جاڭا باپكەر جاتتىقتىرادى

قىزىلوردانىڭ «قايسارى» قايرا­تى­نا مىنگەندەي. پرەمەر-ليگادان سىرت قال­عان ءبىر جىل سىر بويىنىڭ كو­مان­داسىنا جاڭا قۋات پەن كۇش سىي­لاعان سياقتى. بىرنەشە جىل بۇرىن ءۇز­دىك ءتورت­تىكتىڭ قاتارىندا بولعان كلۋبقا تومەنگى ليگادا ويناۋدىڭ وڭاي ەمەس ەكەنى دە انىق. سوندىقتان بولسا كەرەك, «قايسار» بيىلعى فۋتبول ماۋسىمىنا تاس-ءتۇيىن دايىندىقپەن كەلە جاتىر. العاشقى قادام باپكەر تاعايىن­داۋ­دان باستالدى. بۇعان دەيىن جانكۇيەر­لەر ارا­سىندا, «قايساردى» ۋكراينالىق باپكەر ۆيكتور كامارزاەۆ جات­تىق­تى­راتىن بولىپ­تى» دەگەن اڭگىمە شىققان. دەگەنمەن اقپارات راستالمادى. بالكىم, كامارزاەۆ اق­مەشىتتىڭ اپتاپ ىستىعىنا كەلگىسى كەلمەگەن شىعار. ەسەسىنە قى­زىلورداعا ليتۆادان باپكەر كەلەتىن بول­دى. ەسىمى – الگيمانتوس ليۋبانسكاس. الگيمانتوس ءبىر كەزدەرى اي­دارىنان جەل ەسكەن فۋتبولشى بولعان. ليتۆانىڭ «جالگيريس» كوماندا­سىنىڭ بەلدى ويىنشىلا­رى­نىڭ ءبىرى ەدى. جەتپىسىنشى جىلدار  ونى ناعىز فۋت­بولشى رە­تىندە تانىتتى. ال سەك­­سەنىنشى جىل­داردىڭ باسىندا ول باپكەرلىككە بوي ۇردى. الدىمەن ءوزى نامى­سىن جىرتقان «جالگيريس» كومانداسىن جات­تىق­تىر­دى. سودان سوڭ بانگلادەشتىڭ «ابا­حا­ما­سىن» قولىنا الدى. توقسانىن­شى جىل­داردىڭ باسىندا ليت­ۆانىڭ ۇلت­تىق قۇراماسىنىڭ تىزگىنىن ۇس­تادى. ۇلت­تىق قۇ­رامانى ول 1995 جىلعا دەيىن باپ­تادى. ال 2003 جىلى لاتفيا فۋتبول فە­دە­راتسياسىنىڭ باسشىلارى ليۋ­بانس­كاس­تى قۇرامانى جاتتىقتىرۋعا قاي­تا شا­قىردى. سودان بەس جىل بويىنا ول ليتۆا قۇ­راماسىن العا سۇيرەدى. – ا.ليۋبانسكاس ءوز قىزمەتىندە جاق­سى كورسەتكىشتەرمەن كوزگە تۇسكەن. ليتۆا قۇ­راماسىنىڭ قازىرگى كۇندەرى ەۋروپا ءتو­رىن­دە تالاي ازۋلى قۇرامامەن تەرەزەسى تەڭ ويناپ جۇرگەنىن بىلەمىز. ەندەشە, ول «قاي­ساردى» دا ورگە سۇيرەيدى دەپ وي­لاي­مىز,– دەيدى «قايسار» فۋتبول كلۋبى دي­رەك­تورىنىڭ ورىنباسارى مارات ءالى­بە­كوۆ. باستاما جامان ەمەس. ەندى قى­زىل­وردا­لىق «قايساردان» جان­كۇيەرلەر تەك جەڭىس كۇ­تەدى. ەرجان بايتىلەس. قىزىلوردا وبلىسى.