تەمىر جول سالاسىنىڭ بىلتىرعى قورىتىندىسىنا سايكەس, سەمەي فيليالىنداعى جۇك اينالىمى وسكەن. تيەۋ كولەمى كوزدەلگەن 16 070,0 مىڭ توننا مەجەدەن استى. مۇنداي سەرپىن وبلىس كولەمىندە جاڭادان اشىلعان ءوندىرىس ورىندارىنىڭ ەسەبىنەن قامتاماسىز ەتىلگەن. اتاپ ايتقاندا, بۇرشاقتى ءداندى داقىلدار مەن وسىمدىك مايىن تەرەڭ وڭدەيتىن «Agrolider KAZ» جشس, «Qazaq-Astyq Group» جشس سياقتى كاسىپورىندار جۇك تاسىمالى ءۇشىن تۇيىق جەلىلەرىن جانداندىردى. بۇل ءوندىرىس وشاقتارىنا كلاستان تىس سەمەي ستانتسياسى قىزمەت كورسەتەدى. تيەلگەن ونىمدەر شىعىس ەۋروپا ەلدەرىنە, قىتايعا جانە ورتا ازيا مەملەكەتتەرىنە جونەلتىلەدى.
بيىل «Eurasia Agro Semey» جشس بازاسىنداعى ءىرى ەت وڭدەۋ زاۋىتى ىسكە قوسىلعان جاعدايدا, توراپتىق جاڭا-سەمەي ستانتسياسى ارقىلى جۇك تيەۋ كولەمى تاعى دا ۇلعايادى دەگەن بولجام بار. جالپى, بولىمشەدەگى سەمەي, جاڭا-سەمەي, شار, بەلاعاش, اياگوز ستانسالارىنان استىق, جارما, وسىمدىك مايى, ءتۇرلى ءداندى داقىلدار مەن وزگە دە ازىق-ت ۇلىك ونىمدەرى تيەلەدى. وتكەن جىلى بۇل باعىتتاعى كورسەتكىش الدىڭعى جىلمەن سالىستىرعاندا 252,3 مىڭ تونناعا ارتتى. ءوندىرىس قارقىنىنىڭ كۇشەيۋىنە بايلانىستى توراپتىق ستانسالاردا پويىز قۇراستىرۋشىلار مەن مانەۆرلىك تەپلوۆوزدارعا دەگەن قاجەتتىلىك تە ايقىن سەزىلگەن.
قارۋ-جاراق پەن ۆاليۋتا: شەكارادا زاڭسىز جۇك تاسىمالىنىڭ جولى كەسىلدى
سەمەي فيليالىنداعى ستانسالار جۇمىسىن ۇيلەستىرەتىن لوگيستيكا جانە تاسىمالدى ۇيىمداستىرۋ ءبولىمىنىڭ ماماندارى ءوڭىردىڭ ينۆەستيتسيالىق تارتىمدىلىعى ارتقانىن ايتادى. جاڭا تەحنولوگيامەن جابدىقتالعان ءىرى وندىرىستەردىڭ اشىلۋى تەمىرجول ارقىلى تاسىمال كولەمىن كوبەيتتى. بۇعان دەيىن كونتەينەرلىك پويىزدارمەن نەگىزىنەن شيكىزات جونەلتىلسە, قازىر دايىن ءونىم تيەۋ ۇلەسى ارتقان. بۇل ەكسپورت قۇرىلىمىنىڭ وزگەرگەنىن كورسەتەدى.
پرەمەر-مينيستر: اۋە جۇك تاسىمالى سالاسىن تسيفرلاندىرۋدى جەدەلدەتۋ قاجەت
قازىرگى كەزدە جۇك تاسىمالىن ۇيىمداستىرۋدا ايلىق, توقساندىق جانە جىلدىق جوسپارلار اياسىندا تيەۋ مەن جەتكىزۋدى وڭتايلاندىرۋ شارالارى كۇشەيتىلگەن. وسىلايشا, سەمەيلىك تەمىرجولشىلاردىڭ الدىندا ءوندىرىس قارقىنىن باسەڭدەتپەي, جۇك اينالىمىنىڭ تيىمدىلىگىن ارتتىرۋ مىندەتى تۇر. ەكسپورتتىق باعىتتاعى جاڭا وندىرىستەر ىسكە قوسىلعان سايىن, ءوڭىردىڭ كولىك-لوگيستيكالىق الەۋەتى دە كەڭەيە تۇسپەك.
ال اباي وبلىسىندا سالىنىپ جاتقان «باقتى – اياگوز» تەمىرجول جەلىسى شىعىس وڭىرىنەن جونەلتىلەتىن جۇك كولەمى ۇلعايىپ, قازاقستان – قىتاي باعىتى بويىنشا تاسىمال مۇمكىندىگى كەڭەيمەك. جۋىردا اباي وبلىسى اكىمدىگىندە اتالعان قۇرىلىستىڭ جۇزەگە اسىرىلۋ بارىسى تالقىلاندى. جيىنعا «قتج» ۇك» اق وكىلدەرى, مەردىگەر كومپانيا باسشىلارى قاتىستى. پرەزيدەنت قاسىم-جومارت توقاەۆ جۇكتەگەن تاپسىرما اياسىندا قازاقستان – قىتاي اراسىنداعى ءۇشىنشى تەمىرجول جەلىسىنىڭ قۇرىلىسى بەلگىلەنگەن كەستەگە ساي جۇرگىزىلىپ جاتقانى ايتىلدى.
ۇزىندىعى 297 شاقىرىم بولاتىن «باقتى – اياگوز» جەلىسى «سەمەي – اقتوعاي» ۋچاسكەسىنە شىعادى. جوبا اياسىندا 11 ستانتسيا, 47 كوپىر, 23 تەمىرجول جانە 8 اۆتوكولىك جول كوپىرى, 5 جاياۋ جۇرگىنشى وتكەلى, 16 باقىلاۋ قۇرىلىمى سالىنادى. باس مەردىگەر – China Harbour Engineering Company Co. Ltd. قازىرگى تاڭدا قۇرىلىسقا 144 تەحنيكا مەن 398 ادام جۇمىلدىرىلعان, جۇمىستار 42 شاقىرىمدىق ۋچاسكەدە جۇرگىزىلىپ جاتىر.
ساراپشىلاردىڭ باعالاۋىنشا, جاڭا جەلى كولىك-لوگيستيكالىق ينفراقۇرىلىمدى كەڭەيتىپ قانا قويماي, وبلىستىڭ ترانزيتتىك مارتەبەسىن نىعايتادى. سونىمەن قاتار جوبا مىڭنان استام جاڭا جۇمىس ورنىن قۇرۋعا مۇمكىندىك بەرەدى.
