قايراتىڭ قايدا, «قايراتىم»؟

ءبىر كەزدەرى ويىنى قازاق جانكۇيەرلەرىن جەلپىنتكەن «قايرات» فۋتبول كومانداسىنىڭ قاي­تا­دان اتى جاڭعىرىپ, تاماشا جەڭىستەرگە جەتۋىن اڭ­ساپ جۇرگەندەر از ەمەس. ەندىگى جەردە ۇلتتىق فۋت­بولدىڭ ايى وڭىنان تۋعان كۇنىن ارمان­داي­تىن­دار­دىڭ تاۋى شاعىلماۋى ءتيىس. ەگەر «قايراتتىڭ» ويىنى قارجىعا تىرەلىپ تۇرسا – جاڭا ماۋسىمدا كو­ماندانىڭ بيۋدجەتى 6 ميلليون اقش دول­لا­رى­نان اسادى. قىسقاسى, «قايراتتىڭ» الاڭسىز وينا­ۋى­نا بارلىق مۇمكىندىكتەر جاسالۋدا. سونىمەن كوك­تەم­­نىڭ العاشقى كۇ­نى, ياعني 1 ناۋرىزدا ال­ماتى قالاسىنىڭ اكىم­­دىگىندە «قاي­رات» فۋتبول كلۋ­بى­نا قا­تىستى ءۇش جاق­تى كە­لىسىم-شارت­قا قول قو­يىل­دى. وسىلايشا قا­لا­لىق اكىمدىك پەن «قازروسگاز» جشس وكىل­­دەرى فۋتبول كلۋ­بىنىڭ بيۋدجەتىنە اۋ­دارىلار قارجىنىڭ كولەمىن رەسمي قۇجاتپەن ناق­تىلادى. جاڭا ماۋسىمدا «قاي­رات­تىڭ» بيۋدجەتى شامامەن 6 ميلليون اقش دوللارىنان اسادى. ونىڭ 700 ميل­ليون تەڭگەسىن ال­­ماتى قا­لاسى ءبول­سە, «قاز­روس­گاز» جشس 2 ميلليون دول­لاردى كلۋب شوتىنا اۋداراتىن بولدى. ءسوز «قايرات» تۋرالى قوزعالعاندا ماسەلەنىڭ ءبىر شەتى ۇنەمى الماتى قالاسىنىڭ باسشىلارىنا دا بارىپ تىرەلىپ جاتاتىنى جاسىرىن ەمەس. كەلىسىم-شارت جاساسۋ راسىمىندە ءسوز العان قالا اكى­­مى احمەتجان ەسىموۆ ءوزىنىڭ جەكە سايتىنا «قايراتقا» قاتىستى ساۋالدار ءجيى كەلىپ تۇسەتىنىن اتادى. فۋتبولدى جاقسى كورەتىن اكىمنىڭ قالانىڭ باس فۋتبول كومانداسىنا جەتكىلىكتى تۇردە كوڭىل بولمەيدى دەپ ەسەپتەيتىن جانكۇيەرلەر ساۋالىنا وراي ەسىموۆ بىلاي دەدى: – مەن ءوز تاراپىمنان بيىل قالا اكىمدىگى «قاي­راتقا» كورسەتەر كومەگىن تولىعىمەن وتەدى دەپ ايتا الامىن. كوپشىلىكتىڭ سۇيىكتىسىنە اينال­عان كوماندا جاڭا ماۋسىمعا دايىن. ونىڭ بارلىق قارىزى وتەلدى. ال بيىلعى جىلعى كلۋبتىڭ قورجىنىنا تۇسكەن قارجى ايتارلىقتاي قوماقتى. ەندىگى ماسەلە, بولىنگەن قارجىنىڭ ءتيىستى جەرىنە دەر شاعىندا جەتۋىن قامتاماسىز ەتۋ. ءبىز بۇل ءىستى ءجىتى قاداعالايمىز. «قايرات» كومانداسىنا ەل بىرىنشىلىگىندە 6 ورىننان تومەندەمەۋ مىندەتىن قو­يىپ وتىرمىز. اكىمنەن كەيىن ءسوز كەزەگى تيگەن كلۋبتىڭ جاڭا باس باپكەرى ۆلاديمير نيكيتەنكو: – مەنىڭ ومىرىمدە «قايراتتىڭ» ورنى ەرەكشە. بۇل كوماندا ماعان اسا قىمبات. «قايراتتىڭ» الداعى ۋاقىتتا تاماشا ويىن ورنەگىن كورسەتكەنىن قالايمىن. ءبىز ءتىپتى جۇلدەلى ورىنداردان تابى­لۋعا دا بار جىگەرىمىزدى سالاتىن بولامىز. وسى ماقساتپەن كومانداعا تاجىريبەلى ويىنشىلاردى