كوڭىل اۋداراتىن ماسەلە كوپ

قازاقستان قاۋىمداستىقتارى مەن كاسىپورىندارىنىڭ «تا­بي­عات» ەكولوگيالىق وداعىنىڭ توراعاسى, قازاقستان رەسپۋبليكاسى پرەزيدەنتتىگىنە كانديدات مەلس ەلەۋسىزوۆ ءوزىنىڭ سايلاۋالدى شتا­بىندا اقپارات قۇرالدارى وكىلدەرىمەن كەزدەسىپ, سايلاۋ ناۋقانى كەزىندە اتقارىلار جۇمىسى تۋرالى, وعان قانداي دايىندىقپەن كەلگەنى تۋرالى اڭگىمەلەپ بەردى. بۇل جەردە پرەزيدەنتتىككە كان­ديداتتىڭ سايلاۋعا ارنالعان باع­دارلاماسىن جۇيەلى بايانداپ جا­تۋ­دىڭ رەتى جوق بولار, ول الداعى ۋاقىتتا رەسمي تۇردە اقپارات قۇرالدارىندا جاريالاتىنى بەلگىلى. ەلەۋسىزوۆ مىرزانىڭ ءوزى دە وعان تولىق توقتالعان جوق, جۋرناليست قاۋىمى وكىلدەرىمەن ەمىن-ەركىن اڭگىمە, سۇراقتارعا جاۋاپ تۇرعىسىندا باياندادى. رەسپۋبليكا جۇرتشىلىعى مەلس حامزا ۇلىن تابيعاتتىڭ, تۋع­ان جەر­دىڭ جاناشىرى رەتىندە تا­ني­دى. رەسمي بولماسا دا, ونى جۇرت ەلىمىزدىڭ باس ەكولوگى دەپ اتايدى. ەلىمىزدەگى باس لاۋازىمدى قىز­مەتكە ۇسىنىلعان ازاماتقا داۋىس بەرۋشىلەر دە, ەڭ الدىمەن وسىنى ويلايتىنى انىق. ءتىپتى الىسقا بارماي-اق, وسى بۇگىندەرى ونىڭ بيىلعى ناۋرىز مەرەكەسى كۇنى ءاربىر قازاقستاندىق بولماعاندا ءبىر اعاش ەكسە, ەلىمىزدىڭ ءبىراز اۋما­عى جاسىل جەلەككە ورانار ەدى دەگەن باستاماسى تالاي­لار­دىڭ جۇرەگىنە جەتكەن بولار. ءبۇ­گىنگى اڭگىمە بارىسىندا دا ەكولو­گيا ءما­سەلەسى ءبىراز ءسوز بولدى. بۇل ءما­سەلەگە بايلانىستى بار­لىق بيلىك ورىندارىمەن, قوعام­دىق ۇيىم­دار­مەن, جۇرتشىلىق­پەن قويان-قولتىق جۇمىس ىستەيتىنىن ايتتى. ەكولوگيا كوپ ماسەلەنىڭ ءبىرى عانا, ەل پرەزيدەنتىنە جۇكتەلەر مىندەت سان-سالالى, دەدى پرەزيدەنتتىككە كانديدات. ەڭ الدىمەن ەلىمىزدىڭ قۋاتتى بولۋىن, ەكونو­ميكاسىنىڭ قارىشتاپ دامۋىن وي­لاۋىمىز كەرەك. باسقا ماسە­لە­لەر­دىڭ شەشىمى سودان تۋىنداپ جا­تادى. حالىقتىڭ الەۋمەتتىك جاع­دايى قاشاندا كوڭىلدە جۇرەدى. زەينەتكەرلەرگە ايرىقشا قامقور­لىق قاجەت. بۇل رەتتە زەينەتاقى قورلارى ءتيىمدى پايدالانىلسا, ءبىراز ماسەلە شەشىلەر ەدى. دەن­ساۋ­لىق ساقتاۋعا بايلانىستى ماسە­لە­لەر ۇشان-تەڭىز. ەلىمىزدىڭ بولا­شا­عىن ويلاساق, ءبىلىم بەرۋدىڭ كەزەك كۇتتىرمەيتىن ماسەلەلەرىن شەشۋىمىز كەرەك. پرەزيدەنتتىككە كانديدات مەلس ەلەۋسىزوۆپەن كەزدەسكەندە اتتاپ وتپەيتىن ءبىر ماسەلە بار. ول – مەملەكەتتىك ءتىلدى مەڭگەرۋ. ورىس­شا وقىپ, ورىسشالاۋ ورتادا ءجۇر­گەن ازاماتقا بۇل ايتارلىقتاي قيىنداۋ ماسەلە بولعانىن اڭعار­عاندايسىڭ. وسىعان وراي ونىڭ لينگۆيستيكالىق سىناقتان ويدا­عى­داي وتكەنىنە كۇمان كەلتىرگەندەر دە بار. وسىعان بايلانىستى سۇ­راققا ول بايىپتى تۇردە قا­زاق­شا جاۋاپ بەردى. – بيىل دا سىناق تاپسىردىم, وتكەن سايلاۋدا دا تاپسىرعانمىن. سايلاۋشىلارمەن كەزدەسكەندە دە سىناقتان وتە الاتىن شىعارمىن. سويتسە دە, مەملەكەتتىك ءتىلدى جەتە مەڭگەرۋمەن ودان ءارى شۇعىلدا­نۋ­ىم كەرەكتىگىن ۇلكەن جاۋاپكەرشىلىكپەن سەزىنەمىن,– دەدى ول. پرەزيدەنتتىككە كانديداتپەن ونىڭ سايلاۋالدى شتابىندا كەزدەسۋدەن جۋرناليستەر قاۋىمى تولعاندىرعان سۇراقتارىنا جاۋاپ الىپ, جاقسى اسەرمەن تارقاستى. ماماديار جاقىپ. الماتى.