فوتو ەرا
وسى اپتانىڭ دەمالىس كۇندەرى ەۋروپانىڭ كوپتەگەن قالالارى مەن سولتۇستىك امەريكادا قالىڭ قار ءتۇسىپ, كۇن ەرەكشە سۋىتتى. سونىڭ سالدارىنان كەي جەرلەردە ەلەكتر قۋاتى ءسونىپ, كوپتەگەن جول-كولىك وقيعالارى بولدى, مىڭداعان اۋە رەيستەرى كەيىنگە شەگەرىلدى. بۇل تۋرالى ۆۆس حابارلايدى.
قالىڭ قار, قاتتى اياز جانە كوكتايعاق كوپتەگەن توتەنشە وقيعالارعا سەبەپ بولۋدى, فوتو ار
سكانديناۆيادان كەلگەن سۋىق اۋا ماسسالارى تۋعىزعان قاتتى ايازدان اسىرەسە ەۋروپا ەلدەرىنىڭ تۇرعىندارى زارداپ شەگۋدە. قاڭتاردىڭ باسىنان بەرى قۇرلىقتا 20-دان اسا ادام ءۇسىپ ءولدى. ولاردىڭ كوبى ميگرانتتار مەن باسپاناسىزدار. 20 گرادۋس اياز تۇسكەن پولشادا 10 ادام, قالىڭ قار جاۋىپ جاتقان يتاليادا 7 ادام قايتىس بولدى. گەرمانيانىڭ وڭتۇستىگىندەگى تاۋلى اۋدانداردا تەمپەراتۋرا 26 گرادۋسقا تومەندەدى. ىستانبۇلدا 40 سم قار جاۋدى. بىرنەشە كۇننەن بەرى تۇركيادا قاتتى اياز بەن قارلى بوران بار.
ىستانبۇل, فوتو AFP
ماسكەۋدە سەنبىدەن جەكسەنبىگە قاراعان ءتۇنى 30 گرادۋس اياز بولدى. مەتەورولوگتاردىڭ مالىمەتى بويىنشا, مۇنداي اياز رەسەي استاناسىندا 120 جىلدان بەرى بولماعان. بولجام بويىنشا, بۇگىن ماسكەۋدە كۇن بۇدان دا سۋىتادى. وسىعان بايلانىستى قالا باسشىلىعى قاۋىپتىڭ قىزعىلت-سارى دەڭگەيىن ەنگىزىپ وتىر.
ماسكەۋدىڭ وزىندە 33, ال ماسكەۋ وبلىسىندا 33 گرادۋس اياز, فوتو ەرا
