«التىن بەلگى» تاعايىنداۋدى مەكتەپ ءوزى جۇرگىزەتىن بولدى

ءبىلىم جانە عىلىم مينيسترلىگى ۇلتتىق بىرىڭعاي تەستىلەۋدى ەكىگە ءبولدى. ەندى, مەكتەپتى ءبىتىرۋ ەمتيxانى وقۋشىنىڭ ورتا ءبىلىمدى تامامداعانىن دالەلدەسە, ۇلتتىق بىرىڭعاي تەستىلەۋدىڭ قورىتىندىسىمەن مەكتەپ تۇلەكتەرىنە مەملەكەتتىك گرانتتار تاعايىندالادى, دەپ xابارلايدى egemen.kz قازاقپاراتقا سىلتەمە جاساپ. ءبىلىم جانە عىلىم سالاسىندا باقىلاۋ كوميتەتى توراعاسىنىڭ ورىنباسارى نۇربەك ورشۋبەكوۆتىڭ ايتۋىنشا, ۇلتتىق بىرىڭعاي تەستىلەۋ ەنگىزىلگەن سوڭعى 13 جىلدىڭ ىشىندە وعان وقۋشىلاردىڭ بارلىعى بىردەي قاتىسقان جوق. ماسەلەن, سوڭعى تەستىلەۋگە مەكتەپ وقۋشىلارىنىڭ 70 پايىزى قاتىستى. ەندى, جاڭا فورماتقا سايكەس, "التىن بەلگى" تاعايىنداۋدى مەكتەپتەردىڭ وزدەرى جۇرگىزەدى. ۇلتتىق بىرىڭعاي تەستىلەۋ كەزىندە اتالعان اتاقتى راستاۋ قاجەت ەمەس. تەستىلەۋ تەك گرانت يەگەرلەرىن عانا انىقتاپ, جوعارى وقۋ ورنىنا ءتۇسۋ مۇمكىندىگىن بەرەدى. "سونىمەن, 2017 جىلى تۇلەكتەر ءۇشىن قورىتىندى اتتەستاتسيالاۋ وزدەرى وقىعان مەكتەپتە وتكىزىلەدى, ياعني كەلەسى جىلدىڭ 1-10 ماۋسىم ارالىعىندا وتكىزۋ جوسپارلانىپ وتىر. ال ۇلتتىق بىرىڭعاي تەستىلەۋ, ياعني جوعارى وقۋ ورنىنا ءتۇسۋ ەمتيxانى 20-شى ماۋسىم مەن 1-ءشى شىلدە ارالىعىندا رەسپۋبليكا بويىنشا 165 تەستىلەۋ بەكەتتەرىندە وتكىزىلەدى", - دەپ اتاپ كورسەتتى ن.ورشۋبەكوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليxاتىندا.