اجەلەر سالعان اندەر-اي...

قالا ماڭىنداعى قارعالى اۋى­لىندا «اسىل اجەلەر» ءان ءانسامبلى قۇرىلعانىنا دا كوپ بولا قوي­عان جوق. دەگەنمەن, ول ازعانتاي ۋا­قىتتا كورەرمەننىڭ كوزايىمىنا اي­نالدى. جاقىندا قارعالى اۋىلىن­داعى «گەولوگ» مادەنيەت ۇيىندە «اسىل اجەلەر» حالىقتىق ءان ءانسامبلى تۇرعىندارعا شىعار­ما­شى­لىق ەسەپتىك كونتسەرتىن ۇسىندى. ءان مەن كۇيدى قۇدىرەتتەي قۇر­مەت­تەيتىن حالقىمىزدىڭ مۇنداي ساۋىق-سايرانعا اڭسارى اۋىپ تۇ­را­تىن ادەتى ەمەس پە, كۇندەلىكتى ءوزىمىز كورىپ جۇرگەن پالەنشە ەمەس پە دەپ مۇرىن شۇيىرمەي, جۇمىلا جينال­عانىن قايتەرسىڭ. باستارىن قوسقان­دارى­نا ءۇش-ءتورت جىلدىڭ ءجۇزى بول­عان­­مەن, ساحنا مادەنيەتى­نە سىرالعى بولىپ قالعان اجەلەر دە ىركىل­مە­دى, يمەنىپ-جاسقانشاق­تا­مادى. ەسەپ­تىك كونتسەرت شىمىل­دى­عىن حا­لىق ءانى «سارى­بي­داي­مەن» اشقان ءان­شى اجە­لەر ءبىرى ءجۇن ءتۇتىپ, ءبىرى ۇر­شىق ءيىرىپ, تاعى ءبىرى قۇراق كورپەسىن الا شىعىپ, ساحنا ءسانىن كەلتىرىپ ءان اجارىن اشا تۇسكەندە ريزا بول­ما­عان كورەرمەن قالمادى دەسە دە بول­عانداي. بۇ­دان كەيىن اجەلەر اقتوبە­لىك سازگەر نۇر­تالاپ ءجۇسىپوۆتىڭ «جەڭىسپەن جەتكەن اعالار» ءانىن شىرقاسا, م.ارىن اتىن­داعى قارعا­لى قازاق ور­تا مەكتەبىنىڭ 2-سى­نى­بىندا وقي­تىن ءبىر توپ وقۋشى «ەل قورعاۋعا ءازىرمىز!» انىمەن ساباق­تاس­تىردى. ساحنا تورىنە كوتەرىلگەن ءتورت اجە «شالقاردان ۇشقان اققۋ­لار» ءانىن تامىلجىتتى. بۇدان سوڭ حالىق اندەرى, اتاقتى كومپوزيتورلار ءشامشى قالداياقوۆتىڭ, ەسكەندىر حاسانعاليەۆتىڭ اندەرى قالىق­تا­دى. انسامبل قۇرىلعاننان بەرى كون­تسەرتمەيستەر بولىپ جۇرگەن شول­پان رسىمبەتوۆا اجەلەردى سىر­نايمەن سۇيە­مەلدەپ, ولاردىڭ ءار ءاننىڭ يىرىمدەرى مەن ناقىشتارىنا تەرەڭىرەك بويلاۋىنا اسەم اۋەندىك جاعداي تۋعىزدى. «ءاننىڭ دە ەستىسى بار, ەسەرى بار» دەگەندەي ءانشى اجەلەر ءار ءاندى تىڭدارمانعا تالماي جەتكىزۋ­گە, اسەم اسەرگە بولەۋگە تىرىستى. ءانسامبلدىڭ كوركەمدىك جەتەكشىسى قاراگوز ساعىنوۆانىڭ ايتۋىن­شا, «اسىل اجەلەر» ءان ءانسامبلى 2008 جىلى كۇزدە دۇنيەگە كەلىپتى. قازىر ءانسامبلدىڭ قۇرامىندا 26 اجە ونەر كورسەتەدى ەكەن. وسى كۇن­دەرى ءبىر ۇلتى ورىس اجە دە انسامبلگە قاتىسۋعا تىلەك ءبىلدىرىپ جۇرگەن كورىنەدى. ءانشى اجەلەردىڭ ەڭ ۇلكەنى سەكسەنگە جاقىنداسا, جاسى كىشىسى الپىستىڭ اۋىلىنا ات باسىن بۇرعان. ولاردىڭ دەنى — كوپ بالالى, ۇل­دارىن ۇياعا, قىزدارىن قياعا قون­دىر­عان ارداقتى انالار, نەمەرە ءسۇ­يىپ وتىرعان سۇيىكتى اجەلەر. ءانشى اجەلەر قالا ماڭىنداعى سەلولىق وكرۋگتەردى تۇگەل ارالاپ كونتسەرت بەرىپ, تابىستى ورالىپتى. سونداي-اق «اسىل اجە­لەر» حالىقتىق ءان ان­سامبلىنىڭ ونەر­لەرىنە كورشىلەس ال­عا, قارعالى اۋ­دان­دارىنىڭ تۇرعىن­دارى دا ءتانتى بولىپتى. ءانشى اجەلەرىمىزدىڭ رەپەر­تۋارىندا وتىز­دان استام ءان بار ەكەن. ولار كوبىنە سيرەك ايتىلاتىن حالىق­تىق جانە قازاق كومپوزيتورلارىنىڭ اندەرى دەسەك, بولاشاقتا رەپەر­تۋار­لارىن باس­قا ۇلتتاردىڭ دا اندەرىمەن تو­لىقتىرماقشى كورىنەدى. ساتىبالدى ءساۋىرباي. اقتوبە وبلىسى.