سەمينار تاقىرىبى – پرەزيدەنتتىك سايلاۋ

ورال قالاسىندا وتكىزىلگەن سەمي­نارعا قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋى ارقاۋ بولدى. وعان اۋداندىق, قالالىق جانە وبلىستىق سايلاۋ كوميسسيالارىنىڭ ءتور­اعالارى, ساياسي پارتيالاردىڭ وكىل­دەرى, حالىقارالىق بايقاۋشىلار, پرەزيدەنتتىككە كانديداتتاردىڭ سەنىم بىلدىرىلگەن ادامدارى جانە ۇكىمەتتىك ەمەس ۇيىمدار مەن باق وكىلدەرى قاتىستى. سەمينارعا ارنايى كەلگەن ورتالىق سايلاۋ كوميسسياسى اقپاراتتىق-ساراپ­تاما ءبولىمىنىڭ باس كەڭەسشىسى ا.وماروۆا الداعى ءساۋىر ايىنىڭ باسىندا وتەتىن پرەزيدەنتتىك سايلاۋ اسا ماڭىزدى ساياسي شارا دەپ اتاپ كورسەتتى. سودان كەيىن ول سەمينارعا قاتىسۋشىلاردى سايلاۋعا ازىرلىك بارىسىندا جاۋاپكەرشىلىك كور­سەتۋگە, سايلاۋدىڭ زاڭ اياسىندا ءادىل ءارى ۇيىمشىلدىقپەن وتۋىنە باستاماشى بولۋعا شاقىردى. – بۇل جونىندە ورتالىق سايلاۋ كوميسسياسى بارلىق قاجەتتى شارالاردى ويداعىداي اتقارىپ كەلەدى. بۇگىندە ۇمىتكەرلەردىڭ سايلاۋالدى ۇگىت-ناسيحات جۇمىستارى شىرقاۋ شىڭىنا جەتىپ وتىر. ءتيىستى زاڭدىلىقتارعا سايكەس بار­لىق ۇمىتكەرلەرگە باق-تاردا سايلاۋال­دى ۇگىت جۇمىستارىن جۇرگىزۋ ءۇشىن تەپە-تەڭ مۇمىندىكتەر بەرىلدى. اتالعان ءىس-شارالاردى اتقارۋعا بولىنگەن قاراجات مولشەرى دە بىردەي, – دەدى بۇدان ءارى الما مىرزاعاليقىزى. سونىمەن بىرگە سەمينار كەزىندە پرەزيدەنتتىك سايلاۋعا بايلانىستى وبلىس اۋقىمىندا وسى كۇنگە دەيىن اتقارىلىپ كەلگەن جۇمىستار جونىندە دە جان-جاق­تى اڭگىمە قوزعالدى. ايتالىق, باتىس قازاقستان وبلىستىق سايلاۋ كوميسسيا­سىنىڭ توراعاسى اباي حامزين تومەن­دەگىشە مالىمدەمە جاسادى: وبلىس كولەمىندە 540 سايلاۋ كوميس­سياسى قۇرىلدى. ونىڭ 14-ءى اۋماقتىق, 526-سى ۋچاسكەلىك سايلاۋ كوميسسيالارى. ونىڭ قۇرامىنا 3780 ادام تارتىلعان. كوميسسيا مۇشەلەرىنە پاراسات-پايىمى مەن ءتاجىري­بەلەرى مول, كاسىبي دەڭگەي­لەرى جوعارى, ءوز ىستەرىنە اركەز سەرگەكتىك پەن جاۋاپكەرشىلىك تانىتا بىلەتىن ماماندار شاقىرىلدى. بۇگىنگى كۇنگە دەيىن ۋچاسكەلىك سايلاۋ كوميسسيالارىنا سول ايماقتا تۇراتىن سايلاۋشىلاردىڭ تىزىمدەرى تاپسىرىلدى. مۇنىڭ ءوزى سايلاۋشىلاردىڭ ءتىزىمى تولىق ءارى ناقتى بولۋى قاجەتتىگىنەن تۋىندادى. سەمينار ۇستىندە اباي ءحامزيننىڭ داۋىس بەرۋشىلەر ءتىزىمى جونىندەگى دەرەگىن ودان ءارى تولىقتىرعان ا.وماروۆا ورتالىق سايلاۋ كوميسسياسىنىڭ ساي­تىن­دا دا بارلىق سايلاۋشىلاردىڭ ءتىزىمى قويىلعانىن جەتكىزدى. سونداي-اق, ونىڭ ايتۋىنشا, عالامتورعا كىرۋ ءمۇ­مىن­دىكتەرى بار ءاربىر ادام جەكە يدەنتي­فيكاتسيالىق ءنومىرىن تەرۋ ارقىلى ءوزىنىڭ تىزىمدە بار-جوعىن انىقتاي الادى ەكەن. بۇدان سوڭ باس كەڭەسشى سەمينارعا قاتىسۋشىلاردىڭ بىرقاتار سۇراقتارىنا جاۋاپ قايتاردى. سەميناردا ورال قالالىق سايلاۋ كوميسسياسىنىڭ وكىلى نۇرلان بەكقايىر قالاداعى سايلاۋعا ازىرلىك بارىسى جونىندە ەسەپ بەردى. تەمىر قۇسايىن. ورال.