ەلباسى قابىلدادى

مەملەكەت باسشىسى نۇرسۇلتان نازارباەۆ رەس­پۋبليكالىق بيۋدجەتتىڭ اتقارىلۋىن باقى­لاۋ جونىندەگى ەسەپ كوميتەتىنىڭ توراعاسى ومارحان وك­سىك­باەۆتى قابىلدادى, دەپ حابار­لا­دى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. و. وكسىكباەۆ پرەزيدەنتكە 2010 جىلى كوميتەت تاراپىنان جۇرگىزىلگەن باقىلاۋ ءىس-شارالارىنىڭ قورىتىندىلارى تۋرالى, سونداي-اق وتكەن جىلعى رەسپۋبليكالىق بيۋدجەتتىڭ ورىندالۋىنا جاسالعان تالداۋدىڭ ناتيجەلەرى جونىندە باياندادى. – مەملەكەت باسشىسى قارجىلىق باقىلاۋدى جەتىلدىرۋ جونىندە, سونداي-اق جەرگىلىكتى بيۋدجەتتىڭ ورىندالۋىنا سىرتقى قارجىلىق باقىلاۋ قىزمەتىن پىسىقتاۋ جانە كۇشەيتۋ تۋرالى بىرقاتار ناقتى تاپسىرما بەردى, – دەدى و.وكسىكباەۆ جۋرناليستەرگە ارنالعان بريفينگتە. *  *  * مەملەكەت باسشىسى نۇرسۇلتان نازارباەۆ «ماڭعىستاۋمۇنايگاز» اق-تىڭ باس ديرەكتورى اليك ايدارباەۆتى قابىلدادى, دەپ حابار­لا­دى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ا.ايدارباەۆ پرەزيدەنتكە «ماڭعىستاۋمۇنايگاز» اق-تىڭ 2010 جىلعى قىزمەتىنىڭ قورىتىندىلارى تۋرالى باياندادى. – مەن مەملەكەت باسشىسىنا كومپانيانىڭ 2015 جىلعا دەيىنگى دامۋ پەرسپەكتيۆالارى تۋرالى جانە  «ماڭعىستاۋمۇنايگاز» اق-تىڭ جاڭا تەحنولوگيانى ەنگىزۋدە قانداي جۇمىستار جۇرگىزىپ وتىرعانى جونىندە بايانداپ بەردىم, – دەدى ا. ايدارباەۆ جۋرناليستەرگە ارنالعان بريفينگتە.