سپورتتىق-تەحنيكالىق جاڭا كەشەن

«سوكول» اۆتودرومى» الماتى-قاراعاندى سايراعىنىڭ بويىندا سالىنادى قولعا الىناتىن «سوكول» اۆتودروم» سپورتتىق-تەحنيكا­لىق كەشەن جوباسىن تانىس­تى­رۋ­عا ارنالعان جيىنعا قاتىس­قان وبلىس اكىمى سەرىك ۇمبەتوۆ قۇرىلىسشىلارمەن بىرگە ال­دا­عى مىندەتتەر جايلى اڭگىمەلەدى. الداعى  كەزدە باستالاتىن جوباعا تاپسىرىس بەرۋشى وبلىس اكىمدىگى مەن «سوكول» اۆتو­درو­مى» سپورتتىق-تەحنيكالىق كەشەنى» جاۋاپكەرشىلىگى شەكتەۋلى سەرىكتەستىگى بولسا, باعدار­لا­ما­نى وڭىردەگى تۋريزم, سپورت جانە دەنە تاربيەسى باسقارماسى مەن «رەگيون جوبا» سەرىكتەستىگى ءبىر­لەسىپ جاساعان ەكەن. «سوكول» اۆتودرومى» جوباسىنا 40 ملن. اقش دوللارى كولەمىندە ينۆەستيتسيا سالۋ كوزدەلگەن. وسى­لاي­شا وڭىردە سپورتتىڭ تەح­ني­كا­لىق تۇرلەرىن دامىتۋعا ار­نالعان جاڭا جوبادا كارتادروم, درەگ-رەيسينگ جولى, شوسسەلىك-شەڭبەر تاسجولى, دريفتينگكە ارنالعان الاڭ, اپاتتىق جاع­داي­عا قارسى دايىنداۋ تاسجولى, سونداي-اق قوناق ءۇي كەشەندەرى, مىنبەر جانە بۇكىل كەشەننىڭ تولىق جۇمىس ىستەۋىنە قاجەتتى باسقا دا سپورتتىق جانە تەحنيكالىق قۇرىلىستار سالۋ  جوسپارلانعان. ەلىمىزدىڭ, سونداي-اق جاقىن جانە الىس شەت ەلدىڭ سپورت­شى­لا­رى قاتىساتىن حالىق­ارا­لىق دەڭ­گەيدەگى جارىس وتكىزۋگە ارنالعان كەشەن الماتى – قاراعاندى كولىك جولىنىڭ 76-شى شاقىرىمىندا ورنالاسسا, ونىڭ قۇرىلىسىنا 205 گەكتار جەر تەلىمى قاجەت ەكەن. اۆتودروم سالۋعا تاڭدالعان الاڭ اۋىل شارۋاشىلىعى ماق­سا­تىن­دا پايدالانىلعاندىقتان, ونىڭ وتە­م­­اقىسىن تولەۋ قاجەتتىگى العا قويىلدى. ماسەلەن, جەر تەلىمى ىلە اۋدانى اۋماعىنا قاراستى بولعاندىقتان, اۋدان اكىمى ماسە­لەگە بايلانىستى وتەماقى تولەن­گەن جاعدايدا كەدەرگىنىڭ جوقتى­عىن مالىمدەدى. وبلىس اكىمى سەرىك ۇمبەتوۆ ەكونوميكانى وركەندەتۋ مەن جۇ­مىس­سىزدىقتىڭ الدىن الۋداعى ءتيىمدى جوبالارعا ينۆەستيتسيا سا­لاتىندارعا قولداۋ كورسەتىلەتى­نىن ايتتى. ونىڭ ۇستىنە جە­تى­سۋ­لىقتار سوڭعى جىلدارى سپورت­تىڭ قاي تۇرىنەن بولسا دا جو­عار­عى جەتىستىكتەرگە قول جەتكىزىپ ءجۇر. دەمەك,  اۆتودروم كەشەنى قاجەت. «ستك Socol» جانە «Region» سەرىكتەستىكتەرى اتىنان سپورت­تىق-تەحنيكالىق جاڭا كەشەن جوباسى جايلى ينۆەس­تور­لار­دىڭ كوشباس­شى­سى داستان يب­را­گيموۆ تانىس­تى­رىپ, جوبا جاي­لى تۇسىنىك بەردى. ونىڭ اي­تۋىنشا جوبانى جۇزەگە اسىرۋ بارىسىندا جاقىن ماڭ­دا­عى اۋىل تۇرعىندارى جۇمىسپەن قام­تىلاتىن بولسا, تولىق پايدالانۋعا بەرىلگەندە 400 ادامنىڭ تۇراقتى ەڭبەك ەتۋىنە مۇمكىندىك بار ەكەن. قۇرىلىس ەرەجەلەرى مۇقيات ساقتالىپ, سالىناتىن كەشەندە ينجەنەرلىك جۇيەلەردى دامىتۋ جايى دا قاراستىرىلعان. قۋات كوزىمەن قامتۋ ماقساتىندا 630 جانە 1000 كۆت بولاتىن ەكى دەربەس ترانسفورماتورلار جانە ديزەلدىك ەلەكترستانسا ورناتۋ كوزدەلگەن. جوبادا باسقا دا تۇرمىسقا قاجەتتى نارسەلەر انىقتالاتىنى ايتىلدى. باعدارلامانىڭ ورىندالۋ­ىن ارنايى قۇرىلاتىن ۇيلەس­تى­رۋ كەڭەسى باقىلاپ, ەلىمىزدە تەڭ­دەسى جوق اۆتودروم قۇرى­لى­سى وسىلاي قولعا الىنباقشى. دەمەك, جانكۇيەرلەردىڭ اۆتو­درومداعى سپورتشىلار ونەرىن تاماشالاۋىنا مۇمكىندىك تۋا­تىن كەز الدا دەۋگە بولادى. كۇمىسجان بايجان. الماتى وبلىسى.