يتاليالىق كومپانيا ەلىمىزدە ەت كلاستەرىن قۇرماق

قر پرەمەر-ءمينيسترىنىڭ ورىنباسارى - قر اۋىل شارۋاشىلىعى ءمينيسترى اسقار مىرزاحمەتوۆ Inalca Eurasia يتاليالىق كومپانياسى وكىلدەرىمەن كەزدەستى. بۇل تۋرالى قر اشم ءباسپاسوز قىزمەتىنەن حابارلادى. قازىرگى تاڭدا 5 ينستيتۋتسيونالدىق رەفورمانى جۇزەگە اسىرۋ جونىندەگى 100 ناقتى قادامنىڭ 61-ءشى قادامى «ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەستورلاردى تارتۋ» بويىنشا مينيسترلىكپەن Inalca Eurasia كومپانياسىنىڭ ء(سremonىni Group اتىنان) اراسىندا الماتى وبلىسىنداعى ەت كلاستەرىن قۇرۋ ينۆەستيتسيالىق جوباسىن دامىتۋ ماسەلەلەرىن شەشۋدە بىرقاتار جۇمىستار اتقارىلۋدا. مال بورداقىلاۋ الاڭدارىنىڭ قۋاتتىلىعى 10000-نان 20000-عا دەيىن مال باسىن قامتىپ, ەت كومبيناتىندا مال سويۋ كورسەتكىشى اپتاسىنا 1500-2000 باستى قۇرايتىن بولادى. اعىمداعى جىلدىڭ قاڭتار ايىندا Inalca Eurasia كومپانياسى ەلىمىزدىڭ مال شارۋاشىلىعى سالاسىنداعى ءىرى كاسىپورىنىنىڭ ءبىرى - اقتوبە وبلىسىنداعى «اكتەپ» جشس-مەن مەموراندۋمعا قول قويدى. وسى كەلىسىم اياسىندا اقتوبە, قوستاناي, باتىس قازاقستان وبلىستارىندا جالپى قۋاتتىلىعى ءبىر مەزگىلدە 44 مىڭ باس مالدى قامتي الاتىن بورداقىلاۋ الاڭدارىن سالۋ ءۇشىن تىگىنەن ينتەگراتسيالانعان كومپانيا قۇرۋدى, سونىمەن قاتار, ەت كومبيناتىنىڭ قۋاتىن 20 مىڭ توننا ەت جانە ەت ونىمدەرىنە دەيىنگى شەككە ۇلعايتا وتىرىپ جاڭعىرتۋ جۇمىستارىن جۇرگىزۋ قاراستىرىلعان. ايتا كەتەيىك, Cremonini 1963 جىلى يتاليادا قۇرىلعان جانە بۇگىندە ونداعى ازىق-ت ۇلىك ءوندىرىسى سالاسىنداعى ءىرى توپتىڭ ءبىرى. 2008 جىلى اتالعان كونتسەرننىڭ تابىسى 2007 جىلمەن سالىستىرعاندا 6,6 %-عا كوتەرىلىپ, 2,2 ملرد. ەۆرونى قۇرادى. تابىستىڭ 41 %-ى ءوندىرىس سەگمەنتىنە (سيىر ەتى, شۇجىق جانە جەڭىل تاماق وندىرىسىنە), 41 %-ى ازىق-ت ۇلىككە بولىنسە, 18%-ى قوعامدىق تاماقتانۋ كاسىپورىنىن ۇيىمداستىرۋعا جۇمسالدى. EBITDA 5%-عا كوتەرىلىپ 133 ملن. ەۆرو بولسا, شوعىرلاندىرىلعان تابىس 2008 جىلى 39 ملن. ەۆرونى قۇرادى. ( 2007 جىلى 12,7 ەۆرونى قۇراعان بولاتىن). بۇگىنگى تاڭدا Cremonini Group ەۋروپاداعى اسا ماڭىزدى ازىق-ت ۇلىك توبىنىڭ ءبىرى جانە دە ءۇش بيزنەس باعىتتا جۇمىس جاساۋدا: ءوندىرىس, تاراتۋ جانە قوعامدىق تاماقتانۋ. اتالعان توپ ءىرى قارا مال ەتىن ءوندىرۋ مەن ەت ونىمدەرىن قايتا وڭدەۋ بويىنشا يتاليا اۋماعىندا كوش باستاپ تۇر («ينالكا دجيبيەس» جانە «مونتانا»). سونىمەن قاتار, ازىق-ت ۇلىك ونىمدەرىن قوعامدىق تاماقتانۋ كاسىپورىندارىنا جىلجىتۋ مەن تاراتۋ بويىنشا دا الدىڭعى ورىندا («مارر»). بۇدان بولەك, بۇل توپ پويىزدار بورتىندا, ۆوكزالداردا, اۋەجايلار مەن اۆتوموبيل جولدارىندا قوعامدىق تاماقتانۋ بويىنشا كونتسەسسيالارعا يە (Chef Express) جانە دە كومپانيا «ستەيكحاۋز» (Roadhouse Grill) جەلىسىندە دە كورىنىس بەرىپ تۇر. ءوندىرىس سالاسىنداعى حالىقارالىق ءىس-قيمىلدار نەگىزىنەن ەۋروپا, رەسەي جانە بىرقاتار افريكا ەلدەرىنىڭ (انگولا, كونگو دەموكراتيالىق رەسپۋبليكاسى, كونگو رەسپۋبليكاسى, الجير, نيگەريا) اينالاسىندا وربۋدە. كومپانيا پويىزدار بورتىندا قوعامدىق تاماقتانۋدى ۇيىمداستىرۋ بويىنشا ەۋروپاداعى ايتۋلى كوشباسشى بولىپ تابىلادى جانە ءوزىنىڭ ەنشىلەس كومپانيالارىمەن بىرگە فرانتسيا, يسپانيا, بريتانيا جانە بەلگيادا دا باسىمدىققا يە.