جاپونياداعى جاعدايعا دا جانى اۋىرادى

بۇرناعى كۇنى وڭتۇستىك استاناداعى بوستاندىق اۋدانىنىڭ №6 ءورت ءسوندىرۋ بولىمىندە بولعان كەزىندە ەل پرەزيدەنتتىگىنە كانديدات عاني قاسىموۆ پاتريوتتار پارتياسىنىڭ, ءوز سايلاۋالدى شتابىنىڭ جانە ءوتىنىش ايتقان سايلاۋشىلاردىڭ اتىنان وسى كۇندەردە جەر سىلكىنۋ ءزىلزالاسىنىڭ زاردابىن  باستان كەشىرىپ جاتقان جاپون حالقىنا جان كۇيزەلىسىن ءبىلدىرىپ كوڭىل ايتتى. ءسويتىپ, قازاقستاندىقتاردى قيىندىقتا قالعان ەلگە   قولدان كەلگەنشە قولۇشىن بەرۋگە شاقىردى. اتالعان ءورت ءسوندىرۋ ءبولى­مى­نە ۇمىتكەر بەكەردەن بەكەر كەلگەن جوق. ول توتەنشە جاعداي بولا قالعان كەزدە ءورت ءسوندىرۋ­شىلەردىڭ ادامدارعا جەدەل ءارى ۇتىمدى كومەككە كەلۋ ءازىرلى­گى­نىڭ قانداي ەكەندىگىنە كوزىن جەتكىزۋدى ماقسات تۇتتى. پرەزيدەنتتىكتەن ۇمىتكەرگە الماتى قالاسى بويىنشا ءتو­تەن­شە جاعدايلار دەپارتامەنتى ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ باستىعى پودپولكوۆنيك اسقار تويشى­بە­كوۆ توتەنشە جاعداي­لارعا ءازىر­لىك­تىڭ جايىن بايانداپ بەردى. قازىر قالادا 14 اسكەري ءورت ءسوندىرۋ ءبولىمى جۇمىس ىستەيدى, ءىرى كاسىپ­ورىندار مەن ۇيىمداردا وننان استام ەرىكتى بولىمشەلەر قۇ­رىل­عان. ولار­دىڭ ءبارى تەحنيكامەن, جاب­دىق­پەن, جەكە قورعانىس قۇ­رال­دار­ىمەن جەتكىلىكتى دەڭگەيدە جاب­دىق­تالعان. ايتالىق, وتكەن جىلى ءورت سوندىرۋشىلەر «مەرسەدەس» اۆتوماشيناسىنىڭ نەگىزىندەگى ءتورت اۆتوماتتى كوتەر­گىش­پەن جاراقتاندى. ع.قاسىموۆ ءورت ءسوندىرۋشى ورەندەرمەن اڭگىمەلەسىپ, جاب­دىق­تاردى كوردى. سونىمەن قا­تار, ول الماتى سياقتى ۇلكەن مەگاپوليستە ءورت ءسوندىرۋ ءبولىم­شەلەرىنىڭ ءالى دە بولسا جەتكىلىكسىزدىگىن اتاپ كورسەتتى. بۇل كۇندە قالالىق اكىمدىك الاتاۋ اۋدانىندا قوسىمشا ەكى ءبولىم قۇرۋدا. تاياۋ ۋاقىتتا تاعى دا بەس ءورت ءسوندىرۋ كەشەنىن سالۋ ءۇشىن جەر تەلىمدەرى بولىنبەك. پرەزيدەنتتىكتەن ۇمىتكەر ولار­دىڭ قارجىلاندىرىلۋىن, قۇ­رى­لىستىڭ جەدەل باستالۋىن قا­داعالاۋعا ۋادە ەتتى. سونداي-اق ازاماتتارىمىزدى قورعايتىن ءورت سوندىرۋشىلەردىڭ تۇرمىس­تىق جاعدايى مەن جالاقىسى ەرەن دە ەر ەڭبەككە لايىقتى بولۋى قاجەتتىگىن ەسكەرتتى. قورعانبەك امانجول. الماتى. ------------------------------- سۋرەتتى تۇسىرگەن يۋري بەككەر.