايدىڭ وبرازىن بايقاپ بايىپتادى, ءىلياس ەسەنبەرليننىڭ «قاھار» رومانىنان ۇلت ازاتتىق كوتەرىلىسىنىڭ كوسەمى كەنەسارى حاننىڭ بەينەسىن كورىپ, قاھارماندىعىنا قايران قالدى.
اڭگىمەمىزدىڭ كەيىپكەرى اقىن ارمان قاني نەبارى ون بەس جاسىندا 1969 جىلى ۇلتشىل جاسوسپىرىمدەردىڭ «جاس ۇلان» اتتى جاسىرىن ساياسي ۇيىمىن قۇرىپ, جۇرتشىلىقتى ازاتتىققا ۇندەدى, وتارشىلدىققا قارسى باس كوتەرۋگە شاقىرعان ولەڭدەر جازدى. مەملەكەتتىك قاۋىپسىزدىك كوميتەتى 1970 جىلدىڭ قاڭتار ايىندا اتالمىش ۇيىمدى اشكەرەلەپ, ارمان مەن ونىڭ ۇزەڭگىلەس سەرىكتەرىنىڭ ءىس-ارەكەتتەرىنە تەرگەۋ امالدارىن جۇرگىزدى. رەسمي ەمەس دەرەك كوزدەرىنە قاراعاندا, پاۆلودار وبلىستىق پارتيا كوميتەتىنىڭ ءبىرىنشى حاتشىسى بەلسەندى جاس ۇلانداردىڭ بىرنەشەۋىن باس بوستاندىعىنان ايىرۋ جازاسىنا كەسۋ جونىندە قازاقستان كومپارتياسى ورتالىق كوميتەتىنە ۇسىنىس جاساعان كورىنەدى, بۇلاردىڭ باقىتىنا قاراي, دىنمۇحامەد احمەت ۇلى قوناەۆ كەلىسىم بەرمەگەن ەكەن. ايتسە دە, بەلسەندى جاسوسپىرىمدەر جازاسىز قالعان جوق.
جاس ۇلانداردىڭ ءىسى مەكتەپ جينالىسى, كومسومولدار جينالىسى, اتا-انالار جينالىسى, پەداگوگتار كەڭەسى, قالالىق كومسومول كوميتەتى بيۋروسىندا قارالىپ, بۇلارعا ءۇستى-ۇستىنە مورالدىق-پسيحولوگيالىق سوققى بەرىلدى. مۇعالىمدەردىڭ ءبىرى جاس ۇلانداردى «ينتەرناتتىڭ تەگىن تاماعىن ءىشىپ, يمپەرياليستەردىڭ سوزدەرىن سويلەگەن ارامتاماقتار! الاش وردانىڭ سوراقى ىستەرىنە ەلىكتەگەن سورلىلار!» – دەپ عايباتتادى, ەكىنشى بىرەۋى: «ەگەر ماعان ستالين زامانىنداعىداي بيلىك بەرسە, بۇل بالالاردى اتا-انالارىمەن قوسىپ قويىپ, ءوز قولىممەن اتاتىن ەدىم!» – دەپ ايبات شەكتى. وسىنداي جيىنداردىڭ سوڭىندا ارمان مەن بىرنەشە سەرىگىنە «ۇلتتىق ساياسات ماسەلەسىندەگى ورەسكەل يدەيالىق-ساياسي قاتەلىگى ءۇشىن» دەگەن ايىپ تاعىلىپ, كومسومول قاتارىنان شىعارىلدى جانە وقۋ-ۇلگەرىم تابەلىنە ءتارتىبى «3» دەگەن باعا قويىلىپ, مەكتەپتەن قۋىلدى.
