2010 جىلعى 1 قىركۇيەك, استانا قالاسى
جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسىن بەكىتۋ تۋرالى
«ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ 8-بابىنىڭ 6)-تارماقشاسىنا سايكەس
بۇيىرامىن:
1. قوسا بەرىلىپ وتىرعان جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسى بەكىتىلسىن.
2. «جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتىنىڭ توراعاسىنىڭ 2007 جىلعى 2 اقپانداعى № 44 (قازاقستان رەسپۋبليكاسى نورماتيۆتiك قۇقىقتىق اكتىلەردى مەملەكەتتiك تiركەۋ تiزiلiمiندە 4562 نومىرمەن تىركەلگەن, زاڭ گازەتىندە 2007 جىلعى 15 تامىزدا № 12 (1327) بۇيرىعىنىڭ كۇشى جويىلدى دەپ تانىلسىن.
3. قازاقستان رەسپۋبليكاسى اۋىل شارۋاشىلىعى مينيسترلىگى تابيعات رەسۋرستارىن پايدالانۋ ستراتەگياسى دەپارتامەنتى (وماروۆ ج. ى.) قازاقستان رەسپۋبليكاسى دەپارتامەنتى وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە تىركەلۋىن قامتاماسىز ەتسىن.
4. وسى بۇيرىق العاش رەت رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ءمينيستردىڭ م. ا. ە.امان.
قازاقستان رەسپۋبليكاسى اۋىل شارۋاشىلىعى ءمينيسترىنىڭ م. ا. 2010 جىلعى 1 قىركۇيەكتەگى № 555 بۇيرىعىمەن بەكىتىلگەن
1. جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسى
1. جالپى ەرەجەلەر
1. وسى جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسى (بۇدان ءارى – ەرەجە) 2006 جىلعى 7 شىلدەدەگى «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسى زاڭىنىڭ 8-بابانىڭ 6)-تارماقشاسىنا سايكەس (بۇدان ءارى – زاڭ) ازىرلەندى جانە جەكە تۇلعالاردىڭ ەرەكشە قورعالاتىن تابيعي اۋماقتاردا عىلىمي, ەكولوگيالىق-اعارتۋ, تۋريستىك, رەكرەاتسيالىق جانە شەكتەۋلى شارۋاشىلىق ماقساتتاردا بولۋ ءتارتىبىن ايقىندايدى.
2. وسى ەرەجە رەسپۋبليكالىق جانە جەرگىلىكتى ماڭىزى بار ەرەكشە قورعالاتىن تابيعي اۋماقتاردى مىنا تۇرلەرىنە قولدانىلادى:
تابيعات قورعاۋ مەكەمەلەرى – مەملەكەتتىك تابيعي قورىقتار, مەملەكەتتىك ۇلتتىق تابيعي پاركتەر, مەملەكەتتىك تابيعي رەزەرۆاتتار, مەملەكەتتىك وڭىرلىك تابيعي پاركتەر;
مەملەكەتتىك كاسىپورىن نىسانىندا قۇرىلعان تابيعات قورعاۋ ۇيىمدارى – مەملەكەتتىك زوولوگيالىق پاركتەر, مەملەكەتتىك بوتانيكالىق باقتار, مەملەكەتتىك دەندرولوگيالىق پاركتەر (بۇدان ءارى – تابيعات قورعاۋ كاسىپورىندارى);
زاڭدى تۇلعا مارتەبەسى جوق ەرەكشە قورعالاتىن تابيعي اۋماقتار – مەملەكەتتىك تابيعات ەسكەرتكىشتەرى, مەملەكەتتىك تابيعي قاۋمالدار جانە مەملەكەتتىك قورىق ايماقتارى.
3. مەملەكەتتىك تابيعي قورىقتاردىڭ اۋماعىندا جەكە تۇلعالاردىڭ بولۋىنا تەك عىلىمي جانە ەكولوگيالىق-اعارتۋ ماقساتتاردا عانا رۇقسات ەتىلەدى.
