04 ناۋرىز، 2011

حالىقشىل كوممۋنيستەر بەلسەندىلىگى

274 رەت كورسەتىلدى
2 ناۋرىزدا قازاقستان كوممۋنيستىك حالىقتىق پارتياسىنان پرە­زيدەنتتىك سايلاۋعا قاتىساتىن ازاماتتى تىركەۋ بويىنشا باس­پا­سوز ءماسليحاتى بولىپ ءوتتى. قكحپ-دان كانديدات رەتىندە پارتيانىڭ ورتالىق كوميتەتىنىڭ حاتشىسى جامبىل احمەتبەكوۆ ۇسىنىلعا­نى بەلگىلى. ونى قولداۋ بويىنشا قول جيناۋ ناۋقانى كەزىندە 96 مىڭ قول جينالعان. بۇل تابىستى ۇدەرىس دەپ سانالادى. جۇمىسقا بار­لىق 16 وڭىرلىك پارتيا كو­ميتەت­تەرىنىڭ، سونداي-اق قالالىق ۇيىمدار مۇشەلەرىنىڭ كۇش-جىگەرى جۇمسالعان. ايتا كەتەتىن بولساق، قكحپ-نىڭ وبلىستار مەن قالا­لار دەڭگەيىندە عانا ەمەس، سونى­مەن قاتار، ەلىمىزدەگى 204 اۋدان­نىڭ 160-ىندا فيليالدارى بار. ءباسپاسوز ءماسليحاتى بارى­سىن­دا وسى ماسەلەلەر جونىندە ايتقان قكحپ ورتالىق كوميتەتىنىڭ حات­شىسى ۆلاديسلاۆ كوسارەۆ پار­تيا­نىڭ ۇستانىمدارىن وزىنە جا­قىن تۇتاتىنداردىڭ بارلىعىن كوممۋنيستىك حالىقتىق ۇيىم قا­تارىنا قوسىلۋعا شاقىردى. «كەڭ اۋقىمدى ۇگىت-ناسيحات ناۋقانىن پايدالانا وتىرىپ ءبىز كوپشىلىكتى قكحپ قاتارىنان كورگىمىز كەلەتىنىن جاريالايمىز»، دەدى پارتيا ورتالىق كوميتەتىنىڭ حاتشىسى. ساياسي بىرلەستىك وكىلدەرىنىڭ ءسوز­دەرىنە قاراعاندا، كانديدات­تىڭ سايلاۋ تۇعىرناماسىن قولداۋ بويىنشا ۇگىت جۇمىستارى جال­پى­ۇلتتىق ناسيحاتپەن ۇيلەستىرىلە جۇرگىزىلەتىن بولادى. بۇل ارادا كوممۋنيستىك حالىقتىق پارتيا­نىڭ مىندەتتەرى مەن قۇندى­لىق­تارىن وڭتايلى ءتۇسىندىرۋدىڭ ما­ڭى­زى زور. سايلاۋ ناۋقانى پارتيا قۇرىلىسىنىڭ جانە ساپالىق جاڭا دەڭگەيگە كوشۋدىڭ ماڭىزدى كەزەڭى رەتىندە قاراستىرىلادى. پارتيا اقيقات پەن ادىلەتتىلىك يدەالدارى كىم-كىمگە دە قىمبات بولسا، كىمدە-كىم قازاقستاندى وركەندەگەن، الەۋمەتتىك جاۋاپكەرشىلىكتى مەملەكەت رەتىندە كورگىسى كەلسە، وزدەرىنىڭ ساپىن تولتىرۋعا شاقىرادى. قكحپ سايلاۋدىڭ تازا، اشىق جانە ءمولدىر ءوتۋى ءۇشىن بارلىق كۇش-جىگەرىن جۇمساۋ نيەتىندە. وسى­عان بايلانىستى پارتيانىڭ رەسپۋبليكالىق سايلاۋ شتابى باستى مىندەتى كىمنىڭ سايلاۋ قۇقى بۇزىلاتىن بولسا، سونىڭ قۇقىن قورعاۋ بولىپ تابىلاتىن قوعام­دىق قولداۋ ورتالىعىن قۇرا­تى­نى مالىمدەلدى. بارلىق دەرلىك سايلاۋ ۋچاسكەلەرىندە قكحپ-نىڭ باي­قاۋ­شىلارى بار. پارتيا ادەتتە سايلاۋ كەزىندە اسا بەلسەندىلىك تانىتا قوي­ماي­تىن سايلاۋشىلار ءتىزىمىن بىرىزدەندىرۋ جاۋاپكەرشىلىگىن وزىنە الاتىنى دا ءباسپاسوز ءماسليحاتى بارىسىندا اتاپ ايتىلدى. پارتيا وكىلدەرىنىڭ پىكىرلەرىنشە، ەلىمىزدە 2،7 ميلليون ءوزىن-ءوزى ەڭبەكپەن قامتاماسىز ەتەتىن ادامدار بولسا، سولاردىڭ كەم دەگەندە جارتى­سى­نان استامى سوڭعى ءۇش سايلاۋ تسيكل­دەرىنە قاتىسقان جوق. «ەگەمەن-اقپارات». استانا.
سوڭعى جاڭالىقتار

جانى جايساڭ جاز-اتا

قوعام • بۇگىن، 23:12

قۇمعا سىڭگەن سۋداي سۋبسيديا

قوعام • بۇگىن، 22:49

كۇلكىنى ازايتساق قايتەدى؟

قوعام • بۇگىن، 22:46

اكە اماناتتاعان ادىلدىك

قوعام • بۇگىن، 22:41

دۇبىردەن تۋعان ولەڭ

ادەبيەت • بۇگىن، 22:39

قىلقالام ۇشىنداعى قۇدىرەت

ونەر • بۇگىن، 22:35

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ۇقساس جاڭالىقتار