وسىلايشا, كامەلەت جاسىنا تولماي جاتىپ, قوعامنان تەپەرىش كورگەن بوزبالا اۋىلعا كەلىپ قارا جۇمىسقا بوي ۇسىندى. ماي اۋدانىنىڭ اقشيمان كەڭشارىندا قىرىقتىق, ساقمان, ءشوپ ەگۋ, پىشەن دايىنداۋ ءتارىزدى ناۋقاندىق جۇمىستاردا شاما-شارقىنشا ەڭبەك ەتتى.
امال نە, سەزىمتال اقىننىڭ ولەڭدەرى قىل اياعى اۋداندىق گازەتكە دە باسىلعان جوق. كگب-نىڭ قارا تىزىمىندە تۇرعان ادامنىڭ تۋىندىلارىن كومپارتيا باسىلىمىندا جاريالاۋ ساياسي قاتەلىك سانالدى. بىراق, ۇلتشىلدىعى ءۇشىن كومسومول قاتارىنان جانە وقۋدان شىعارىلعان جاس اقىنعا تاعدىر توسىن سىيلىق جاسادى: 1982 جىلى ونىڭ ءبىر توپ ولەڭى قازاقستان كومسومولى سىيلىعىنىڭ يەگەرى, ەلىمىزدىڭ ءانۇرانىنا اينالعان «مەنىڭ قازاقستانىم» ولەڭىنىڭ اۆتورى, كورنەكتى اقىن جۇمەكەن ناجىمەدەنوۆتىڭ ءسات ساپار تىلەۋىمەن «قازاق ادەبيەتى» گازەتىندە جارىق كوردى!.. ال كەلەسى جىلى قازاقستان جازۋشىلار وداعى جانە قازاقستان كومسومولى ورتالىق كوميتەتى ۇيىمداستىرعان شىعارماشىل جاستاردىڭ «جىگەر» فەستيۆالىنە قاتىسىپ, ديپلومانت اتاندى. قازاقستان جازۋشىلار وداعى باسقارماسىنىڭ توراعاسى, «مەن قازاقپىن مىڭ ءولىپ, مىڭ تىرىلگەن!» دەپ, قازاقتىڭ مۇڭى مەن شاتتىعىن كەڭەس وكىمەتىنەن قايمىقپاي ەگىلە جىرلاعان جۇبان مولداعاليەۆتىڭ قولىنان ديپلوم الدى. ىلە ونىڭ تۋىندىلارىنا قازاق پوەزياسىنىڭ كورنەكتى تۇلعالارى قۋاندىق شاڭعىتباەۆ پەن مۇزافار الىمباەۆ تولىمدى باعا بەردى.
جاقسىلاردىڭ جان جىلۋىنىڭ ارقاسىندا ارمان اقىننىڭ شىعارماشىلىق جولىنداعى سىرەسكەن سەڭ قوزعالدى.
ول 1989 جىلعى اقپاندا ولجاس سۇلەيمەنوۆتىڭ سەمەي يادرولىق پوليگونىنداعى جارىلىستاردى دەرەۋ توقتاتۋ ءجونىندەگى اشىق مالىمدەمەسىنە وراي, پاۆلودارداعى ورتالىق الاڭعا تاياۋ كوپشىلىك ورىندا قولىنا پلاكات ۇستاپ تۇرىپ مىڭداعان بەيبىتشىل ادامنىڭ قولىن جينادى. راس, كوپتىڭ اراسىنان مۇنى كەلەكە قىلىپ مىسقىلداعاندار دا, كەرىسىنشە, قاتەرلى ىسكە بەل بۋعان بۇعان ىشتەي جاندارى اشىپ, ءمۇسىركەگەندەر دە ۇشىراستى. عايباتتاۋ مەن تابالاۋدىڭ تالايىن باستان وتكەرگەن ءدىنى قاتتى جىگىت مۇنداي ارەكەتتەرگە سەلت ەتكەن جوق.
