04 ناۋرىز، 2011

كوممۋنيستەر دە سايلاۋالدى شتابىن اشتى

320 رەت كورسەتىلدى
كەشە ەلوردادا قازاقستان كوممۋنيستىك حالىقتىق پارتياسىنان پرەزيدەنتتىككە كانديدات جامبىل احمەتبەكوۆتىڭ رەسپۋبليكالىق سايلاۋالدى شتابىنىڭ اشىلۋ ءراسىمى بولدى. قازاقستان كوممۋنيستىك حالىقتىق پارتياسىنىڭ توراعاسى ۆلاديسلاۆ كو­سارەۆتىڭ تۇساۋكەسەر راسىمدەگى سوزىنە قاراعاندا، پارتيا ورتالىق كومي­تەتىنىڭ حاتشىسى جامبىل احمەتبەكوۆ وسى جىلدىڭ 26 اقپانىندا ورتالىق سايلاۋ كوميسسياسىندا رەسمي تىركەلىپ، قا­زاقستان رەسپۋبليكاسىنىڭ پرەزيدەنتتىگىنە كانديدات مارتەبەسىن العان. كان­ديداتتى قولداپ قول جيناۋ ۇدە­رىستەرى دە ويداعىداي اياقتالدى. التى كۇن ىشىندە كانديدات 96 500 ساي­لاۋشىنىڭ قولىن جيناعان. بۇگىننەن (3 ناۋرىز) باستاپ پارتيا اتىنان پرەزيدەنتتىككە كانديدات جامبىل احمەت­بەكوۆتىڭ سايلاۋالدى ناۋقانى كەڭ كولەمدەگى ۇگىت جۇمىستارىن باستادى. پارتيا توراعاسى ءسوز بارىسىندا پارتيانىڭ سايلاۋ ناۋقانى كەزىندە العا قويعان نەگىزگى ماقساتىمەن دە تانىستىرىپ ءوتتى. ونىڭ حاباردار ەتۋىنشە، ءوزىن-ءوزى جۇمىسپەن قامتاماسىز ەتەتىن ادامداردىڭ جاعدايىن زاڭدى تۇردە بەكىتىپ، جەر تەلىمدەرىنە يە ازامات­تاردىڭ قۇقىقتارىن قايتا قالپىنا كەلتىرۋ قاجەت. سونىمەن قاتار، جەكەشەلەنىپ كەتكەن كوممۋنالدىق قىزمەتتى حالىقتىڭ قاتىسۋىمەن اكتسيونەرلىك قوعام رەتىندە قايتا قۇرۋ كەرەك. ۆلاديسلاۆ كوسارەۆ، سونداي-اق كوممۋنيستىك حالىقتىق پارتيا سايلاۋ ۇدەرىستەرىنە بايقاۋشى رەتىندە بەلسەنە قاتىساتىندىعىنا دا توقتالدى. پارتيا باسشىسىنىڭ ايتۋىنشا، ەلىمىزدە 2،7 ميلليونعا جۋىق ادام ءوزىن-ءوزى جۇ­مىسپەن قامتاماسىز ەتىپ كەلەدى. وسىلاردىڭ 70 پايىزدان استامى ءتۇرلى دەڭگەيدە وتكەن سايلاۋلارعا قاتىسقان جوق. پارتيا ولاردىڭ سايلاۋعا قاتىسۋلارىنا كۇش جۇمىلدىراتىن بولادى. تۇساۋكەسەردە كانديداتتىڭ رەس­پۋبليكالىق سايلاۋالدى شتابىنىڭ جەتەكشىسى داۋكەن تەمىرباەۆ پەن پرەزيدەنتتىكتەن ۇمىتكەر جامبىل احمەتبەكوۆ تە ءسوز الىپ، ساياسي ناۋقانعا بايلا­نىستى ءوز ويلارىمەن ءبولىستى. شتاب جەتەكشىسىنىڭ ءمالىم ەتۋىنشە، كاندي­داتتىڭ سايلاۋالدى ۇگىت جۇمىستارىن جۇرگىزۋ ءۇشىن وبلىستىق، قالالىق جانە اۋداندىق شتابتار قۇرىلىپ، جۇمىس ىستەي باستادى. جاقىندا ۇگىت پويىزى جا­ساقتالىپ، ەل ارالاۋعا شىعاتىن بولا­دى. ونىڭ قۇرامىندا بەلگىلى عالىمدار، ونەر قايراتكەرلەرى مەن ساياساتكەرلەر بار. ال پرەزيدەنتتىككە كانديدات جامبىل احمەتبەكوۆ ءوزىنىڭ سايلاۋالدى باعدارلاماسى باق-تاردا جاريالانا­تى­نىن ايتا كەلىپ، كوممۋنيستىك حا­لىقتىق پارتيانىڭ ءوز جاقتاۋشى­لارى­نا ارناعان ۇندەۋىمەن تانىستىردى. ءاليسۇلتان قۇلانباي.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار