وتكەن جۇما, 4 ناۋرىزدا ۇلكەن تەننيستەن اتاقتى دەۆيس كۋبوگىنىڭ مەرەيتويلىق ءجۇزىنشى باسەكەسى باستالعان بولاتىن. وسى جولى بەدەلدى تۋرنيرگە قازاقستان قۇراماسى دا قاتىستى. 1/8 فينالدىڭ ويىندارى چەحيا قۇراماسىمەن وسى ەلدىڭ وستراۆا قالاسىندا ءوتتى. چەحيا الەمدەگى اسا كۇشتى قۇرامالاردىڭ بىرىنەن سانالادى. ونىڭ مۇشەلەرى 2009 جىلى فينالدىق كەزدەسۋ وتكىزسە, بىلتىر جارتىلاي فينالعا دەيىن جەتكەن بولاتىن. بۇگىندە الەمدىك رەيتينگتە ءۇشىنشى ورىندا تۇر.
جالپى, تەننيستەن الەمدەگى اسا بەدەلدى كوماندالىق تۋرنير – دەۆيس كۋبوگى ەۋروپا مەن وڭتۇستىك امەريكانىڭ سەگىز قالاسىندا بولىپ ءوتتى. تۋرنيردىڭ دەبيۋتانتتارى – قازاقستان قۇراماسى, جوعارىدا ايتىپ كەتكەنىمىزدەي, وستراۆادا چەحيا قۇراماسىمەن سىنعا ءتۇستى. ءبىر اتاپ وتەرلىگى – ءۇش جەڭىسكە دەيىنگى باسەكەلەردەن تۇراتىن تۋرنيرگە چەحيانىڭ ەكىنشى راكەتكاسى رادەك شتەپانەك قاتىسا المادى. ويتكەنى, ول تۇماۋ ءتيىپ اۋىرعاننان كەيىن دەنساۋلىعىن قالپىنا كەلتىرىپ ءۇلگەرمەدى. ەسەسىنە تانىمال تەننيسشى, چەحيانىڭ ءبىرىنشى راكەتكاسى توماش بەردىح ءوزى ءۇشىن دە, باسقا ءۇشىن دە جانتالاسا قيمىلداۋعا ءماجبۇر بولدى.
ر.شتەپانەك بولماعاندىقتان, ەكىنشى نومىرگە يان حايەك شىقتى. جۇپتاسىپ ونەر كورسەتۋدە قازاقستاندىق ەۆگەني كورولەۆ پەن يۋري ششۋكينگە قارسى تاجىريبەلى لۋكاش دلۋحي مەن 17 جاسار تالانتتى تەننيسشى, ءجاسوسپىرىمدەر اراسىنداعى اۆستراليانىڭ اشىق ءبىرىنشىلىگىنىڭ چەمپيونى يرجي ۆەسەلى شىعۋى ءتيىس ەدى...
ءبىرىنشى كۇنى قازاقستاننىڭ ءبىرىنشى راكەتكاسى اندرەي گولۋبەۆ يان حايەككە قارسى وينادى. بەس سەتكە سوزىلعان جەكپە-جەكتە قازاقستاندىقتىڭ مەرەيى ۇستەم بولدى. ءسويتىپ, العاشقى جەڭىس قازاقستان قۇراماسىن العا شىعاردى. ەكىنشى كەزەكتە قازاقستاننىڭ ەكىنشى راكەتكاسى ميحايل كۋكۋشكين الەمنىڭ جەتىنشى راكەتكاسى توماش بەردىحقا قارسى وينادى. بۇل باسەكە دە وتە تارتىستى ءوتتى. ءناتيجەسىندە چەحيا قۇراماسى ەسەپتى تەڭەستىرۋگە مۇمكىندىك الدى.
كەلەسى كۇنى كورتقا جۇپتاسىپ ونەر كورسەتۋشىلەر شىقتى. العاشقى ەكى ويىننىڭ ناتيجەسى بويىنشا ەسەپ تەڭ بولعاندىقتان, چەحيا قۇراماسىنىڭ كاپيتانى كورتقا جاس دارىن – يرجي ۆەسەلىدى شىعارۋعا تاۋەكەلى جەتپەدى. ءسويتىپ, لۋكاش دلۋحيمەن جۇپتاسىپ توماش بەردىح وينادى. تارتىستى ءوتكەن بۇل باسەكەدە 3:1 ەسەبىمەن چەحتار جەڭىسكە جەتتى.