سول جىلدىڭ قىركۇيەك ايىندا الماتىدا وتكەن حالىقارالىق «قازاق ءتىلى» قوعامىنىڭ تۇڭعىش قۇرىلتايىنا دەلەگات بولىپ قاتىستى. «نەۆادا-سەمەي», «ازات» قوزعالىستارى, «قازاق ءتىلى» قوعامى وبلىستىق ۇيىمدارىنىڭ ءىس-قيمىلدارىنا بەلسەنە ارالاستى.
تاعدىرى تارتىسقا تولى تالانتتى اقىننىڭ بۇگىنگى تۇرمىس-تىرشىلىگى كوز قۋانتادى. بىرنەشە كىتابى شىعىپ, ولەڭ ولكەسىندەگى ءومىرى تىڭ تۋىندىلارىمەن تولىقتى. دالىرەك ايتساق, «ار الدىندا» (2001) جيناعى, «قىزىل تۇنەكتەگى اق بۇرقاق» (2004), «تامشىلار» (2004), «شىندىقپەن بەتپە-بەت» (2006), «جۇلدىزدى تۇمان» (2008), «سەن جانە مەن» (2012), «ۇيلەسىم – گارمونيا» (2014), «باياناۋىل جىرلارى» اتتى جيناقتارى جارىق كورىپ, شىعارماشىلىق جولى شىرايلانا ءتۇستى.
«ار الدىندا» جيناعى ءۇشىن پاۆلودار قالاسى شىعارماشىل زيالىلارىنىڭ «قاۋىشۋ» سلەتىندە «جىلدىڭ ۇزدىك اقىنى» اتاعىمەن ماراپاتتالدى.
ەندى ەگەمەن ەلدىڭ وقۋشىلارىنىڭ ۇيىمى دا «جاس ۇلان» اتالادى. ءبىر كەزدە ءوزى وقىعان, قازىرگى ۋاقىتتا «دارىندى بالالارعا ارنالعان گيمنازيا-ينتەرنات» اتالاتىن وقۋ ورنى ارماندى «جاس ۇلان» ۇيىمى قاتارىنا وقۋشىلاردى قابىلداۋ شاراسىنا ارنايى شاقىرعان. ينتەرناتتاعى كورنەكى ورىنعا ۇزدىك تۇلەكتەردىڭ ءبىرى رەتىندە ونىڭ دا فوتوسۋرەتى ءىلىنىپ, ءومىربايانى جازىلىپ قويىلعان.
قالاي دەسەك تە, قازىرگى اكىمدەر ارمان قانيعا قۇرمەتپەن قارايدى, ءبىرى اقىننىڭ وتباسىنا جايلى پاتەر بەرسە, ەكىنشىسى جىر جيناقتارىن شىعارۋعا قولداۋ كورسەتتى, ەندى ءبىرى گرانتپەن, قۇرمەت گراموتالارىمەن ماراپاتتادى. مەملەكەت تە, قوعامدىق ۇيىمدار دا ەڭبەگىن ەلەۋسىز قالدىرعان ەمەس. «قازاقستاننىڭ ەڭبەك ءسىڭىرگەن قايراتكەرى», «پاۆلودار وبلىسىنا سىڭىرگەن ەڭبەگى ءۇشىن», «پاۆلودار قالاسىنىڭ قۇرمەتتى ازاماتى», «باياناۋىل اۋدانىنىڭ قۇرمەتتى ازاماتى» اتاقتارىمەن, «قازاقستان رەسپۋبليكاسىنىڭ تاۋەلسىزدىگىنە 20 جىل», «پاۆلودار وبلىسىنا 75 جىل», «قازاق حاندىعىنا 550 جىل» مەرەكەلىك مەدالدارىمەن, حالىقارالىق «قازاق ءتىلى» قوعامىنىڭ العىس حاتتارىمەن ماراپاتتالىپ, قۇرمەتتەلدى. ونىڭ كەۋدەسىنە «نەۆادا-سەمەي قوزعالىسىنا 25 جىل» توسبەلگىسىن ولجاس سۇلەيمەنوۆتىڭ ءوزى قادادى.