4. مەملەكەتتىك تابيعي قورىقتىڭ اۋماعىندا نەمەسە ونىڭ اۋماعىنان تىسقارى جەرلەردە ورنالاسقان بەلگىلى ءبىر ءدىن جولىن ۇستانۋشىلار ءتاۋ ەتەتىن ورىندارعا (قاسيەتتى ورىندارعا) قورىق اۋماعى ارقىلى وتەتىن جولدارمەن كىرۋ مۇمكىندىگىن قامتاماسىز ەتۋ ءۇشىن مەملەكەتتىك تابيعي قورىقتىڭ اكىمشىلىگى ءتيىستى ءدىني بىرلەستىكتىڭ كەلىسىمى بويىنشا اقى تولەمەي, مەملەكەتتىك تابيعي قورىق ينسپەكتورلارىنىڭ باستاپ جۇرۋىمەن, توپپەن وسى ورىنداردا بولۋعا نەمەسە وسى ورىندارعا جاقىنداپ كەلۋگە رۇقسات بەرىلۋى مۇمكىن.
2. جەكە تۇلعالاردىڭ تابيعات قورعاۋ مەكەمەسىندە بولۋى
5. جەكە تۇلعالار ءۇشىن (بۇدان ءارى – كەلۋشىلەر) ەرەكشە قورعالاتىن تابيعي اۋماقتىڭ (بۇدان ءارى – ەقتا) تۇرىنە جانە كۇزەتتىڭ بەلگىلەنگەن قۇقىقتىق رەجيمىنە بايلانىستى تابيعات قورعاۋ مەكەمەسىنىڭ اۋماعىندا بولۋ كەزىندە مىناداي ءىس-ارەكەتتەر جاساۋعا رۇقسات ەتىلەدى:
1) جالپى جۇرت پايدالاناتىن جولدارمەن جانە ەكسكۋرسيالىق مارشرۋتتاردىڭ ارنايى جولدارىمەن مەحانيكالاندىرىلعان كولىكپەن جانە سالت اتپەن ءجۇرۋ, قورىقتىق كۇزەت رەجيمى بار ۋچاسكەلەردەن باسقا, ارنايى جابدىقتالعان ورىنداردا ايالداۋ;
2) بەلگىلەنگەن تۋريستىك مارشرۋتتارمەن جانە سوقپاقتارمەن تابيعات قورعاۋ مەكەمەسىنىڭ اكىمشىلىگىمەن الدىن-الا كەلىسىلگەن, ەقتا ەكسكۋرسيا ۇيىمداستىرۋشىلارىنىڭ نەمەسە ينسپەكتور-گيدتەرىنىڭ باستاپ جۇرۋىمەن ۇيىمداسقان ەكسكۋرسيالار مەن تۋريستىك جورىقتار وتكىزۋ;
3) تابيعات قورعاۋ مەكەمەسىنىڭ اكىمشىلىگىمەن كەلىسىم بويىنشا سۋ ايدىندارىندا تەك قانا موتورسىز ءجۇزۋ قۇرالدارىمەن جىلجۋ;
4) اۋەسقويلىق (سپورتتىق) بالىق اۋلاۋ.
مەملەكەتتىك تابيعي قورىقتاردا اۋەسقويلىق بالىق اۋلاۋ زاڭىنىڭ 43-1 بابىنا سايكەس جۇزەگە اسىرىلادى;
5) قورىقتىق كۇزەت رەجيمى بار ۋچاسكەلەردەن باسقا جەرلەردە, وسىعان ارنايى بولىنگەن ورىنداردا جابايى جەمىستەر, ساڭىراۋقۇلاقتار ءدارى-ءدارمەكتىك وسىمدىكتەر, ءشوپ شابۋ, وتىن دايىنداۋ جانە باسقا ءداستۇرلى تابيعات پايدالانۋدى, زاڭعا سايكەس;
6) تابيعات قورعاۋ مەكەمەسىنىڭ اكىمشىلىگىمەن كەلىسىم بويىنشا سپورتتىق جانە ەكولوگيالىق-اعارتۋ ءىس-شارالارىن, تۋريستىك سلەتتەر وتكىزۋ;
7) كاسىبي جانە اۋەسقويلىق فوتو-بەينەتۇسىرىمدەر جۇرگىزۋ;
8) وقۋ پراكتيكالارىن وتكىزۋ;
9) قورىقتىق كۇزەت رەجيمى بار ۋچاسكەلەردەن باسقا جەرلەردە وقۋ ماقساتتارى ءۇشىن گەرباري جيناۋ, توپىراق ۇلگىلەرىن ىرىكتەۋ;
10) ەرەكشە قورعالاتىن تابيعي اۋماقتىڭ پاسپورتىندا كوزدەلگەن وزگە دە قىزمەتتەر.
6. ەقتا-نىڭ تۇرىنە جانە كۇزەتتىڭ بەلگىلەنگەن قۇقىقتىق رەجيمىنە بايلانىستى تابيعات قورعاۋ مەكەمەسىنىڭ اۋماعىندا:
1) ەقتا-نى پايدالانۋ ءۇشىن اقى تولەگەنى تۋرالى راستايتىن قۇجاتتارسىز ەرەكشە قورعالاتىن تابيعي اۋماقتاردا بولۋعا;
2) جالپى جۇرت پايدالاناتىن جولداردان نەمەسە ارنايى ەكسكۋرسيالىق سوقپاقتار مەن تۋريستىك مارشرۋتتاردان تىس جەرلەرگە كەلىپ كىرۋگە جانە ولار ارقىلى ءجۇرىپ وتۋگە;
3) بەلگىلەنگەن ورىنداردان تىس جەرلەرگە اۆتوكولىك جانە باسقا دا مەحانيكالىق قۇرالدار قويۋعا;
4) اۆتوكولىكتى جانە باسقا دا مەحانيكالىق قۇرالداردى سۋ ايدىندارى جاعالاۋىنا قويۋعا ءجانە جۋعا, ىدىس-اياق جۋعا, كىر جۋعا, ءۇي جانۋارلارىن شومىلدىرۋعا;
5) سۋ ايدىندارىندا, ەرەكشە قورعالاتىن تابيعي اۋماقتاردى قورعاۋ جونىندەگى مەملەكەتتىك ينسپەكتسيا پايدالاناتىن موتورلى ءجۇزۋ قۇرالدارىنان باسقا, موتورلى ياحتالاردىڭ, كاتەرلەردىڭ, موتورلى قايىقتاردىڭ, سكۋتەرلەردىڭ, كۆادروتسيكلدەردىڭ بولۋىنا;
6) ارنايى بەلگىلەنگەن جانە جابدىقتالعان ورىنداردان تىس جەرلەردە تاعام ازىرلەۋ ءۇشىن وت جاعۋعا, مانگال, وشاق ورناتۋعا;
7) وسى ماقساتتار ءۇشىن بەلگىلەنگەن ورىنداردان تىس جەرلەردە ايالداۋ ورىندارىن جابدىقتاۋعا, شاتىرلار تىگۋگە;
8) توراپپەن جانە باسقا تىيىم سالىنعان قۇرال مەن جابدىقتارمەن بالىق اۋلاۋعا;
9) ءتيىستى رۇقساتسىز جابايى جانۋارلاردى الىپ قويۋعا;
10) جابايى جانۋارلاردى ۇركىتۋگە جانە قورەكتەندىرۋگە;
11) ۇيالاردى, ىندەردى, اپانداردى جانە قۇمىرسقا يلەۋلەرىن بۇلدىرۋگە;
12) اعاشتار مەن بۇتالاردى كەسۋگە, سىندىرۋعا جانە ولارعا زاقىم كەلتىرۋگە, تۇرمىستىق قاجەتتىلىك ءۇشىن سىپىرتقىلار مەن سىپىرعىشتارعا شىبىقتار دايىنداۋعا;
13) تابيعات, تاريح, مادەنيەت جانە ارحەولوگيا ەسكەرتكىشتەرىن قيراتۋعا جانە بۇلدىرۋگە;
14) رۇقسات ەتىلگەن جيناۋ ورىندارىنان تىس جەرلەردە جابايى وسەتىن اعاش, بۇتا, ءشوپ ءوسىمدىكتەرىن جانە ءدارى-دارمەكتىك شيكىزات جيناۋعا جانە قازىپ الۋعا;
15) وسى ءۇشىن ارنايى بولىنگەن ورىنداردان باسقا جەرلەردە جابايى وسەتىن جەمىستەر, ساڭىراۋقۇلاقتار جانە جيدەكتەر جيناۋعا;
