ناسيحات جۇمىسى باستالدى

قازاقستان رەسپۋبليكاسىنىڭ ك­ەزەكتەن تىس پرەزيدەنتتىك ساي­لاۋىنا تۇسەتىن كانديداتتار ەسىمى انىقتالعانى بەلگىلى. قازاقستان كوممۋنيستىك حالىقتىق پارتيا­سى­نان پرەزيدەنتتىككە كانديدات جامبىل احمەتبەكوۆتىڭ الماتى وبلىسىنداعى شتابى قۇرىلىپ, جۇمىسىن باستادى. شتاب جەتەكشىسى ماگەررام ما­گەرراموۆپەن حابارلاس­قانى­مىز­دا, وبلىس اۋداندارىنداعى پارتيا ۇيىمدارى سايلاۋشىلار ارا­سىنداعى ۇگىت-ناسيحات جۇمىستا­رىنا بايلانىستى باس قوسقانىن اتاپ ءوتتى. وندا بەلسەندى كوممۋنيستەر الداعى ساياسي ناۋقاننىڭ جاۋاپكەرشىلىگىنە توقتالىپتى. سونىمەن قاتار, پرەزيدەنتتىككە كانديداتتىڭ جۇرت سەنىپ بىلدىرىلگەن ادامدارى انىقتالىپ, ولار اۋداندىق شتابتارعا بولىنگەن. ولاردىڭ اراسىندا روزا ابدراحمانوۆا, جامالادين حاحازوۆ, ەس­باتىر كۋلاچەۆ, تاعى باسقالار بار. بارلىعى ۇگىت-ناسيحات جۇ­مىس­تارىنا كىرىسىپ كەتكەن. *  *  * ورتالىق سايلاۋ كوميسسيا­سى­نىڭ وتىرىسىندا بەلگىلى بول­عا­نىن­داي, قازاقستان پاتريوتتار پار­تياسىنان قازاقستان رەس­پۋب­لي­كاسىنىڭ پرەزيدەنتتىگىنە كانديدات بولىپ تىركەلگەن عاني قا­سىموۆتىڭ الماتى وڭىرىندەگى شتاب جەتەكشىسى سەرىك ايتقوجين, تالدىقورعان ءوڭىرى بويىنشا ءدا­رى­بەك قاراباسوۆ جەتەكشىلىك جاساپ, العاشقى ۇيىمداستىرۋ-كوپ­شى­لىك جۇمىستارى باستالىپ كەتكەن. ساياسي ناۋقانعا بايلانىستى جۇمىس جوسپارىندا مۇمكىن­دىگىن­شە بارلىق ەلدى مەكەندەردەگى حا­لىقپەن كەزدەسۋ بەلگىلەنگەن. ءوڭ­ىر­دەگى اۋداندىق جانە باستاۋىش پارتيا ۇيىمدارىنداعى جاۋاپتى ادامدار سايلاۋشىلار اراسىندا­عى جۇمىستى جانداندىرۋعا كىرىسكەن. ماسەلەن, قاپشاعاي قالاسىن­داعى شتاب جەتەكشىسى بالتاباي نۇرسەيىتوۆ سايلاۋشىلاردىڭ ءتىزىمىن ناقتىلاپ, ولاردىڭ اراسىنان ۇگىت-ناسيحات توپتارى قۇرىلعا­نىن ايتتى. پاتريوتتار سايلاۋ­دىڭ اشىق جانە ءادىل بولاتىنىنا سەنىم ءبىلدىرىپ, ەندى ۇگىت پويىز­دارىن جىبەرۋ ءۇشىن سوڭعى ازىرلىك­تەرىن جالعاستىرۋدا. *  *  * قازىردىڭ وزىندە جۇرتشىلىق ساۋىردەگى سايلاۋدا كىمدى جاقتاپ, داۋىس بەرەتىندەرىن بىلەدى. وسىن­داي ساۋال بارىسىندا تالدىقور­عان قالاسىنداعى شىعىس شاعىن اۋدانىنىڭ تۇرعىنى گۇلناز بەي­سەمبەكقىزىمەن پىكىرلەسكەنىمىزدە ول بىلاي دەدى. – جاسىم 19-دا. مەنى تۋعان جەرىمنىڭ تاماشا تابيعاتى ءسۇي­سىن­دىرەدى. ونىڭ ودان دا اسەم, جاسىل جەلەككە بولەنۋىن, اۋا­سى­نىڭ تازا بولۋىن قالايمىن. سايلاۋ – حالىقتىڭ ءوز تاڭداۋىن جا­سايتىن ءساتى عوي. جاقىندا بۇقا­رالىق اقپارات قۇرالدارىنان قا­زاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەلگەندەر قاتارىندا «تابيعات» ەكولوگيالىق وداعىنان مەلس ەل­ەۋ­سىزوۆتىڭ تۇسكەنىن ءبىلدىم. تا­بي­عات پەن ادام اراسىنداعى تەپە-تەڭدىك بۇزىلعاندىقتان, الەمنىڭ ءار شالعايىندا ءارتۇرلى كەلەڭسىز جايلار كەزدەسىپ وتىر. بۇل مەنى ايرىقشا الاڭداتادى. سوندىقتان دا 3 ءساۋىر كۇنگى سايلاۋدا ءوز دا­ۋى­سىمدى م.ەلەۋسىزوۆتىڭ كان­دي­دا­تۋ­راسىن جاقتاپ بەرەتىن بولامىن. جەتىسۋ جەرىندە بيىل جاقسى باستاما قولعا الىندى. ءار ەلدى مەكەن 20 مىڭ جاس كوشەتتەر وتىرعىزىپ, ونىڭ سايالى باققا اينالۋىنا ۇلەس قوسپاقشى. وسى سايلاۋدا ەكولوگيالىق وداقتى جاقتاپ داۋىس بەرەتىندەر قاتارى كوبەيەتىندىگىنە سەنەمىن. ويتكەنى, تابيعات پەن ادام ەگىز عوي. الماتى وبلىسى.