جۋىردا «سەن جانە مەن» جىر جيناعى ءۇشىن الاششىل اقىن حالىقارالىق «الاش» ادەبي سىيلىعىنا يە بولدى. ۇلى تاۋەلسىزدىكتىڭ 25 جىلدىعى قارساڭىندا بەرىلگەن سىيلىقتىڭ ءمان-ماڭىزى ازاتتىق ءۇشىن كۇرەسكەن ول ءۇشىن ايرىقشا ەكەنى انىق!
راۋان قايدار,
«ەگەمەن قازاقستان»
ونىڭ اجەسى كاسىپ – ءۇش جۇزگە اتى ءمالىم جاياۋ مۇسانىڭ قىزى, اتاسى قاني – ارقانىڭ روبين گۋدى ىسپەتتەس ءماديدىڭ اعايىنى. وسى سەبەپتى, ەكى كۇرەسكەر اقىننىڭ ولەڭدەرى مەن ولار جايىنداعى اڭىز-اڭگىمەلەردى قارشاداي كەزىنەن ۇلكەندەردىڭ اۋزىنان ەستىپ, زەردەسىنە قۇيدى, ەكەۋىنە ۇقساپ جۇرەك جۇتقان اقىن بولۋدى كوكسەدى. ايتسە دە, ونىڭ ءومىرى, ءتىپتى ءوزى قاتارلى قالامگەرگە دە ۇقساماي, وزگەشە ءوربىدى, شىعارماشىلىق جولى دا باسقاشا قالىپتاستى.
پاۆلودار قالاسىنداعى №3 مەكتەپ-ينتەرناتتىڭ 9-سىنىبىندا وقيتىن تالاپكەر اقىن جۇرتشىلىقتىڭ جادىنان وشە باستاعان ۇلت قاھارماندارى مەن تۇلعالاردىڭ تاعدىرلارىن, ۇلتتىق كوتەرىلىستەر مەن قوزعالىستاردىڭ تاريحىن ءبىلمەككە قۇشتارلىق تانىتىپ, كوپ ىزدەنگەن. ءسابيت مۇقانوۆتىڭ ماقالالارى جيناعىنان الاش قايراتكەرلەرى ءاليحان, احمەت, ءجۇسىپبەك, مىرجاقىپ, ماعجان ءجونىندەگى دەرەكتەردى تىرنەكتەپ جينادى, سەرىك شاكىباەۆتىڭ «ۇلكەن تۇركىستاننىڭ كۇيرەۋى» كىتابىنان مۇستافا شوقايدىڭ وبرازىن بايقاپ بايىپتادى, ءىلياس ەسەنبەرليننىڭ «قاھار» رومانىنان ۇلت ازاتتىق كوتەرىلىسىنىڭ كوسەمى كەنەسارى حاننىڭ بەينەسىن كورىپ, قاھارماندىعىنا قايران قالدى.
اڭگىمەمىزدىڭ كەيىپكەرى اقىن ارمان قاني نەبارى ون بەس جاسىندا 1969 جىلى ۇلتشىل جاسوسپىرىمدەردىڭ «جاس ۇلان» اتتى جاسىرىن ساياسي ۇيىمىن قۇرىپ, جۇرتشىلىقتى ازاتتىققا ۇندەدى, وتارشىلدىققا قارسى باس كوتەرۋگە شاقىرعان ولەڭدەر جازدى. مەملەكەتتىك قاۋىپسىزدىك كوميتەتى 1970 جىلدىڭ قاڭتار ايىندا اتالمىش ۇيىمدى اشكەرەلەپ, ارمان مەن ونىڭ ۇزەڭگىلەس سەرىكتەرىنىڭ ءىس-ارەكەتتەرىنە تەرگەۋ امالدارىن جۇرگىزدى. رەسمي ەمەس دەرەك كوزدەرىنە قاراعاندا, پاۆلودار وبلىستىق پارتيا كوميتەتىنىڭ ءبىرىنشى حاتشىسى بەلسەندى جاس ۇلانداردىڭ بىرنەشەۋىن باس بوستاندىعىنان ايىرۋ جازاسىنا كەسۋ جونىندە قازاقستان كومپارتياسى ورتالىق كوميتەتىنە ۇسىنىس جاساعان كورىنەدى, بۇلاردىڭ باقىتىنا قاراي, دىنمۇحامەد احمەت ۇلى قوناەۆ كەلىسىم بەرمەگەن ەكەن. ايتسە دە, بەلسەندى جاسوسپىرىمدەر جازاسىز قالعان جوق.
جاس ۇلانداردىڭ ءىسى مەكتەپ جينالىسى, كومسومولدار جينالىسى, اتا-انالار جينالىسى, پەداگوگتار كەڭەسى, قالالىق كومسومول كوميتەتى بيۋروسىندا قارالىپ, بۇلارعا ءۇستى-ۇستىنە مورالدىق-پسيحولوگيالىق سوققى بەرىلدى. مۇعالىمدەردىڭ ءبىرى جاس ۇلانداردى «ينتەرناتتىڭ تەگىن تاماعىن ءىشىپ, يمپەرياليستەردىڭ سوزدەرىن سويلەگەن ارامتاماقتار! الاش وردانىڭ سوراقى ىستەرىنە ەلىكتەگەن سورلىلار!» – دەپ عايباتتادى, ەكىنشى بىرەۋى: «ەگەر ماعان ستالين زامانىنداعىداي بيلىك بەرسە, بۇل بالالاردى اتا-انالارىمەن قوسىپ قويىپ, ءوز قولىممەن اتاتىن ەدىم!» – دەپ ايبات شەكتى. وسىنداي جيىنداردىڭ سوڭىندا ارمان مەن بىرنەشە سەرىگىنە «ۇلتتىق ساياسات ماسەلەسىندەگى ورەسكەل يدەيالىق-ساياسي قاتەلىگى ءۇشىن» دەگەن ايىپ تاعىلىپ, كومسومول قاتارىنان شىعارىلدى جانە وقۋ-ۇلگەرىم تابەلىنە ءتارتىبى «3» دەگەن باعا قويىلىپ, مەكتەپتەن قۋىلدى.
وسىلايشا, كامەلەت جاسىنا تولماي جاتىپ, قوعامنان تەپەرىش كورگەن بوزبالا اۋىلعا كەلىپ قارا جۇمىسقا بوي ۇسىندى. ماي اۋدانىنىڭ اقشيمان كەڭشارىندا قىرىقتىق, ساقمان, ءشوپ ەگۋ, پىشەن دايىنداۋ ءتارىزدى ناۋقاندىق جۇمىستاردا شاما-شارقىنشا ەڭبەك ەتتى.
