قازاقستان رەسپۋبليكاسى پرەزيدەنتىنىڭ جارلىعى № 1168

قازاقستان رەسپۋبليكاسى ۇلتتىق بانكىنىڭ مەملەكەتتىك قىزمەتتەر ستاندارتتارىن بەكىتۋ جانە قازاقستان رەسپۋبليكاسى پرەزيدەنتىنىڭ 2010 جىلعى 24 اقپانداعى № 928 جارلىعىنا وزگەرىستەر مەن تولىقتىرۋ ەنگىزۋ تۋرالى 2008 جىلعى 4 جەلتوقسانداعى قازاقستان رەسپۋبليكاسىنىڭ بيۋدجەت كودەكسى 34-بابىنىڭ 2-تارماعىنا سايكەس قاۋلى ەتەمىن: 1. قوسا بەرىلىپ وتىرعان قازاقستان رەسپۋبليكاسى ۇلتتىق بانكىنىڭ: 1) «بانك وپەراتسيالارىن جۇرگىزۋگە ارنالعان ءۇي-جايلاردىڭ دايىندىق دارەجەسى تۋرالى قورىتىندىلار بەرۋ»; 2) «بۋحگالتەرلىك ەسەپتى اۆتوماتتاندىرۋعا جانە باس بۋحگالتەرلىك كىتاپقا قويىلاتىن تالاپتارعا جاۋاپ بەرەتىن اۆتوماتتاندىرىلعان بانك جۇيەسىنىڭ بولۋى تۋرالى قورىتىندى بەرۋ» مەملەكەتتىك قىزمەتتەر ستاندارتتارى بەكىتىلسىن. 2. «قازاقستان رەسپۋبليكاسى ۇلتتىق بانكىنىڭ مەملەكەتتىك قىزمەتتەر كورسەتۋ ستاندارتتارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 24 اقپانداعى № 928 جارلىعىنا (قازاقستان رەسپۋبليكاسىنىڭ ءپۇاج-ى, 2010 ج., № 13-14, 124-قۇجات) مىناداي وزگەرىستەر مەن تولىقتىرۋ  ەنگىزىلسىن: تاقىرىبىندا: «كورسەتۋ» دەگەن ءسوز الىپ تاستالسىن; 1-تارماقتىڭ ءبىرىنشى ابزاتسىندا: «كورسەتۋ» دەگەن ءسوز الىپ تاستالسىن; «قازاقستان رەسپۋبليكاسى ۇلتتىق بانكىنىڭ»  دەگەن سوزدەرمەن تولىقتىرىلسىن; جوعارىدا اتالعان جارلىقپەن بەكىتىلگەن «ايىرباستاۋ پۋنكتىنىڭ تىركەۋ كۋالىگىن بەرۋ», «ۆاليۋتالىق وپەراتسيا تۋرالى حابارلاما كۋالىك بەرۋ», «ۆاليۋتالىق وپەراتسيا تۋرالى تىركەۋ كۋالىگىن بەرۋ» مەملەكەتتىك قىزمەتتەر كورسەتۋ ستاندارتتارى وسى جارلىققا 1, 2, 3-قوسىمشالارعا سايكەس جاڭا رەداكتسيادا جازىلسىن. 3. وسى جارلىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىل, 4 ناۋرىز. تولىق ءماتىن