جەكپە-جەكتەردىڭ ءۇشىنشى كۇنى, ياعني 7 ناۋرىزدا ويىن تاعدىرى شەشىلۋى ءتيىس بولاتىن. شيرەك فينالعا شىعۋ ءۇشىن چەحيا قۇراماسىنا ءبىر جەڭىس جەتكىلىكتى ەدى. بىراق الەمنىڭ 43-ءشى راكەتكاسى اندرەي گولۋبەۆ چەحيانىڭ چەمپيونى, الەمنىڭ 7-ءشى راكەتكاسى توماش بەردىحقا قارسى ويىندا جەڭىسكە دەگەن جىگەرلىلىك تانىتتى. ءسويتىپ, ەسەپ تەڭەستى – 2:2.
ەندى ميحايل كۋكۋشكيننىڭ يىعىنا ۇلكەن جاۋاپكەرشىلىك جۇكتەلدى. لۋكاش دلۋحيمەن كەزدەسۋدە قاي تاراپ جەڭىسكە جەتسە, سول باسەكەلەردىڭ كەلەسى كەزەڭىنە وتەتىن. م.كۋكۋشكين الەمنىڭ 63-ءشى راكەتكاسى. قارسىلاسى بولسا, 101-ءشى ورىندا. ءبىر قاراعاندا, قازاقستاندىقتىڭ مىسى باسىم سەكىلدى. ال ا.گولۋبەۆتىڭ ءوزىنەن تاجىريبەسى دە, بەدەلى دە, شەبەرلىگى دە الدەقايدا جوعارى ت.بەردىحتى تىزە بۇكتىرگەنىن ەسكەرسەك, ويىن ءناتيجەسىن الدىن الا بولجاۋ قيىن بولعانى ءتۇسىنىكتى. بىراق, جوعارىدا اتاپ كورسەتكەنىمىزدەي, جەڭىسكە دەگەن جىگەر ءتاجىريبە مەن شەبەرلىكتى ەڭسەرىپ كەتكەنى ءمالىم.
سونىمەن, م.كۋكۋشكين مەن ل.دلۋحي اراسىنداعى باسەكە دە كۇتكەندەگىدەي اسا تارتىستى ءوتتى. ءتورت سەت بويىنشا جەڭىمپاز انىقتالمادى. ال شەشۋشى بەسىنشى سەتتە قازاقستاندىق ۇلكەن توزىمدىلىك تانىتتى. ناتيجەسىندە 6:0 ەسەبىمەن ايقىن جەڭدى. قازاقستان تەننيس فەدەراتسياسى چەحيادا وقيتىن ستۋدەنتتەر مەن گەرمانيا سياقتى كورشى ەلدەردەن جانكۇيەرلەر ۇيىمداستىرعان بولاتىن. ولاردىڭ جانە رەسمي دەلەگاتسيامىزدىڭ قۋانىشىندا شەك بولعان جوق. كوك بايراعىمىزدى جەڭىسكە جەتكەن تەننيسشىلەرىمىزدىڭ جەلبىرەتە ءجۇگىرۋى مەرەيىمىزدى ءوسىردى.
جالپى, قازاقستان قۇراماسىنىڭ بۇعان دەيىن دەۆيس كۋبوگىندا ونەر كورسەتپەگەنىن ەسكەرسەك, ەلىمىز ءۇشىن الەمنىڭ ۇزدىك سەگىز قۇراماسىنىڭ قاتارىنا كىرۋى, ءسوز جوق, ۇلكەن تابىس. ءماسەلەن, 1/8 كەزدەسۋلەرىندە كەيبىر تانىمال قۇرامالار جارىستى جالعاستىرۋ ءمۇمكىندىكتەرىنەن ايىرىلىپ قالدى. سولاردىڭ قاتارىندا شۆەد تەننيسشىلەرىنە جول بەرگەن رەسەي قۇراماسى دا بار.