امال نە, سەزىمتال اقىننىڭ ولەڭدەرى قىل اياعى اۋداندىق گازەتكە دە باسىلعان جوق. كگب-نىڭ قارا تىزىمىندە تۇرعان ادامنىڭ تۋىندىلارىن كومپارتيا باسىلىمىندا جاريالاۋ ساياسي قاتەلىك سانالدى. بىراق, ۇلتشىلدىعى ءۇشىن كومسومول قاتارىنان جانە وقۋدان شىعارىلعان جاس اقىنعا تاعدىر توسىن سىيلىق جاسادى: 1982 جىلى ونىڭ ءبىر توپ ولەڭى قازاقستان كومسومولى سىيلىعىنىڭ يەگەرى, ەلىمىزدىڭ ءانۇرانىنا اينالعان «مەنىڭ قازاقستانىم» ولەڭىنىڭ اۆتورى, كورنەكتى اقىن جۇمەكەن ناجىمەدەنوۆتىڭ ءسات ساپار تىلەۋىمەن «قازاق ادەبيەتى» گازەتىندە جارىق كوردى!.. ال كەلەسى جىلى قازاقستان جازۋشىلار وداعى جانە قازاقستان كومسومولى ورتالىق كوميتەتى ۇيىمداستىرعان شىعارماشىل جاستاردىڭ «جىگەر» فەستيۆالىنە قاتىسىپ, ديپلومانت اتاندى. قازاقستان جازۋشىلار وداعى باسقارماسىنىڭ توراعاسى, «مەن قازاقپىن مىڭ ءولىپ, مىڭ تىرىلگەن!» دەپ, قازاقتىڭ مۇڭى مەن شاتتىعىن كەڭەس وكىمەتىنەن قايمىقپاي ەگىلە جىرلاعان جۇبان مولداعاليەۆتىڭ قولىنان ديپلوم الدى. ىلە ونىڭ تۋىندىلارىنا قازاق پوەزياسىنىڭ كورنەكتى تۇلعالارى قۋاندىق شاڭعىتباەۆ پەن مۇزافار الىمباەۆ تولىمدى باعا بەردى.
جاقسىلاردىڭ جان جىلۋىنىڭ ارقاسىندا ارمان اقىننىڭ شىعارماشىلىق جولىنداعى سىرەسكەن سەڭ قوزعالدى.
ول 1989 جىلعى اقپاندا ولجاس سۇلەيمەنوۆتىڭ سەمەي يادرولىق پوليگونىنداعى جارىلىستاردى دەرەۋ توقتاتۋ ءجونىندەگى اشىق مالىمدەمەسىنە وراي, پاۆلودارداعى ورتالىق الاڭعا تاياۋ كوپشىلىك ورىندا قولىنا پلاكات ۇستاپ تۇرىپ مىڭداعان بەيبىتشىل ادامنىڭ قولىن جينادى. راس, كوپتىڭ اراسىنان مۇنى كەلەكە قىلىپ مىسقىلداعاندار دا, كەرىسىنشە, قاتەرلى ىسكە بەل بۋعان بۇعان ىشتەي جاندارى اشىپ, ءمۇسىركەگەندەر دە ۇشىراستى. عايباتتاۋ مەن تابالاۋدىڭ تالايىن باستان وتكەرگەن ءدىنى قاتتى جىگىت مۇنداي ارەكەتتەرگە سەلت ەتكەن جوق.
سول جىلدىڭ قىركۇيەك ايىندا الماتىدا وتكەن حالىقارالىق «قازاق ءتىلى» قوعامىنىڭ تۇڭعىش قۇرىلتايىنا دەلەگات بولىپ قاتىستى. «نەۆادا-سەمەي», «ازات» قوزعالىستارى, «قازاق ءتىلى» قوعامى وبلىستىق ۇيىمدارىنىڭ ءىس-قيمىلدارىنا بەلسەنە ارالاستى.
تاعدىرى تارتىسقا تولى تالانتتى اقىننىڭ بۇگىنگى تۇرمىس-تىرشىلىگى كوز قۋانتادى. بىرنەشە كىتابى شىعىپ, ولەڭ ولكەسىندەگى ءومىرى تىڭ تۋىندىلارىمەن تولىقتى. دالىرەك ايتساق, «ار الدىندا» (2001) جيناعى, «قىزىل تۇنەكتەگى اق بۇرقاق» (2004), «تامشىلار» (2004), «شىندىقپەن بەتپە-بەت» (2006), «جۇلدىزدى تۇمان» (2008), «سەن جانە مەن» (2012), «ۇيلەسىم – گارمونيا» (2014), «باياناۋىل جىرلارى» اتتى جيناقتارى جارىق كورىپ, شىعارماشىلىق جولى شىرايلانا ءتۇستى.
«ار الدىندا» جيناعى ءۇشىن پاۆلودار قالاسى شىعارماشىل زيالىلارىنىڭ «قاۋىشۋ» سلەتىندە «جىلدىڭ ۇزدىك اقىنى» اتاعىمەن ماراپاتتالدى.
