قونىس تويى قۇتتى بولسىن!

پاۆلودار قالاسىنىڭ  ساتباەۆ كوشەسىندەگى №344, №348 تۇرعىن ۇيلەر قازاقستان يپوتەكالىق كومپانياسى باعدارلاماسى بويىنشا سالىندى. بۇل قۋانىشتى شارا ەل تاۋەلسىزدىگىنىڭ 25 جىلدىعى قارساڭىندا جۇزەگە استى. كوپ قاباتتى جاڭا ەكى تۇرعىن ءۇي وب­لىس ورتالىعىنداعى ۋسول­كا شا­عىن اۋدانىندا بوي كو­تەردى. ەڭسەلى ءارى ادەمى. قۇرى­لىس­شى­لاردىڭ ەڭبەگى دەگەن, مىنە, وسى. بۇ­دان باسقا بي­ىل قالادا «وڭىرلەردى دا­مىتۋدىڭ 2020 جىل­عا دەيىنگى» باع­دارلاماسى بوي­­ىنشا وسىنداي 7 كوپ قاباتتى ءۇي پايدالانۋعا بەرىلدى. وبلىس اكىم­دىگىنىڭ ءما­لىمە­تىنشە, بيىل تۇر­عىن ءۇي قۇرى­لىسىنىڭ قارقىنى ءوت­كەن جىلمەن سالىس­تىرعاندا 1,6 ەسە­گە ار­تىپتى. ەندى جىل سو­ڭىنا دەي­ىن وبلىس ورتالىعىندا تا­عى دا 4 جاڭا ءۇيدىڭ قۇ­رىلىسى اياق­تا­لادى دەگەن قۋانىشتى حابار بار. ال قازاقستان يپوتەكالىق كومپانياسى جانە بايتەرەك دەۆەلوپمەنت «بايتەرەك» حولدينگىنىڭ ەنشىلەس ۇيىمدارىمەن, مەملە­كەتتىك باعدارلاما وپەراتورلارىمەن ۋسولكا شاعىن اۋدانىن­دا سالىنعان ۇيلەردەگى 270 پاتەردى كە­زەكتە تۇرعان تۇرعىندار الدى. جال­پى, بۇل اۋداننىڭ ءوزىن ءبىر قالا دەۋگە بولا­دى. ەرتىس وزەنى جاعاسىندا بىرىنەن سوڭ ءبىرى بوي كوتەرگەن كوپ قاباتتى ۇيلەر قاراسى كوپ. مۇندا نازارباەۆ زياتكەرلىك مەكتەبى, №4 ەمحانا, وبلىستىق بالالار اۋرۋحاناسى, كارديوحيرۋرگيالىق ورتالىق, №25 مەكتەپ, بالاباقشالار مەن ساۋدا ورتالىقتارى بار. اۆتوبۋس قاتىناسى تۇراقتى, ترامۆاي جۇرەدى. بارلىق جاعداي جاسالعان. – ەل تاۋەلسىزدىگىنىڭ 25 جىلدىعى قارسا­ڭىندا قالامىزدا ەكى بىردەي تۇرعىن ءۇيدىڭ بەرىلۋى –  قۋانىشتى وقيعا, – دەيدى وبلىس اكىمى بولات باقاۋوۆ. ال قازاقستان يپوتەكالىق كوم­پانياسى جەلىسى بويىنشا پاتەر العان 270 وتباسى قاتا­رىن­دا مۇمكىندىگى شەكتەۋلى بالا ءتار­بيەلەپ وتىرعان وتباسىلار, مەم­لەكەتتىك قىز­مەتشىلەر مەن بيۋدجەتتىك ۇيىم­داردىڭ قىز­مەتكەرلەرى دە بار. جاڭا ءۇي­لەر 108 ءبىر ءبول­مەلى, 108 ەكى ءبول­مەلى جانە 54 ءۇش ءبول­مەلى ءپا­تەر­دەن تۇرادى. تۇرعىن ۇيلەر­دىڭ قۇرىلىسىنا ەلىمىزدە ءوندى­رىلگەن ماتەريال­داردىڭ 80 پايىزى, ياعني كىر­پىش, ارما­تۋرا جانە بەتون پايدالانىلعان. ءوز كەزەگىندە «قازاقستان يپو­تە­كا­لىق