ەندى 1/4 فينالدا قازاقستان قۇراماسى ارگەنتينا قۇراماسىمەن شەبەرلىك سىناساتىن بولادى. كەزدەسۋلەردىڭ ارگەنتينادا نەمەسە قازاقستاندا وتەتىنىن بۇكىلالەمدىك تەننيس فەدەراتسياسى شەشەدى. بۇل ايتۋلى جەكپە-جەكتەر استانادا وتەتىن بولىپ شەشىلسە, جانكۇيەرلىك تانىتاتىن قازاقستاندىقتار قاتارى كوپ بولاتىنى كۇمانسىز.
«ەگەمەن-اقپارات».
جالپى, تەننيستەن الەمدەگى اسا بەدەلدى كوماندالىق تۋرنير – دەۆيس كۋبوگى ەۋروپا مەن وڭتۇستىك امەريكانىڭ سەگىز قالاسىندا بولىپ ءوتتى. تۋرنيردىڭ دەبيۋتانتتارى – قازاقستان قۇراماسى, جوعارىدا ايتىپ كەتكەنىمىزدەي, وستراۆادا چەحيا قۇراماسىمەن سىنعا ءتۇستى. ءبىر اتاپ وتەرلىگى – ءۇش جەڭىسكە دەيىنگى باسەكەلەردەن تۇراتىن تۋرنيرگە چەحيانىڭ ەكىنشى راكەتكاسى رادەك شتەپانەك قاتىسا المادى. ويتكەنى, ول تۇماۋ ءتيىپ اۋىرعاننان كەيىن دەنساۋلىعىن قالپىنا كەلتىرىپ ءۇلگەرمەدى. ەسەسىنە تانىمال تەننيسشى, چەحيانىڭ ءبىرىنشى راكەتكاسى توماش بەردىح ءوزى ءۇشىن دە, باسقا ءۇشىن دە جانتالاسا قيمىلداۋعا ءماجبۇر بولدى.
ر.شتەپانەك بولماعاندىقتان, ەكىنشى نومىرگە يان حايەك شىقتى. جۇپتاسىپ ونەر كورسەتۋدە قازاقستاندىق ەۆگەني كورولەۆ پەن يۋري ششۋكينگە قارسى تاجىريبەلى لۋكاش دلۋحي مەن 17 جاسار تالانتتى تەننيسشى, ءجاسوسپىرىمدەر اراسىنداعى اۆستراليانىڭ اشىق ءبىرىنشىلىگىنىڭ چەمپيونى يرجي ۆەسەلى شىعۋى ءتيىس ەدى...
ءبىرىنشى كۇنى قازاقستاننىڭ ءبىرىنشى راكەتكاسى اندرەي گولۋبەۆ يان حايەككە قارسى وينادى. بەس سەتكە سوزىلعان جەكپە-جەكتە قازاقستاندىقتىڭ مەرەيى ۇستەم بولدى. ءسويتىپ, العاشقى جەڭىس قازاقستان قۇراماسىن العا شىعاردى. ەكىنشى كەزەكتە قازاقستاننىڭ ەكىنشى راكەتكاسى ميحايل كۋكۋشكين الەمنىڭ جەتىنشى راكەتكاسى توماش بەردىحقا قارسى وينادى. بۇل باسەكە دە وتە تارتىستى ءوتتى. ءناتيجەسىندە چەحيا قۇراماسى ەسەپتى تەڭەستىرۋگە مۇمكىندىك الدى.
كەلەسى كۇنى كورتقا جۇپتاسىپ ونەر كورسەتۋشىلەر شىقتى. العاشقى ەكى ويىننىڭ ناتيجەسى بويىنشا ەسەپ تەڭ بولعاندىقتان, چەحيا قۇراماسىنىڭ كاپيتانى كورتقا جاس دارىن – يرجي ۆەسەلىدى شىعارۋعا تاۋەكەلى جەتپەدى. ءسويتىپ, لۋكاش دلۋحيمەن جۇپتاسىپ توماش بەردىح وينادى. تارتىستى ءوتكەن بۇل باسەكەدە 3:1 ەسەبىمەن چەحتار جەڭىسكە جەتتى.
