حالىقتار دوستىعىنا ارنالدى

كەشە ەكونوميكالىق قىل­مىس­­قا جانە سىبايلاس جەم­قورلىققا قارسى كۇرەس اگەنتتىگى قارجى پو­ليتسياسىنىڭ اكا­دە­ميا­سىندا حا­لىقتار دوستىعى مەن تاتۋلىعىن پاش ەتكەن ۇلكەن جيىن بولىپ ءوتتى. وندا اكادەميا باس­شى­لى­عىنىڭ ۇيىم­داس­تىرۋىمەن «ۆايناح» ۇلتتىق-ءما­دەني ورتالى­عى­نىڭ جەتەكشىسى سالمان گەروەۆ اكادەميانىڭ وقىتۋشى-پروفەس­سور­لىق قۇ­را­مى­مەن جانە تىڭ­داۋ­شىلارمەن كەزدەستى. كەزدەسۋدى اشقان اكادەميا باسشىسى مارات ءباشىموۆ ەلىمىزدەگى حالىقتار دوستىعىنىڭ شى­نايى دا مىزعىماس ۇلگىسى رەتىندە تانىلعان «ۆايناح» ۇلتتىق-ءما­دەني ورتالىعىنىڭ قازاق­ستان­دا­عى وسى كەزگە دەيىنگى يگىلىكتى ىسكە قوسقان ۇلەسى مەن اتقارىپ جات­قان جۇمىستارى تۋرالى جان-جاقتى اي­تىپ ءوتتى. ءبىزدىڭ ەلىمىزدەگى حا­لىقتار اراسىندا, ەڭ الدىمەن دوس­تىق, تاتۋلىق ءبىر-ءبىرىن ەرەكشە سىيلاۋ مەن قۇر­مەتتەۋ ءداستۇرى ەتەك العان. سون­دىقتان دا مۇنداي قاستەرلى دە قاسيەتتى ونەگەنى كەيىنگى ۇرپاققا جالعاستىرۋ – پارىز ويتكەنى, ءبىر­لىك بولعان جەردە تىرلىك بو­لاتىنىن ءبىزدىڭ اتا-بابامىز انىق تۇسىنگەن. مەملەكەتىمىزدىڭ دە باستى ساياساتى حالىقتار دوس­تىعىن كەڭىنەن قولداۋ بولىپ تا­بىلادى. ەندەشە قۇقىق قورعاۋ سالاسىندا ەرتەڭ ۇلكەن ومىرگە ارا­لاساتىن ءبىزدىڭ قازىرگى تىڭ­داۋ­شىلارىمىز دوستىق ءجىبىن ودان ءارى نىعايتىپ, جالعاستىرا ءتۇسۋى ءتيىس دەگەن اكادەميا باس­شىسى كەلەسى ءسوزدى استانا قا­لاسىنداعى «ۆايناح» ۇلتتىق-ءما­دە­ني ورتالى­عى­نىڭ جەتەكشىسىنە بەردى. سالمان گەروەۆ ءوز سوزىندە اتالعان ورتالىق مۇندا سوناۋ 1990 جىلداردىڭ ورتاسىندا قۇ­رىلعاندىعىن اتاپ ءوتتى. ودان ءارى ول قازاقستان حالقى اسسام­بلەيا­سى تۋرالى, استانا قالاسىنداعى جاق­سى ىستەر جونىندە كەڭىنەن اڭگى­مەلەپ بەردى. سونىمەن قاتار وزدە­رىنىڭ ۇلتتىق مادەني ءداستۇر­لەرىن ناسيحاتتاۋ مۇمكىندىگى تۋعان­دى­عىنا العىس ءبىلدىردى. ءبىز ءبارىمىز دە قازاقستاندا تۇرىپ جاتقان تەڭ قۇقىلى حا­لىق­پىز. ءبىز ەتنومادەني ۇيىم­دا­رىمىزدى