كوم­پانياسى» يۇ» اق قار­جى-تەحنيكالىق باقى­لاۋ باس­قار­ما­سىنىڭ باسشىسى جان­بولات قۇر­مانباەۆ قالا تۇرعىندارىنىڭ قونىس تويى قۋا­نىش­تارىنا ورتاق­تاسىپ, ىزگى تىلەگىن ءبىلدىردى. جاڭا ۇيدەن جايلى پاتەر العان ۋچاس­كەلىك پوليتسيا قىزمەتكەرى باۋىرجان اسىل­بەكوۆتىڭ قۋا­نىشىندا شەك جوق. ول وت­باسىمەن بىرگە 10 جىلعا جۋىق جال­دامالى پاتەردە تۇرىپتى. ەندى, ءمى­نە, ءوز پاتەرى ءۇشىن 20 جىلعا جۋىق ايىنا 60 مىڭ تەڭگە كولەمىندە اقى ءتو­لەيدى. – بۇل وتە جاقسى مۇمكىندىك, – دەيدى باۋىرجان. ال ايگۇل ءجۇ­نى­سو­ۆا بولسا ءۇي كەزەگىن «تولىق ەمەس وت­باسى» ساناتى بويىنشا جەتى جىل تو­سىپتى. مۇمكىندىگى شەكتەۋلى بالا اسى­راپ وتىر. ول وسىعان دەيىن تالاي قيىن­دىقتارعا تاپ بولعانىن جاسىرمايدى. – ەندى پاتەرگە قولىم جەتتى, قيىن­دىق ارتتا قالدى, – دەيدى ول شات-شادىمان قۋانىشپەن. بۇل پاۆلوداردا مەملەكەتتىك باع­دارلاما بويىنشا سالىنعان ءبىرىنشى ءۇي ەمەس. وتكەن جىلى جالعا بەرىلەتىن تۇرعىن ءۇي باع­دارلاماسىنا قا­تى­سۋشىلار ءۇشىن قازاقستان يپوتەكالىق كوم­پا­نياسى مايرا كوشەسىندە جالپى الاڭى 9,5 مىڭ شارشى مەترلىك 180 پاتەردى, ەلگين كوشەسىندە جالپى الاڭى 1 مىڭ شارشى مەتردەن اساتىن 35 پاتەردى پايدالانۋعا تاپسىرعان ەدى. جالپى قازاقستان يپو­تەكالىق كومپانياسى جانە بايتەرەك دەۆەلوپمەنت بىرلەسكەن جوبالار اياسىندا 1,5 مىڭنان استام قازاقستاندىق وتباسىلار­دى جالعا بەرىلەتىن تۇرعىن ۇيمەن قام­تاماسىز ەتىپتى. بيىل ءبىر­لەسىپ سالىنعان قۇرىلىس اياقتالعاندا تاعى دا 1,5 مىڭ قازاقستاندىق پاتەر كىلتىن الادى. تۇرعىن ءۇيدى پايدالانۋعا بە­رۋ باعدارلاماسىن ىسكە اسىرۋ باس­­تالعاننان بەرى رەس­پۋبليكا بو­يىن­­­شا جالعا بەرىلەتىن تۇرعىن ءۇي­­د­ىڭ جالپى الاڭى 500 مىڭ شار­شى مەتردەن استى نەمەسە 8 مىڭ­نان استام پاتەردى قۇرادى. تۇر­عىن ءۇي الاڭدارى ەلىمىزدىڭ بار­­لىق قالالارىندا, سونى­مەن قا­تا­ر الماتى, اقمولا جانە شى­عىس قازاقستان وبلىس­تارىن­دا پاي­دال­انۋعا بەرىلدى. 2016 جى­لى «قازاقستان يپو­تەكالىق كوم­پانياسى» يۇ» اق باعدارلاما كورسەتكىشتەرىنە سايكەس «بايتەرەك» ۇبح» اق قولداۋىمەن بارلىعى 326 مىڭ شارشى مەتر جالعا بەرىلەتىن تۇرعىن ءۇيدى پايدالانۋعا بەرەدى. فاريدا بىقاي, «ەگەمەن قازاقستان» پاۆلودار