جەكپە-جەكتەردىڭ ءۇشىنشى كۇنى, ياعني 7 ناۋرىزدا ويىن تاعدىرى شەشىلۋى ءتيىس بولاتىن. شيرەك فينالعا شىعۋ ءۇشىن چەحيا قۇراماسىنا ءبىر جەڭىس جەتكىلىكتى ەدى. بىراق الەمنىڭ 43-ءشى راكەتكاسى اندرەي گولۋبەۆ چەحيانىڭ چەمپيونى, الەمنىڭ 7-ءشى راكەتكاسى توماش بەردىحقا قارسى ويىندا جەڭىسكە دەگەن جىگەرلىلىك تانىتتى. ءسويتىپ, ەسەپ تەڭەستى – 2:2.
ەندى ميحايل كۋكۋشكيننىڭ يىعىنا ۇلكەن جاۋاپكەرشىلىك جۇكتەلدى. لۋكاش دلۋحيمەن كەزدەسۋدە قاي تاراپ جەڭىسكە جەتسە, سول باسەكەلەردىڭ كەلەسى كەزەڭىنە وتەتىن. م.كۋكۋشكين الەمنىڭ 63-ءشى راكەتكاسى. قارسىلاسى بولسا, 101-ءشى ورىندا. ءبىر قاراعاندا, قازاقستاندىقتىڭ مىسى باسىم سەكىلدى. ال ا.گولۋبەۆتىڭ ءوزىنەن تاجىريبەسى دە, بەدەلى دە, شەبەرلىگى دە الدەقايدا جوعارى ت.بەردىحتى تىزە بۇكتىرگەنىن ەسكەرسەك, ويىن ءناتيجەسىن الدىن الا بولجاۋ قيىن بولعانى ءتۇسىنىكتى. بىراق, جوعارىدا اتاپ كورسەتكەنىمىزدەي, جەڭىسكە دەگەن جىگەر ءتاجىريبە مەن شەبەرلىكتى ەڭسەرىپ كەتكەنى ءمالىم.
سونىمەن, م.كۋكۋشكين مەن ل.دلۋحي اراسىنداعى باسەكە دە كۇتكەندەگىدەي اسا تارتىستى ءوتتى. ءتورت سەت بويىنشا جەڭىمپاز انىقتالمادى. ال شەشۋشى بەسىنشى سەتتە قازاقستاندىق ۇلكەن توزىمدىلىك تانىتتى. ناتيجەسىندە 6:0 ەسەبىمەن ايقىن جەڭدى. قازاقستان تەننيس فەدەراتسياسى چەحيادا وقيتىن ستۋدەنتتەر مەن گەرمانيا سياقتى كورشى ەلدەردەن جانكۇيەرلەر ۇيىمداستىرعان بولاتىن. ولاردىڭ جانە رەسمي دەلەگاتسيامىزدىڭ قۋانىشىندا شەك بولعان جوق. كوك بايراعىمىزدى جەڭىسكە جەتكەن تەننيسشىلەرىمىزدىڭ جەلبىرەتە ءجۇگىرۋى مەرەيىمىزدى ءوسىردى.
جالپى, قازاقستان قۇراماسىنىڭ بۇعان دەيىن دەۆيس كۋبوگىندا ونەر كورسەتپەگەنىن ەسكەرسەك, ەلىمىز ءۇشىن الەمنىڭ ۇزدىك سەگىز قۇراماسىنىڭ قاتارىنا كىرۋى, ءسوز جوق, ۇلكەن تابىس. ءماسەلەن, 1/8 كەزدەسۋلەرىندە كەيبىر تانىمال قۇرامالار جارىستى جالعاستىرۋ ءمۇمكىندىكتەرىنەن ايىرىلىپ قالدى. سولاردىڭ قاتارىندا شۆەد تەننيسشىلەرىنە جول بەرگەن رەسەي قۇراماسى دا بار.
ەندى 1/4 فينالدا قازاقستان قۇراماسى ارگەنتينا قۇراماسىمەن شەبەرلىك سىناساتىن بولادى. كەزدەسۋلەردىڭ ارگەنتينادا نەمەسە قازاقستاندا وتەتىنىن بۇكىلالەمدىك تەننيس فەدەراتسياسى شەشەدى. بۇل ايتۋلى جەكپە-جەكتەر استانادا وتەتىن بولىپ شەشىلسە, جانكۇيەرلىك تانىتاتىن قازاقستاندىقتار قاتارى كوپ بولاتىنى كۇمانسىز.
«ەگەمەن-اقپارات».