ەندى ەگەمەن ەلدىڭ وقۋشىلارىنىڭ ۇيىمى دا «جاس ۇلان» اتالادى. ءبىر كەزدە ءوزى وقىعان, قازىرگى ۋاقىتتا «دارىندى بالالارعا ارنالعان گيمنازيا-ينتەرنات» اتالاتىن وقۋ ورنى ارماندى «جاس ۇلان» ۇيىمى قاتارىنا وقۋشىلاردى قابىلداۋ شاراسىنا ارنايى شاقىرعان. ينتەرناتتاعى كورنەكى ورىنعا ۇزدىك تۇلەكتەردىڭ ءبىرى رەتىندە ونىڭ دا فوتوسۋرەتى ءىلىنىپ, ءومىربايانى جازىلىپ قويىلعان.
قالاي دەسەك تە, قازىرگى اكىمدەر ارمان قانيعا قۇرمەتپەن قارايدى, ءبىرى اقىننىڭ وتباسىنا جايلى پاتەر بەرسە, ەكىنشىسى جىر جيناقتارىن شىعارۋعا قولداۋ كورسەتتى, ەندى ءبىرى گرانتپەن, قۇرمەت گراموتالارىمەن ماراپاتتادى. مەملەكەت تە, قوعامدىق ۇيىمدار دا ەڭبەگىن ەلەۋسىز قالدىرعان ەمەس. «قازاقستاننىڭ ەڭبەك ءسىڭىرگەن قايراتكەرى», «پاۆلودار وبلىسىنا سىڭىرگەن ەڭبەگى ءۇشىن», «پاۆلودار قالاسىنىڭ قۇرمەتتى ازاماتى», «باياناۋىل اۋدانىنىڭ قۇرمەتتى ازاماتى» اتاقتارىمەن, «قازاقستان رەسپۋبليكاسىنىڭ تاۋەلسىزدىگىنە 20 جىل», «پاۆلودار وبلىسىنا 75 جىل», «قازاق حاندىعىنا 550 جىل» مەرەكەلىك مەدالدارىمەن, حالىقارالىق «قازاق ءتىلى» قوعامىنىڭ العىس حاتتارىمەن ماراپاتتالىپ, قۇرمەتتەلدى. ونىڭ كەۋدەسىنە «نەۆادا-سەمەي قوزعالىسىنا 25 جىل» توسبەلگىسىن ولجاس سۇلەيمەنوۆتىڭ ءوزى قادادى.
جۋىردا «سەن جانە مەن» جىر جيناعى ءۇشىن الاششىل اقىن حالىقارالىق «الاش» ادەبي سىيلىعىنا يە بولدى. ۇلى تاۋەلسىزدىكتىڭ 25 جىلدىعى قارساڭىندا بەرىلگەن سىيلىقتىڭ ءمان-ماڭىزى ازاتتىق ءۇشىن كۇرەسكەن ول ءۇشىن ايرىقشا ەكەنى انىق!
راۋان قايدار,
«ەگەمەن قازاقستان»
سوڭعى جاڭالىقتار
ەگەمەندىكتى نىعايتۋداعى كەشەندى ءتاسىل
اتا زاڭ • كەشە
اتا زاڭ • كەشە
كۇزەت قىزمەتىن باقىلاۋ كوميتەتىنىڭ توراعاسى تاعايىندالدى
تاعايىنداۋ • كەشە
ازاماتتاردىڭ 78%-دان استامى جاڭا كونستيتۋتسيانى قولدايدى
اتا زاڭ • كەشە
سوت اكىمدىككە ارنايى ءوتىنىش جاسادى
ايماقتار • كەشە
استانادا ەكى قاباتتى عيماراتتىڭ شاتىرى جانىپ جاتىر
وقيعا • كەشە
