قازاقستان رەسپۋبليكاسى باس پروكۋراتۋراسىنىڭ ۇندەۋى

قازاقستان رەسپۋبليكاسى پرەزيدەنتىنىڭ 2011 جىلعى 4 اقپانداعى №1149 جارلىعىمەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى 2011 جىلدىڭ 3 ساۋىرىنە تاعايىندالدى. قازاقستان رەسپۋبليكاسى ورتالىق سايلاۋ كوميس­سيا­سىنىڭ 2011 جىلعى 4 اقپانداعى № 16/22 قاۋلى­سى­مەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارى بەكىتىلدى. قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديداتتاردى تىركەۋدى اياقتادى. «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭى­نىڭ ء(ارى قاراي – كونستيتۋتسيالىق زاڭ) 27-بابىنىڭ 2-تارماعىنا سايكەس 2011 جىلدىڭ 3 ناۋرىزى مەن 1 ءساۋىرى ارالىعىندا قازاقستان رەسپۋبليكاسىنىڭ پرەزيدەنتتiگىنە كانديداتتار سايلاۋ الدىنداعى ۇگiت جۇرگىزۋدى جۇزەگە اسىرادى. بۇل رەتتە سايلاۋ ال­دىن­داعى ۇگىت – سايلاۋشىلاردىڭ بەلگiلi بiر كان­دي­داتتى جاقتاپ نەمەسە قارسى داۋىس بەرۋگە قاتىسۋىنا تۇرتكi بولۋ ماقساتىنداعى قىزمەت (كونستيتۋتسيالىق زاڭنىڭ 27-بابىنىڭ 1-تارماعى). كونستيتۋتسيالىق زاڭنىڭ 27-بابىنىڭ 3-تار­ما­عى­نا ساي سايلاۋ الدىنداعى ۇگىت باسپا, دىبىس-بەينە جانە وزگە دە ۇگiت ماتەريالدارىن شىعارۋ جانە (نەمەسە) تاراتۋ جولىمەن بۇقارالىق اقپارات قۇرالدارى ارقىلى جۇزەگە اسىرىلا الادى. سونداي-اق, سايلاۋ الدىنداعى ۇگىت زاڭنامامەن بەلگىلەنگەن تارتىپتە جانە كونستيتۋتسيالىق زاڭدا تىيىم سالىنباعان جاريا iس-شارالار ارقىلى (جينالىستار جانە ساي­لاۋ­شى­لارمەن كەزدەسۋلەردi, جاريا پىكىرتالاستار مەن پiكiر الىسۋلاردى, ميتينگiلەردi, شەرۋلەردi, دەمون­سترا­تسيالاردى جانە باسقا جاريا ءىس-شارالاردى) جۇزەگە اسىرىلۋى مۇمكىن. بەيبiت جينالىستار, ميتينگiلەر, شەرۋلەر مەن دەمونستراتسيالار ۇيىمداستىرۋ مەن وتكiزۋ ءتارتiبi «قازاقستان رەسپۋبليكاسىندا بەيبiت جينالىستار, مي­تينگiلەر, شەرۋلەر, پيكەتتەر جانە دەمونستراتسيالار ۇيىمداستىرۋ مەن وتكiزۋ ءتارتiبi تۋرالى» قازاق­ستان رەسپۋبليكاسىنىڭ زاڭىمەن رەتتەلەدى. اتالعان زاڭعا سايكەس كونستيتۋتسيالىق زاڭنىڭ 27-بابىنىڭ 3-تارماعىنىڭ 2-تارماقشاسىندا كورسە­تىل­گەن جابىق ەمەس ورىنداردا وتكىزىلەتىن سايلاۋ ال­دىنداعى جاريا iس-شارالار جەرگىلىكتى اتقارۋشى ور­گاندارىن الدىن الا ەسكەرتۋ جانە ولاردىڭ رۇقساتىن الۋ ارقىلى ارنايى بولىنگەن ورىنداردا قوعامدىق ءتارتىپ پەن حالىقتىڭ تىرشىلىگىن قامتاماسىز ەتۋ نىسان­دارىنىڭ قالىپتى جۇمىسىن بۇزۋدى بولدىر­ماۋ­عا باعىتتالعان شارالاردى قولدانا وتىرىپ, ءجۇ­زەگە اسىرىلۋى ءتيىس. كونستيتۋتسيالىق زاڭنىڭ 27-بابىنىڭ 9-تارما­عى­نا سايكەس سايلاۋ الدىنداعى ۇگىتتى جۇرگىزۋ كەزەڭىندە سايلاۋ الدىنداعى ءجونسiز ۇگىتتi جۇرگiزۋگە تىيىم سا­لىناتىنىن اتاپ كورسەتەمىز. سايلاۋ ناۋقانى ءۇشىن ارنايى ازىرلەنگەن باسپا ماتەريالدارىن, سونىڭ ىشىندە, بەزەندىرىلگەن ماتە­ريالداردى, سونداي-اق ومىراۋعا تاعاتىن بەلگىلەردى, جا­لاۋلاردى, جالاۋشالاردى تەگىن تاراتۋدى قوس­پا­عان­دا, سايلاۋشىلارعا تەگiن نەمەسە جەڭiلدiك شارت­تا­رى­مەن تاۋارلار, باعالى قاعازدار بەرىپ, قىزمەتتەر كور­سەتۋ, سونداي-اق لوتەرەيالار, قايىرىمدىلىق اكتسيالا­رىن وتكiزۋ, اقشا تولەۋ نە وسىندايلارعا ۋادە بەرۋ ارقىلى سايلاۋ الدىنداعى ۇگiتتi جۇرگiزۋ سايلاۋ الدىنداعى ءجونسiز ۇگىت بولىپ سانالادى. سايلاۋ جاريالانعان (تاعايىندالعان) كەزدەن باستاپ, كانديداتتارعا, سونداي-اق ولاردىڭ اتىنان نەمەسە ولاردى قولداپ كeز كەلگەن جەكە جانە زاڭدى تۇلعالارعا, ويىن-ساۋىق جانە سپورت­تىق iس-شارا­لارىن ۇيىمداستىرۋدى قوسپاعاندا, قايىرىم­دى­لىق iس-شارالارىن وتكiزۋگە تىيىم سالىنادى. كونستيتۋتسيالىق زاڭعا جانە «قازاقستان رەسپۋبليكاسىندا بەيبىت جينالىستار, ميتينگiلەر, شەرۋلەر, پيكەتتەر جانە دەمونستراتسيالار ۇيىمداستىرۋ مەن وتكiزۋ ءتارتiبi تۋرالى» قازاقستان رەسپۋبليكاسىنىڭ زاڭىنا (9-باپ) سايكەس سايلاۋ الدىنداعى ۇگىتتى نەمەسە جاريا iس-شارالاردىڭ شارتتارىن بۇزۋ كىنالى ادامداردى زاڭدا بەلگىلەنگەن جاۋاپكەرشىلىككە تارتۋعا اكەپ سوعادى. جوعارىدا كورسەتىلگەن زاڭناما نور­مالارىن تۇسىندىرە وتىرىپ, باس پروكۋراتۋرا بارلىق ازاماتتاردى, زاڭدى تۇلعالار مەن بۇقارالىق اقپارات قۇرالدارىن سايلاۋ پروتسەسى بارىسىندا, سونىڭ ىشىندە, سايلاۋ ال­دىنداعى ۇگىتتى نەمەسە جاريا iس-شارالاردى زاڭسىز جۇزەگە اسىرۋعا جول بەرمەۋ تۇر­عىسىندا زاڭدىلىقتى بۇلجىتپاي ساقتاۋعا شا­قىرادى.