جيناپ ۇلگەردىك. دەگەنمەن, ەل بىرىنشىلىگىندەگى العاشقى 6 كەزدەسۋدىڭ ورنى بولەك. ەگەر باستاپقى كەزدەسۋلەردى ءساتتى اياقتاساق, جۇلدەلى ورىندار ءۇشىن تالاسا الامىز, – دەدى. جالپى, فۋتبولدى سۇيەتىن جاندارعا نيكي­تەن­كونىڭ ەسىمى ابدەن تانىس. ول كسرو چەمپيو­ناتىندا «قايراتتىڭ» ساپىندا 256 ويىن وتكىزگەن بولاتىن. ونىڭ وسى جەتىستىگى مەن رەكوردىن باسقا فۋتبولشى ءالى قايتالاي قويعان جوق. سونىمەن جاڭا باپكەر تۇركياداعى وقۋ-جات­تىعۋ كەزدەرىندە  قار­سىلاس رەتىندە ادەيى مىقتى كو­مان­دالاردى تاڭ­داعانىن ايتىپ: – جولداستىق كەز­دەسۋلەر وتە تار­تىس­تى ءوتتى. كو­مان­دا­مىز­دىڭ كۇشتى كو­­­مان­دالارمەن تەڭ ءدا­­­­رەجەدە تايتالاسا الا­­­­تىنىنا كوز جەت­كىزدىك. بۇل جات­تى­عۋلاردىڭ فۋت­بول­شى­لا­رىمىز ءۇشىن پايدا­سى ءتيدى, – دەدى. ايتقانداي, ماۋ­سىمارالىق ءۇزىلىس كە­زىندە ءۇش رەت وقۋ-جاتتىعۋ جيىنىن ءوت­كىزىپ, تۇركيا ەلىندەگى 14 جولداستىق كەزدەسۋدىڭ بەسەۋىندە باسىم ءتۇسىپ, ۇشەۋىندە جەڭىلىپ, قالعان ويىنداردا تەڭ تۇسكەن. وسى جاتتىعۋلاردىڭ ناتيجەسىن كورسەتۋگە «قايراتتىڭ» قايراتى جەتە مە؟ ونىڭ جاۋابى الداعى كۇندەردىڭ ەنشىسىندە. باس باپكەرگە اتال­مىش كوماندادا بىرگە تەڭبىل دوپ تەپكەن ءتاجى­ريبەلى سپورتشى سەرگەي ستۋكاشوۆ كومەكتەسپەك. قازىرگە الماتىلىقتار ءۇشىن الماتى «قاي­را­تىنا», كىشى فۋتبول كومانداسىنا قاتىستى ۇلكەن جاڭالىق – كەزىندە پەلە ويناعان, برازيليانىڭ ايگىلى «سانتوس» كومانداسىمەن جولداستىق كەزدەسۋى دەپ ايتۋعا بولادى. ميني-فۋتبولدان الەمنىڭ جۇلدىزدى كومانداسىنا اينالعان «سانتوس» كو­مان­داسىمەن قارسىلاسۋ – الماتىلىق «قاي­رات­قا» ۇلكەن سىن بولىپ تۇر. سپورت سالاسىنداعى وسى ءبىر ايتۋلى وقيعاعا وراي, 7 ناۋرىزدا بالۋان شولاق اتىنداعى سپورت سارايىندا ءباسپاسوز ءماسليحاتى وتپەك. سپورت سا­لاسىنا قالام تەربەيتىن ارىپتەستەرىمىز الەمنىڭ ەكى دۇركىن ۇزدىك ويىنشىسى اتانعان «سانتوستىڭ» شابۋىلشىسى فالكاومەن جانە وسى كوماندانىڭ باس باپكەرى فەرناردو فەرەتتيمەن سۇحباتتاسا الادى. جۋرناليستەرمەن كەزدەسۋگە كىشى «قايرات­تىڭ» جەتەكشىلەرى دە كەلمەك. ال وتكەن عاسىردىڭ اتى الەمگە ءماشھۇر بولعان فۋتبولشىسى پەلە «سانتوس» پەن «ۇلكەن» فۋتبولدا 18 جىل ويناعان. برازيليانىڭ ەڭ مىق­تى كلۋبتارى قاتارىندا «سانتوس» كومانداسىنىڭ قازىرگى كوشباس­شى­سى جوعارىدا اتاپ وتكەن فالكاو بولىپ تابىلادى. الماتىلىقتار تاعاتسىزدانا كۇتەتىن بۇل جول­داستىق كەزدەسۋ قىز-كەلىنشەكتەردىڭ مەرەكەسىنەن كەيىن ىلە-شالا, 9 ناۋرىزدا وتپەك. ايناش ەسالي. الماتى.