قۇرۋعا, مادەنيە­تى­مىزدى, ءتىلىمىزدى, سالت-ءداستۇر­لە­رىمىزدى قا­لاۋى­مىزشا دامىتا الامىز. بۇ­رىن مۇنداي بولعان جوق. ءتىپتى بەس-التى ادام بولىپ جينالىپ, ىشكى ماسەلەلەرىمىزدى تالقىلاۋعا تىيىم سالىناتىن. ال قازىر بارىنە مۇمكىندىك بار. ءبىزدىڭ ادامدىق قۇ­قىمىز بەن بوس­تاندىعىمىز ناقتى زاڭ ءجۇ­زىندە قورعالاتىن بولدى. وسى­نىڭ ءبارى ەل تاۋەلسىزدىگىنىڭ, مەملەكەتىمىزدىڭ ۇستانعان سىن­دارلى ساياساتىنىڭ ارقاسى دەپ بىلەمىن. وسى كوپقىرلى سايا­سا­تى­مىزدىڭ ناتيجەسىندە ءبىز بۇكىل الەمگە تانىلدىق. وعان وتكەن جىلدىڭ اياعىندا وتكىزىلگەن استانا ءسامميتى كۋا, ۇستىمىزدەگى جىلى وتكىزىلگەن قىسقى ازيادا ويىن­دارى ناقتى مىسال بولا الادى دەگەن سالمان گەروەۆ قازاقستاندا ادام, ونىڭ جاقسى دا اۋقاتتى تۇر­مىسى مەن تاتۋ-ءتاتتى ءومىرى ءۇشىن اتقارىلعان وراسان زور ىستەردى مىسالعا كەلتىردى. وسى جەتىس­تىكتەردىڭ ءتۇپ-تىرەگى بۇل حالىقتار دوستىعى, ولاردىڭ مىزعىماس تا­تۋلىعى مەن ءار­قاشاندا ءبىر-ءبىرىن قۇرمەت تۇ­تۋشىلىعى دەپ ءتۇيىن­دەگەن ونىڭ ويىن «ۆايناح» بي ءانسامبلى ءىلىپ اكەتتى. بي ءانسامبلىنىڭ ۇلتتىق كيىمدە مالىنىپ شىققان جاستارى جا­لىندى بي لەزگينكانى ءدوڭ­گەلەنتە جونەلگەندە بار تىڭ­داۋشى قول سوقتى. قاپ تاۋىن­داعى شاپ­شاڭ­دىق پەن ەپتىلىكتى, جۇرەكتىلىك پەن جىگەرلىلىكتى اي­شىقتايتىن ىرعاق­تى بي ءداستۇرى ءار حالىقتىڭ جا­نىنا جاقىن ەكەن­دىگىن پاش ەتتى. ارينە, ءار كاۆكاز حالقىندا ول وزىنشە كو­رىنىس الاتىنى بەلگىلى. دەگەنمەن شارشامايتىن ەپتىلىكتى بايقا­تاتىن جارىس ءبيى ۆيرتۋوزدى ونەردى دە بىلدىرەدى. بۇدان ءارى ءار جۇرەكتى جاۋلاعان «پريگلاشەنيە», «بياستە» بيلەرى ورىن­دالدى. جالپى اتالعان ورتالىق جانىندا حالىق بيلەرىنىڭ ءانسامبلى جۇمىس ىستەيدى. وعان «حالىقتىق» دەگەن اتاق بەرىلگەن جانە رەس­پۋب­لي­كالىق «شابىت» باي­قا­ۋى­نىڭ لاۋرەاتى بولىپ تابىلادى. وسىن­داي سىندارلى كەزدەسۋ بارىسىندا ۇلتتىق ونەر­لەرىمەن ءتانتى ەتكەن «ۆايناح» ۇلتتىق-مادەني ورتالى­عى ەلىمىزدەگى حالىقتار دوستىعى­نىڭ شىنايى ءبىر ۇلگىسىن كورسەتتى. الەكساندر تاسبولاتوۆ.