16) كورنەكى ۇگىت قۇرالدارىن (ستەندىلەر, پاننولار, انشلاگتار جانە باسقالار), ورمان ورنالاستىرۋ, ورمان شارۋاشىلىعى جانە جەرگە ورنالاستىرۋ بەلگىلەرىن قيراتۋعا جانە بۇلدىرۋگە;
17) قۇرىلىستارعا, اعاشتارعا, تاستارعا جانە جارتاستارعا جازۋلار جازۋعا جانە سۋرەتتەر سالۋعا;
18) ءوز بەتىمەن مال جايۋعا, ءشوپ جيناۋعا, سۇرەك دايىنداۋعا جانە باسقا دا زاڭسىز ورمان پايدالانۋعا;
19) توپىراق قاباتىن تۇرمىستىق قوقىسپەن جانە قالدىقپەن لاستاۋعا;
20) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2008 جىلعى 10 قاڭتارداعى № 5 بۇيرىعىمەن بەكىتىلگەن «مەملەكەتتىك تابيعي قورىقتار اۋماعىنداعى شۋدىڭ جانە وزگە دە جاساندى اكۋستيكالىق اسەرلەردىڭ نورمالارىنا» سايكەس قورشاعان ورتاعا شۋ شىعاراتىن جانە باسقا دا اكۋستيكالىق اسەرلەردى قولدانۋعا;
21) مەملەكەتتىك تابيعي-قورىق قورى مەن تابيعي كەشەندەر وبەكتىلەرىنىڭ تابيعي دامۋىن جانە ساقتالۋىن بۇزاتىن وزگە قىزمەتتەرگە جول بەرىلمەيدى.
7. كەلۋشىدە ەقتا-نى عىلىمي, ەكولوگيالىق-اعارتۋ, تۋريستىك, رەكرەاتسيالىق جانە شەكتەۋلى شارۋاشىلىق ماقساتتاردا پايدالانۋ ءۇشىن اقى تولەگەنى تۋرالى, نىسانى قازاقستان رەسپۋبليكاسىنىڭ سالىق زاڭناماسىنا سايكەس بەلگىلەنەتىن راستايتىن قۇجاتتىڭ بولۋى تابيعات قورعاۋ مەكەمەسىنە كەلۋگە نەگىز بولىپ تابىلادى.
ەقتا-نى پايدالانۋ ءۇشىن اقى تولەگەنىن راستايتىن قۇجات كەلۋشىنىڭ بولۋ مەرزىمىنىڭ سوڭىنا دەيىن ساقتالۋى ءتيىس.
8. تابيعات قورعاۋ مەكەمەسى اۋماعىنىڭ شەكاراسىندا نەمەسە ونىڭ كۇزەت ايماعىندا تۇراقتى تۇراتىن جەرگىلىكتى حالىققا تابيعي رەسۋرستاردى ورنىقتى پايدالانۋدى قامتاماسىز ەتەتىن ءداستۇرلى شارۋاشىلىق قىزمەتتىڭ نەگىزگى تۇرلەرىن جۇزەگە اسىرۋ ءۇشىن, قورىقتىق كۇزەت رەجيمى بار ايماقتان باسقا, ەقتا-نىڭ ءتيىستى تۇرلەرىنىڭ بارلىق فۋنكتسيونالدىق ايماقتارىنا جانە زاڭعا سايكەس ەش بوگەتسىز وتۋىنە جول بەرىلەدى.
9. رەكرەاتسيالىق جۇكتەمەنىڭ جول بەرىلەتىن نورمالارىنا بايلانىستى كەلۋشىلەر لەگىن رەتتەپ وتىرۋ ماقساتىندا تابيعات قورعاۋ مەكەمەسىنىڭ اكىمشىلىگى وسى ەرەجەگە قوسىمشاعا سايكەس كەلۋشىلەردى ەسەپكە الۋ جۋرنالىن (بۇدان ءارى – جۋرنال) جۇرگىزەدى.
جۋرنال نومىرلەنەدى, جىپپەن بايلانادى جانە تابيعات قورعاۋ مەكەمەسىنىڭ مورىمەن بەكىتىلەدى.
