جاڭا...

...وندىرىستىك نىسان قۇرىلىسى باستالدى «ارسەلور ميتتال تەمىرتاۋ» كومپانياسىندا سۇرىپتى يلەك ءوندىرىسى ءۇشىن شارشى دايىن­دا­ما­لاردى ۇزدىكسىز  قۇياتىن التى شۇمەكتى ماشينەنىڭ قۇرىلىسى بۇل كۇندە قارقىن الىپ كەلەدى. قۇنى 37,1 ميلليون دوللاردى قۇراعان بۇل ينۆەستيتسيالىق جوبا مەتاللۋرگيالىق كومبي­نات­تىڭ وندىرىستىك قۋاتىن جىلىنا 4 ميلليون توننادان 5 ميلليون توننا بولاتقا دەيىن ارتتىرىپ قانا قويماي, سونداي-اق بولا­شاق­­تا تەمىرتاۋدا ساپالى سۇرىپ­تى يەلەك-ارماتۋرالار, بۇرىش­تىق شۆەللەرلەر, تاۆرولىق پروفيلدەر شىعارۋعا مۇمكىندىك بەرەدى. تۇتىنۋشىلارعا ۇسىنىلا­تىن ءونىم تۇرلەرى كەڭيدى. جاڭا ءوندىرىس جىل اياعىندا ىسكە قوسىلادى. ول الداعى ۋا­قىت­تا بولات ءوندىرۋدى 10 ميلليون تونناعا دەيىن جەتكىزۋگە ۇلكەن مۇمكىندىك بەرەدى. ايقىن نەسىپباي. تەمىرتاۋ. * * * ...تراكتورلار الۋدا زايسان اۋدانىنىڭ شارۋا قو­جا­لىقتارى قاجەتتى تەحنيكالار مەن تەحنولوگيانى جاڭارتۋدا تىڭ ىزدەنىستەر تانىتۋدا. اتاپ ايت­قان­دا, جەر يەلەرى كورشى قىتايدان شا­عىن 88 جاڭا تراكتور ساتىپ الدى. ولار جانار مايدى از تۇتى­نا­دى. ونىڭ ۇستىنە, سەمەيدە قۇ­راس­تىرىلعان «متز-82» تراكتورى­نىڭ جەتەۋىن بىردەي ساتىپ العان قوجالىق يەلەرىنىڭ قۋانىشىندا شەك جوق. كەڭساي, شىلىكتى, سارتەرەك جانە قاراتال اۋىلدارى وننان, ال قارابۇلاق پەن اينابۇلاق اۋىل­دارى­نىڭ قوجالىقتارى سەگىزدەن جاڭا تراكتورلارعا يە بولىپ وتىر. اۋدان اكىمى سەرىك زاينۋلدين جاڭا تەحنيكا الامىن دەۋشىلەرگە جان-جاقتى كومەك كورسەتۋدە. وڭداسىن ەلۋباي. شىعىس قازاقستان وبلىسى. * * * ...جابىق بازار اشىلدى اقتوبە قالاسىنىڭ حالقى جىل سايىن كوبەيىپ كەلەدى.سوعان ءساي­كەس حالىققا ساۋدا قىزمەتىن كور­سە­تۋدىڭ وسى زامانعى  جۇيەسى دە كەڭەيۋ­دە. جاقىندا قالادا تاعى ءبىر جاڭا «ءانۋار» جابىق بازارى پايدالانۋعا بەرىلدى. بۇرىن بۇل جەردە اشىق اسپان استىندا سورە­لەردە ساۋدا جاسالاتىن. ارينە, ونداي جاعدايدا سانيتارلىق تالاپ­تىڭ ساقتالۋى ەكىتالاي ەدى. بازاردىڭ جالپى الاڭى 1200 شارشى مەتر. وندا 80 ساۋدا ورنى بار. جاڭا جابىق بازارعا جىلۋ, ىستىق جانە سۋىق سۋ كەلىپ تۇر. زەرتحاناسى, توڭازىتقىشى بار  ەت پاۆيلونى جۇمىس ىستەيدى.بالىق ساتاتىن ارناۋلى ءبولىم اشىلعان. كافەتەري مەن شاعىن ماركەت تە تۇتىنۋشىلارعا ساپا­لى قىزمەت كورسەتەدى. جاڭا ساۋدا ورنى وسى ماڭنىڭ تۇرعىندارى­نا دا قولايلى, ءبىر كەلگەندە قا­جەت­تىسىنىڭ ءبارىن دەرلىك الىپ قايتادى. ساتىبالدى ءساۋىرباي. اقتوبە وبلىسى.