كانديداتتىڭ وبلىستىق شتابى قۇرىلدى

قوستانايدا قكحپ-دان پرەزيدەنتتىككە كانديدات جامبىل اح­مەت­بەكوۆتىڭ  شتابى  قۇرىلدى. حا­لىقتىق كوممۋنيستەر الدىمەن سايلاۋالدى جۇمىستارىنىڭ جوس­پا­رىن جاساپ قويدى. ساياسي ناۋ­قان قارساڭىندا قانداي جۇ­مىس­تار اتقاراتىندىعى جونىندە جۇرت­شىلىقتى حاباردار ەتۋ ءۇشىن شتاب قىزمەتكەرلەرى جەرگىلىكتى اق­پارات قۇرالدارى وكىلدەرىمەن ءباسپاسوز  ءماسليحاتىن وتكىزدى. قازاقستان كوممۋنيستىك حا­لىق­تىق پارتياسى وبلىستىق كو­مي­تەتىنىڭ شتابىندا 15 ادام قىز­مەت ىستەيدى. پرەزيدەنتتىكتەن ءۇمىت­كەر جامبىل احمەتبەكوۆتىڭ وبلىس ورتالىعىندا – 30,  اۋدانداردا 20 سەنىم بىلدىرىلگەن ادامى بولادى. ارينە, ولاردىڭ بارلىعى دا حالىقشىل كوممۋنيستەر. ونىڭ سىرتىندا «قازاقستان كوممۋنيسى» گازەتىنىڭ  №6 سانىندا جامبىل احمەتبەكوۆتىڭ ءومىر­بايا­نى, ال №7 سانىندا ول تۋرالى كە­ڭەيتىلگەن ماقالا بەرىلدى. گازەت­تىڭ وسى ەكى سانى دا قوستا­ناي­لىق­تارعا تاراتىلدى. بۇل ساياسي ءباي­گەگە وزدەرى قوسقان ۇمىتكەردى ساي­لاۋ­شىلارعا كەڭىرەك تانىستىرۋ ماق­ساتىنان تۋعان ارەكەت بولاتىن. مۇنان كەيىن شتاب قىزمەت­كەر­لەر مەن  سەنىم بىلدىرىلگەن ادام­دار­دىڭ باسىن قوسىپ, جينالىس ءوت­كىزدى. وندا  سايلاۋ الدىندا قان­داي جۇمىستارعا باسىمدىق بە­رى­لە­تىن­دىگى جانە مىندەتتەر  سارالاندى. – ءبىز ناۋرىز مەرەكەسىندە  ادامدارعا  سايلاۋ كۇنى  داۋىس بەرۋگە كەلۋ كەرەكتىگىن تۇسىندىرەمىز. سايلاۋعا كەلگەن ءار ادام كىمگە داۋىس بەرسە دە ونىڭ ءوز ەركى, ءوزىنىڭ تاڭداۋى بىلەدى. ەشكىمدە دە «سايلاۋعا بار­مايمىن, كىم بولسا, ول بولسىن», دەيتىن ەنجار­لىق بولماۋى كەرەك. شىندىقتى تۋ ەتىپ ۇستايتىن كوممۋنيستەر شتابىنىڭ  باستى ماقساتى  وسى بولماق,–دەيدى قا­زاق­ستان كوممۋنيستىك حالىقتىق پارتياسى وب­لىستىق كوميتەتىنىڭ ەكىنشى حات­شىسى,  قكحپ وب­لىس­تىق شتابى باستىعىنىڭ ورىن­با­سارى زينايدا ماسلەنكوۆا. قوستانايداعى حالىقشىل كوممۋنيستەر جەتەكشىسىنىڭ ايتۋىن­شا, وسى پارتيادان  پرەزيدەنتتىكتەن ۇمىتكەردىڭ  ءتۇسۋى ولاردىڭ بەل­سەندىلىگىن ارتتىرىپ وتىر.  شتاب قىزمەتكەرلەرى  پرەزيدەنتتىك سايلاۋ ەكونوميكامىزدىڭ دا­مىپ, جەرىمىزدىڭ وركەندەۋى ءۇشىن وتكىزىلگەلى وتىرعان ۇلكەن شا­را­نىڭ ءبىرى ەكەندىگىن حالىققا تۇسىندىرەتىن بولادى. ءنازيرا جارىمبەتوۆا. قوستاناي.