ءبىراۋىزدان قولداۋعا شاقىردى

«نۇر وتان» حدپ توراعاسىنىڭ ءبىرىنشى ورىنباسارى, قازاقستان رەسپۋبليكاسى پرەزيدەنتتىگىنە كانديدات نۇرسۇلتان نازارباەۆتىڭ رەسپۋبليكالىق قوعامدىق شتابىنىڭ جەتەكشىسى نۇرلان نىعما­تۋلين باستاعان سايلاۋالدى ۇگىت-ناسيحات توبىنىڭ مۇشەلەرى 11 ناۋرىزدا قىزىلجار وڭىرىنە اتباسىن تىرەدى. ونىڭ قۇرامىندا ەلىمىزگە بەلگىلى قوعام جانە ساياسي قايراتكەرلەر, پارلامەنت سەناتى مەن ءماجىلىسىنىڭ دەپۋتاتتارى, «قازاقستان-2020» جالپىۇلتتىق دەمو­كراتيالىق كۇشتەر كواليتسياسىنىڭ وكىلدەرى بولدى. پوگودين اتىنداعى ورىس دراما تەاترىندا وتكەن كەزدەسۋگە وبلىس جۇرتشىلىعى, ارداگەرلەر, جاستار, ۇكىمەتتىك ەمەس ۇيىم جەتەكشىلەرى, كاسىپوداق بەلسەندىلەرى قاتىستى. جيىندى «نۇر وتان» حدپ وب­لىس­تىق فيليالى توراعا­سىنىڭ ءبىرىنشى ورىنباسارى ءالى­بەك قارتوۆ اشىپ, ءبىرىنشى ءسوزدى ن.نىع­ما­تۋ­لين­گە بەردى. نۇرلان زاي­روللا ۇلى ءوز سوزىندە ەلىمىزدىڭ تاۋەلسىزدىك ال­عان­نان بەرگى 20 جىل ىشىندە قول جەتكەن تابىس­تارىن اتاپ كورسەتتى. وبلىس حالقىن ساي­لاۋعا بەلسەنە قاتىسۋعا, ن.نا­زار­باەۆتىڭ كاندي­دا­تۋراسىن ءبىر­اۋىز­­دان قولداۋعا شاقىردى. زالعا جينالعاندار «ادىلەت» دە­موكراتيالىق پارتياسىنىڭ ءتور­اعاسى ماقسۇت نارىكباەۆتىڭ ءسوزىن دە ۇيىپ تىڭدادى. ول ءوز سوزىندە الدىمىزدا ۇلكەن تاريحي تاڭداۋ تۇر. مەملەكەتىمىزدىڭ, حالقىمىز­دىڭ بولاشاعىن ايقىندايتىن كە­زەڭ. ولاي بولسا, تاڭداۋدا قاتەلەس­پەيىك, دەدى. «اۋىل» سوتسيال-دەمو­كرا­تيالىق پارتياسىنىڭ جەتەكشىسى عاني قاليەۆتىڭ زالعا قاراتا ايت­قان تولعامدارى دا جالىندى شىق­تى. ول «مەن قىزىلجاردىڭ قاسيەت­تى توپىراعىن تالاي رەت باستىم. بۇل ءوڭىردىڭ حالقى شەتىنەن ەڭبەك­قور. ەگىنشىلىك سالاسىنداعى تولا­عاي تابىستارىنىڭ ءوزى نەگە تۇرادى؟ بيىلعى پرەزيدەنتتىك سايلاۋدا دا ۇلكەن ۇيىمشىلدىق تانىتىپ, بىرلىك, ىنتىماق, دوستىق ءۇشىن داۋىس بەرەدى دەگەن سەنىمدەمىن, دەسە, سەناتور قۋانىش سۇلتانوۆ تا اڭگىمەنى تەرەڭنەن ءوربىتتى. جيىندا «قازاقستان ازامات­تىق اليانسىنىڭ» ءتورايىمى, پار­­ل­امەنت ءماجىلىسىنىڭ دەپۋتاتى اي­گۇل سولوۆەۆا, قازاقستاننىڭ ەڭ­بەك ەرى گەننادي زەنچەنكو, پارلامەنت سەناتىنىڭ دەپۋتاتى اناتولي باشماكوۆ سويلەپ, ءبىر كىسىدەي داۋىس بەرۋگە جۇمىل­دىردى. تۇستەن كەيىن كواليتسيا ءمۇ­شە­لەرى ءۇش توپقا ءبولىنىپ, وب­لىس, اۋدان تۇرعىندارىمەن ءجۇز­دەسۋلەر وتكىزدى. جۇك ۆاگوندارىن شىعارۋ­مەن اينا­لى­ساتىن «زيكستو» زاۋى­تىنىڭ ۇجىمى كواليتسيا مۇشە­لە­رىن قۇشاق جايا قارسى الىپ, ساي­لاۋدى ۇلكەن ساياسي بەلسەندىلىكپەن وتكىزەتىن­دە­رىن ايتتى. «زەنچەنكو جانە ك» كومانديتتىك سەرىكتەس­تىگى­نىڭ جۇمىس­شى-قىزمەتكەرلەرى قو­عام­دىق ساي­لاۋالدى ۇگىت-ناسيحات توپ مۇشە­لەرى­نە اتقارىلىپ جات­قان يگىلىكتى ىستەر جايلى بايانداپ بەردى. تاڭ­داۋ­دان قاتەلەسپەي­تىن­دەرىنە سەندىردى. پەتروپاۆل قالا­لىق مادەنيەت ءۇيىن­دە وتكەن كەزدەسۋ دە اسەرلى بولدى. ءومىر ەسقالي, سولتۇستىك قازاقستان وبلىسى.