الا دوپ الامانى

ەرتەڭ ەلى­­مىزدىڭ ءبىر­نە­شە قا­لا­­سىن­دا فۋتبولدان قازاقستاننىڭ حح چەمپيوناتى جا­لاۋىن كوتەرەدى. بيىلعى ماۋ­سىمعا «توبىل», «اق­توبە», «قاي­رات», «لوكوموتيۆ», «ەرتىس», «شاح­­تەر», «اتىراۋ», «جەتىسۋ», «تاراز», «ورداباسى» مەن ءبىرىنشى لي­گادان كەلگەن «ۆوستوك» پەن «قاي­سار» كلۋبتارى قاتىسىپ, جىل سو­ڭىنا دەيىن مىڭنان تۇلپار, ءجۇز­دەن جۇيرىك شىققان كو­مان­دانى انىق­تايدى. ولار وتكەن جىل­عى ەرەجە بويىنشا ءار قاي­سى­سى 32 كەزدەسۋدەن وتكىزىپ, چەمپيو­نات­تىڭ ورتاسىنا كەلگەندە ۇزدىك ونەر كورسەتكەن كوماندالار 1-6, باسقالارى 7-12 ورىن ءۇشىن كۇش سى­ناسادى. ءسويتىپ, ال­تىلىققا ىلىك­كەن كوماندالار ۋەفا-نىڭ چەم­پيوندار ليگاسى, ەۋروپا لي­گاسى سياقتى جارىستارىنىڭ ىرىكتەۋ سىندارىنا جولداما السا, 11-12 ورىندى يەلەنگەن كوماندالار ءبىرىنشى ليگادا العاشقى ەكى ورىن­دى العان كوماندالارمەن ورىن الماستىراتىن بولادى. جالپى, جانكۇيەرلەر اراسىن­دا بيىلعى چەمپيوناتتىڭ وتكەن جىلعى ماۋسىمعا قاراعاندا قى­زىقتى جانە تارتىستى وتەدى دەۋشىلەر كوپ. ويتكەنى, كومان­دا­لار­دىڭ ءبارى بىلتىردان بەرى  جىلى جاقتاردا وقۋ-جاتتىعۋ جيىن­دا­رىن وتكىزىپ, تاجىريبەلى ويىن­شى­لار مەن شەت ەلدىك لەگيونەرلەرمەن تولىعىپ, جاڭا ماۋسىمعا جاق­سى دايىندىقپەن كەلىپ وتىر. دە­گەنمەن, ەلشىلىك جارىسقا جاق­سى دايىندىقپەن كەلسە دە, قاي كو­ماندانىڭ بيىل چەمپيون اتانا­تى­نىن ايتۋ قيىن. قازىر كلۋب­تارعا جەرگىلىكتى بيۋدجەت پەن دە­مەۋشىلەردىڭ كومەگىمەن قىرۋار قار­جى ءبولىنىپ, ولاردىڭ لايىقتى ونەر كورسەتۋلەرىنە بار جاعداي جاسالۋدا. ماسەلەن, الماتىنىڭ «قايرات» كومانداسىنا اكىمدىك 700 ملن. تەڭگە كولەمىندە قارجى بولسە, ونىڭ دەمەۋشىسى «قاز­روسگاز» كومپانياسىنىڭ كلۋبقا كورسەتىپ جاتقان كومەگى قانشاما. الماتىلىقتار وسىنداي قولداۋ­دىڭ ارقاسىندا وتكەن جىلدان بەرى قارا تەڭىزدى جاعالاپ, وسى كەزگە دەيىن 14 كەزدەسۋ وتكىزدى. سونىڭ بەسەۋىندە جەڭىسكە جەتسە, 6 وي­ىن­دا تەڭ ويناپ, 3 كەزدەسۋدە ۇتىلدى. سولاي دەسەك تە بيىلعى ماۋسىمدا چەمپيوندىق اتاققا «توبىل», «اق­­توبە» مەن «لوكوموتيۆ» كو­مان­دالارىنىڭ تالاسۋ مۇمكىندىگى كوپ. ال «ەرتىس» پەن «شاحتەر» كلۋبتارى تاعى دا التىلىقتان ورىن الۋعا كۇش سالاتىنى ءسوزسىز. سونداي-اق, «قايرات», «جەتىسۋ», «ور­داباسى» كوماندالارى التى­لىق­قا كىرۋگە ءۇمىتتى. بيىلعى ماۋ­سىمنىڭ جۇمباق كومانداسى رەتىندە «قايسار» مەن «ۆوستوك» كو­مان­دالارىن ايتۋعا بولادى. ءوت­كەن جى­لى ءبىرىنشى ليگادا ونەر كور­سەتكەن بۇل ەكى كوماندا قازىر قۇ­رامىن مىقتاپ جاساقتاپ الاعان­نان كەيىن پرەمەر-ليگادا لايىق­تى باسەكەلەس بولۋ ءۇشىن تاس-ءتۇيىن دايىن تۇر. تاعى ءبىر اتاپ وتەتىن نارسە, وسى جىلعى چەمپيوناتقا كوماندالار شەت ەل لەگيونەرلەرىن كوپتەپ شاقىرىپ وتىر. مۇنداي جاعداي قازاقستان چەمپيوناتى وتكىزىلە باستاعان كەزدەن بەرى ءالى بولعان ەمەس. ءتىپتى, لەگيونەر­لەر­دىڭ ءوزى وڭتۇستىك امەريكا, يسپانيا, افريكانىڭ بىرنەشە ەلدەرىنەن كەلۋدە. مىسالى, «اقتوبەدە» ترينيداد جانە توباگودان كەلگەن روبەرت پرايمۋس, يسپانيالىق حۋان حوسە بەزارەس, كامەرۋندىق ماك مبونە الان ەلۆيس بونو, سەنە­گال­دىق ماليك مانە, تيتي ەس­سوم­با ويناسا, «ورداباسىدا» برا­زيليا­لىق ۆاگنەر كوشتا پەرەيرو, ۋگاندالىق ەندري مۆەسينگە ونەر كورسەتەدى. ال باسقا كوماندالارعا كەلگەن لەگيونەرلەردىڭ كوبى تمد جانە ەۋروپا ەلدەرىنەن جينالعان فۋتبولشىلار. ولاردىڭ ىشىندە «جەتىسۋدە» وزبەكستاندىق ۇلىق­­بەك باقاەۆ, سەربيالىق ميلوش مي­حايلوۆ, يۆان تسۆەتكوۆيچ, سلو­ۆە­نيالىق داركو كرەمەنوۆيچ, ليت­­ۆالىق ارۋناس كليماۆيچۋس, «قاي­راتتا» سەرب ماركو دجوردجەۆيچ, بەلارۋس پاۆەل كيريلچۋك, بول­گا­ريالىق دەيان حريستوۆ, رەسەيلىك سەرگەي سترۋكوۆ پەن ۆلاديمير بايراموۆ ويناسا, «شاح­تەر­دىڭ» قاتارىنا بوس­نيا­لىق الدين دجيديچ, نيكولا ۆا­سيلەۆيچ, بەلارۋس اندرەي پورىۆاەۆ, ليت­ۆالىق گيديميناس ۆيچيۋس, سەرب مي­لانكو راشكوۆيچ قوسىلىپ وتىر. سونىمەن بىرگە شىمكەنتتىك كو­مانداعا  ۋكراي­نا­لىق ارتەم كاسيانوۆ پەن سەرب يۆان پەريچ كەلسە, قازىرگى چەمپيون قوس­تانايدىڭ «توبىل» كلۋ­بى­نا ەكى بوسنيالىق ازامات سامير بەكريچ پەن الەكساندر سا­لۋچيش ونەر كور­­سەتۋگە نيەت ءبىل­دىرگەن ەكەن. 2 ناۋرىز كۇ­نى قازاقستان چەم­­­پيو­ناتى باس­­­تا­لار ال­دىن­دا استانادا «لو­­كوموتيۆ» پەن «تو­بىل» كو­مان­­­دا­لا­­رى­نىڭ ەل سۋپەر كۋ­بو­گىن سا­راپقا سال­عانىن بىلەمىز. وسى كەزدەسۋدە 2:1 ەسەبىمەن قار­­سى­لاس­­­تار­دى جەڭ­­گەن اس­­تانا­لىق اياق­­­دوپ­شىلار قا­­زاق­ستان­نىڭ سۋپەر كۋبوگىنا يە بول­دى. اي­تا­يىن دەگەنىمىز, ءوت­كەن ماۋ­­­­­سىمدا قوس­­تا­ناي­­لىق كو­ماندا سا­پىن­دا چەم­­پي­ون اتان­عان نۇربول جۇ­ماس­قا­ليەۆ «لو­­­كو­مو­تيۆ­كە» اۋ­ىس­قانى­مەن, «تو­بىل» قۇ­رامىن­دا ونىڭ ور­نىن جوق­تات­پايتىن بىرنەشە جاس  قان­داستارى­مىز­دىڭ بار ەكەنىن جانە ولاردىڭ جاسىل الاڭدا قارسىلاس­تارىمەن يىق تە­ڭەستىرىپ باسەكە­لەسە الاتى­نىن  باي­قادىق. بي­ىل­عى بىرىنشىلىككە قاتىساتىن بار­لىق 12 كو­ماندانىڭ ىشىندە وسىنداي فۋت­بول­شىلار بارشى­لىق. دەگەنمەن, قا­زاقستان چەم­پيو­ناتىنا جىل­داعىداي 12 كوماندا ەمەس, كەمىندە 14 كلۋب قا­تىساتىن بولسا, ۇلتتىق قۇرا­ماعا ىرىكتەلەتىن قاراكوز وي­ىن­شىلا­رى­مىز­دىڭ سانى بۇدان دا كوبەيە­تىن ەدى دەگىمىز كەلەدى. داستان كەنجالين. سۋرەتتە: «لوكوموتيۆ» (استانا) – سۋپەركۋبوك يەگەرى.