وقو اكىمى يزرايلدىك ينۆەستورلارمەن كەزدەستى

بۇگىن وبلىس اكىمى جانسەيىت تۇيمەباەۆ يزرايلدىك «YR-Mitrelli Group» كومپانياسىنىڭ وكىلدەرىن قابىلدادى. اتالعان كومپانيانىڭ پرەزيدەنتى – نەگىزىن قالاۋشى حايم تايبپەن بولعان اڭگىمەدە تاراپتار قازاقستان مەن ءيزرايلدىڭ ءتۇرلى سالالاردا ىنتىماقتاستىق ورناتىپ كەلە جاتقانىن, سونداي-اق, بۇل يگى جۇمىستاردى وڭتۇستىكتە دە ودان ءارى دامىتۋ ماسەلەلەرىن تالقىلادى, دەپ حابارلايدى وقو اكىمىنىڭ ءباسپاسوز قىزمەتى. باسقوسۋدا ج.تۇيمەباەۆ كومپانيا باسشىلىعىن وڭتۇستىك قازاقستان وبلىسىنداعى ءىرى ينۆەستيتسيالىق جوبالاردى جۇزەگە اسىرۋعا شاقىردى. اتاپ ايتقاندا, شىمكەنت قالاسىندا ونكولوگيالىق ورتالىق پەن كونسۋلتاتيۆتىك – دياگنوستيكالىق ەمحانانىڭ قۇرىلىسى, «اقىلدى» اۆتوتۇراق, بالىق شارۋاشالىعىن دامىتۋ, سارىاعاش اۋدانىنداعى اگروباق جوسپارى مەن ءسۇت جيناۋعا ارنالعان لوگيستيكالىق ورتالىقتىڭ جۇمىستارىن ۇسىندى. يزرايل مەملەكەتىنىڭ اۋىل شارۋاشىلىعى, مەديتسينا, ونەركاسىپ سىندى بىرقاتار سالالاردا الەمدىك كوشباسشى ەكەنىن ايتىپ, وسى ىستەردىڭ وڭتۇستىكتە دە قانات جايۋى قاجەتتىگىنە توقتالعان جانسەيىت قانسەيىت ۇلى وڭىردە شەتەلدىك كاسىپكەرلەردىڭ جۇمىسىن دامىتۋعا اكىمدىك تاراپىنان قاجەتتى قولداۋلاردىڭ جاسالاتىنىن جەتكىزدى. بۇعان دەيىن وڭتۇستىك قازاقستان وبلىسىنا ساپارى اياسىندا اتالعان كومپانيا وكىلدەرى وڭىردەگى كاسىپكەرلىك نىساندارىن ارالاپ, اۋىل شارۋاشىلىعى سالاسى بويىنشا ينۆەستيتسيالىق مۇمكىندىكتەردى بايقاعان بولاتىن. قوناقتار وبلىس اۋماعىنداعى كولىك-لوگيستيكالىق ايماقتار مەن اۋىل شارۋاشىلىعىنىڭ  دامۋىنا قىزىعۋشىلىق بىلدىرگەن. ايتا كەتەيىك, الەمدىك نارىقتا 20 جىلدان بەرى جۇمىس ىستەپ كەلە جاتقان «YR-Mitrelli Group» سەرىكتەستىگى - كەڭ اۋقىمدى, ۇزاق مەرزىمدى جوبالاردى ازىرلەپ, جۇزەگە اسىرۋمەن اينالىساتىن ءىرى كومپانيا. اتاپ ايتقاندا, سەرىكتەستىك دەنساۋلىق ساقتاۋ, سۋ, ەنەرگەتيكا, ءبىلىم بەرۋ, تۇرعىن ءۇي, اۋىل شارۋاشىلىعى جانە ت. ب. سالالاردا ەڭبەك ەتەدى.