قىز-كەلىنشەكتەرگە ارنالعان جارمەڭكە

اقتوبە قالالىق جۇمىسپەن قامتۋ جانە الەۋمەتتىك باعدار­لا­مالار ءبولىمى 8 ناۋرىز – حا­لىقارالىق ايەلدەر كۇنى قارسا­ڭىندا بىرىڭعاي نازىك جاندارعا ارنالعان بوس جۇمىس ورىندارى جارمەڭكەسىن ۇيىمداستىردى. ونىڭ دا رەتى بار. بولىمدە جۇ­مىس­سىزدار رەتىندە تىركەلگەن 567 ادامنىڭ 427-ءسى قىز-كەلىنشەكتەر. مۇنىڭ ءوزى جۇمىس­سىز ايەلدەردىڭ ەكى قولعا ءبىر جۇ­مىس تابۋى قيىن ەكەنىن كورسەتسە كەرەك. وسى ماسەلەنى وڭ شەشۋ ماق­ساتىندا ۇيىمداستىرىلعان جۇ­مىس ورىندارى جارمەڭكەسىنە قاتىسقان ون كاسىپورىن نازىك جاندار ءۇشىن 164 جۇمىس ورنىن­ ۇسىندى. جارمەڭكەدە اسىرە­سە, بانك قىزمەتكەرلەرىنە, ەسەپشىلەرگە, اسپازدارعا,  ساتۋشىلارعا,  باعدارلاماشىلارعا, مەديتسينا قىزمەتكەرلەرىنە سۇرانىس جو­عارى بولدى. قىز-كەلىنشەكتەردى جۇمىسقا الۋعا «اقتوبە كونديتەر فابريكاسى», «قابيەۆ ي ك» جاۋاپكەرشىلىگى شەكتەۋلى سەرىكتەستىكتەرى جانە «اقبۇلاق» اكتسيونەرلىك قوعامى ىنتالىلىق تانىتتى. جارمەڭكەگە كەلگەن 200-دەن استام جۇمىسسىز قىز-كەلىنشەكتەردىڭ اراسىنان ءبىرازى وزىنە لايىقتى ەڭبەك ورنىنا شاقىرىلىپ, مەرەكە قارساڭىندا كوڭىلدەرى كوتەرىلىپ قالدى. ساتىبالدى ءساۋىرباي. اقتوبە وبلىسى.