3. جەكە تۇلعالاردىڭ تابيعات قورعاۋ كاسىپورنىنىڭ اۋماعىندا بولۋى
10. تابيعات قورعاۋ كاسىپورنىنىڭ اۋماعىندا:
1) ارنايى بولىنگەن اسفالت توسەلگەن نەمەسە قارا جولدارمەن وتۋگە;
2) ارنايى بولىنگەن ورىنداردا وسىمدىكتەر, جانۋارلار كوللەكتسيالارىن قاراپ كورۋگە;
3) تابيعات قورعاۋ كاسىپورنىنىڭ اكىمشىلىگىمەن كەلىسىم بويىنشا ەكسپوزيتسيالار مەن كوللەكتسيالارداعى وسىمدىكتەردى, جارتىلاي ەركىندىك جانە جاساندى جاعدايلاردا ۇستالاتىن جانۋارلاردى سۋرەتكە جانە بەينە تاسپاعا تۇسىرۋگە;
4) ەرەكشە قورعالاتىن تابيعي اۋماقتىڭ پاسپورتىندا نەمەسە تابيعات قورعاۋ كاسىپورنىنىڭ اكىمشىلىگى بەلگىلەگەن اۋماقتا بولۋدىڭ ىشكى تارتىبىندە كوزدەلگەن وزگە دە قىزمەتكە جول بەرىلەدى.
11. مەملەكەتتىك زوولوگيالىق پاركتەردىڭ اۋماعىندا جانۋارلاردى جانە كەلۋشىلەردىڭ جەكە قاۋىپسىزدىگىن ساقتاۋ ماقساتىندا:
1) راديوقابىلداعىشتار مەن ماگنيتوفونداردى قوسۋعا, مۋزىكالىق اسپاپتاردا ويناۋعا;
2) جانۋارلاردى قورەكتەندىرۋگە, ىزالاندىرۋعا جانە ۇركىتۋگە;
3) جانۋارلاردى ۇستاۋعا ارنالعان ارنايى قورشالعان ءۇي-جايلارعا بوتەن زاتتار لاقتىرۋعا;
4) جابايى جانۋارلار بار ءۇي-جايلاردىڭ تورلارى مەن شارباقتارىنا سۇيەنىپ تۇرۋعا, سونداي-اق ورناتىلعان قورشاۋلار ارقىلى اياق-قولدى سوزۋعا, قولجەتىمدى جانۋارلارمەن بايلانىس جاساۋ ءۇشىن قول سوزۋعا جانە ولاردى ءارتۇرلى زاتتارمەن (قولشاتىرمەن, تاياقپەن جانە باسقا زاتتار)ت.ب.) تۇرتكىلەۋگە;
5) شتاتيۆتەر مەن جارقىلداۋىق شامداردى قولدانىپ, جانۋارلاردى سۋرەتكە تۇسىرۋگە;
6) جانۋارلاردى ۇستاۋعا ارنالعان ءۇي-جايلاردىڭ جانە باسقا دا قۇرىلىستاردىڭ ورناتىلعان كەدەرگىلەرى مەن قورشاۋلارى ارقىلى كىرۋگە نەمەسە سەكىرىپ تۇسۋگە;
7) جانۋارلاردى ۇستاۋعا ارنالعان ءۇي-جايلاردىڭ ماڭايىندا ورناتىلعان كەدەرگىلەرگە, دۋالدارعا, قورشاۋلارعا بالالاردى تۇرعىزۋعا ءجانە وتىرعىزۋعا;
8) كوگالدارمەن جۇرۋگە, اعاش جانە ءشوپ ەكپەلەرىن بۇلدىرۋگە;
9) وزىمەن بىرگە ءۇي جانۋارلارىن اكەلۋگە نەمەسە ەرتىپ جۇرۋگە;
10) باق-پارك مۇلكىنىڭ ورنىن اۋىستىرۋعا;
11) جانۋارلار بار قورشاۋلار مەن تورلاردىڭ قاسىندا كەزەكشىلەرىمەن سويلەسۋگە, جانۋارلاردى قورعاۋ جونىندەگى قىزمەتىنەن ولاردىڭ نازارىن باسقا جاققا اۋدارۋعا;
12) ەكسكۋرسيا ۇيىمداستىرۋشىلارى مەن كۇزەت قىزمەتى قىزمەتكەرلەرىنىڭ تالاپتارىن ورىنداماۋعا;
13) قوعامدىق ورىنداردا قازاقستان رەسپۋبليكاسىنىڭ زاڭناماسىندا كوزدەلگەن قۇقىقتىق ءتارتىپ نورمالارىن بۇزۋعا جول بەرىلمەيدى.
