ەۋروپا ەلدەرىمەن ىقپالداستىق ءۇشىن

كەشە بريۋسسەلدە قازاقستان رەسپۋبليكاسى تاۋەلسىزدىگىنىڭ 20 جىلدىق مەرەيتويىن ۇيىمداستىرۋ جونىندەگى مەملەكەتتىك كوميسسيانىڭ توراعاسى, مەملەكەتتىك حاتشى – سىرتقى ىستەر ءمينيسترى قانات ساۋداباەۆ ەو-داعى ديپلوماتيالىق قىزمەتتىڭ وزەكتى ماسەلەلەرىن جانە ەلىمىز تاۋەلسىزدىگىنىڭ 20 جىلدىعىن اتاپ ءوتۋ ماسەلەلەرىن تالقىلاۋ ماقساتىندا ەۋروپا ەلدەرىندەگى قازاقستاندىق ەلشىلەرمەن جالپىلاما كەڭەس وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى. ق.ساۋداباەۆ ءوز سوزىندە پرەزيدەنت ن.نازارباەۆتىڭ جولداۋىنا سايكەس, قازاقستان ەۋروپالىق باعىتتاعى سىرتقى ساياسي باسىمدىلىقتارىن انىقتاپ بەردى, دەدى. ەۋرووداق ەلدەرىمەن قارىم-قاتىناس شەڭبەرىندە ەكونوميكالىق مازمۇننىڭ نىعايۋى, سونىڭ ىشىندە ەۋروپالىق ينۆەستيتسيالار مەن تەحنولوگيالاردى مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىنا جانە ەلباسىنىڭ باستاماسىمەن قابىلدانعان «ەۋروپاعا جول» مەملەكەتتىك باعدارلاماسىنا تارتۋ ماڭىزدىلىعى اتاپ ءوتىلدى. سونىمەن قاتار, جولداۋدا ايتىلعان «قازاقستان – ەو-2020» ەنەرگەتيكالىق حارتياسىن جاساپ شىعارۋ تۋرالى ۇسىنىستى جۇزەگە اسىرۋ ماڭىزدىلىعى دا اتالدى. قازىرگى كەزدە ەۋروپالىق وداقپەن قارىم-قاتىناستى ساپالى جاڭا دەڭگەيگە شىعارۋعا بارلىق العىشارتتار بار, دەپ اتاپ ءوتتى ءوز سوزىندە ق.ساۋداباەۆ. جوعارىدا ايتىلعاندارعا سايكەس جانە قازاقستان تاۋەلسىزدىگىنىڭ 20 جىلدىق مەرەيتويىن اتاپ وتۋگە وراي, ۇلىبريتانيا, فرانتسيا, گەرمانيا, يتاليا, بەلگيا, نيدەرلاندى, اۆستريا, پولشا, شۆەيتساريا جانە ت.ب. ەلدەردەگى قازاقستاننىڭ ەلشىلەرىنە ەۋروپامەن كەڭ كولەمدى ىنتىماقتاستىقتى ءارى قاراي دامىتۋعا باعىتتالعان كۇش-جىگەردى بەلسەندىلەندىرۋگە ناقتى تاپسىرمالار بەرىلدى.