12. مەملەكەتتىك بوتانيكالىق باقتار مەن مەملەكەتتىك دەندرولوگيالىق پاركتەردىڭ اۋماعىندا:
1) گەرباريلىك ماتەريال جيناۋدى قوسا العاندا, اعاش جانە ءشوپ وسىمدىكتەرىن الىپ قويۋعا جانە بۇلدىرۋگە;
2) جەمىستەر, تۇقىمدار جيناۋعا;
3) تابيعات قورعاۋ كاسىپورنىنىڭ اكىمشىلىگىمەن كەلىسىپ الماي تابيعي جانە مادەني وبەكتىلەردى سۋرەتكە جانە بەينە تاسپاعا تۇسىرۋگە;
4) توپىراق قاباتىن قوقىسپەن جانە تۇرمىستىق قالدىقپەن لاستاۋعا;
5) ەكسكۋرسيا ۇيىمداستىرۋشىلارى مەن كۇزەت قىزمەتى قىزمەتكەرلەرىنىڭ تالاپتارىن ورىنداماۋعا.
13. كەلۋشىدە ەقتا-نى عىلىمي, ەكولوگيالىق-اعارتۋ, تۋريستىك, رەكرەاتسيالىق جانە شەكتەۋلى شارۋاشىلىق ماقساتتاردا پايدالانۋ ءۇشىن اقى تولەگەنى تۋرالى, نىسانى قازاقستان رەسپۋبليكاسىنىڭ سالىق زاڭناماسىنا سايكەس بەلگىلەنەتىن راستايتىن قۇجاتتىڭ بولۋى تابيعات قورعاۋ مەكەمەسىنە كەلۋىنە نەگىز بولىپ تابىلادى.
ەقتا-نى پايدالانۋ ءۇشىن اقى تولەگەنىن راستايتىن قۇجات كەلۋشىنىڭ تابيعات قورعاۋ كاسىپورنىنىڭ بولۋ مەرزىمىنىڭ سوڭىنا دەيىن ساقتالۋى ءتيىس.
4. جەكە تۇلعالاردىڭ زاڭدى تۇلعا مارتەبەسى جوق ەرەكشە قورعالاتىن تابيعي اۋماقتا بولۋى
14. زاڭدى تۇلعا مارتەبەسى جوق ەقتا اۋماعىندا بولۋ ءتيىستى ەقتا تۇرلەرىن قورعاۋ جانە پايدالانۋ رەجيمىنىڭ ەرەكشەلىكتەرىن ەسكەرە وتىرىپ, مەملەكەتتىك تابيعي-قورىق قورى وبەكتىلەرىنىڭ ساقتالۋى جاعدايىندا, وسى ەقتا-نىڭ پاسپورتىنا جانە زاڭنىڭ 25-بابىنا سايكەس جۇزەگە اسىرىلادى.
جەكە تۇلعالاردىڭ ەرەكشە قورعالاتىن تابيعي اۋماقتاردا بولۋ ەرەجەسىنە قوسىمشا
نىسان
20__ جىلى كەلۋشىلەردى ەسەپكە الۋ جۋرنالى
____________________________________________________
(تابيعات قورعاۋ مەكەمەسىنىڭ اتاۋى)
| ر/س
№ |
كۇنى |
كەلۋشى-
ءنىڭ
نەمەسە
توپ
جەتەك-
ءشىسىنىڭ
ت.ا.ءا. |
توپ-
تاعى
ادام-
دار
سانى |
كولىكتىڭ
ءتۇرى
(ا/ك
ماركاسى,
مەم.
ءنومىرى) |
كەلۋ
ماق-
ساتى |
توپتىڭ
باراتىن
جەرى |
بولۋ
مەر-
ءزىمى |
اقى تولەگەنى
تۋرالى
بەلگى
(اقى
تولەنگەنىن
راستايتىن
قۇجاتتىڭ
№)
|
| 1 |
2 |
3 |
4 |
5 |
6 |
7 |
8 |
9 |
|
|
|
|
|
|
|
|
|
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 8 قازانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6530 بولىپ ەنگىزىلدى.
