04 ناۋرىز، 2011

ساپار اياسىنداعى ساليقالى كەزدەسۋلەر

296 رەت كورسەتىلدى
شۆەيتساريانىڭ جەنەۆا قالاسىندا بۇۇ-نىڭ ادام قۇقىقتارى جونىندەگى كەڭەسىنىڭ جوعارى دەڭگەي سەگمەنتىندەگى 16-سەسسياسى بولىپ ءوتتى. ونىڭ جۇ­مى­سى­نا ءوزىنىڭ رەسمي ساپارى اياسىندا مەملەكەتتىك حاتشى – سىرتقى ىستەر ءمينيسترى قانات ساۋداباەۆ قاتىسىپ، ءسوز سويلەدى. سونداي-اق، بىرقاتار ەكىجاقتى كەزدەسۋلەر وتكىزدى. ولاردا ىنتىماقتاستىقتى ودان ءارى نىعايتۋدىڭ ءتۇرلى قىرلارى تال­­قىلاندى، دەپ حابارلادى قازاقستان رەسپۋبليكاسى ءسىم-ءىنىڭ ءباسپاسوز قىزمەتى. اتاپ ايتقاندا، ساياسي جانە ساۋدا-ەكونوميكا سالالارىنداعى ىنتىماقتاس­تىقتى ودان ءارى نىعايتۋ ماسەلەلەرى قانات ساۋداباەۆتىڭ ماكەدونيا، سلوۆەنيا، تايلاند جانە چەحيا سىرتقى ساياسات ۆەدومستۆولارى باسشىلارىمەن كەزدەسۋى بارىسىندا تالقىلاندى. ماكەدونيا رەسپۋبليكاسىنىڭ سىرت­قى ىستەر ءمينيسترى انتونيو ميلوشوسكيمەن كەزدەسۋ بارىسىندا ول قازاق­ستاننىڭ ەقىۇ-داعى توراعالىعىنا جانە ماكەدونيا پرەزيدەنتى قاتىسقان ەقىۇ استانا ءسامميتىنىڭ ۇيىمداس­تى­رىلۋىنا جوعارى باعاسىن بەرە وتىرىپ، ءوز مەملەكەتى باسشىسىنىڭ قازاقستانعا ساپارمەن كەلۋ نيەتى بار ەكەنىن جەتكىزدى. وسى ورايدا اتالعان ساپاردى مازمۇندىق جاعىنان تولىقتىرۋ، ونىڭ ىشىندە ساۋدا-ەكونوميكالىق ىنتىماقتاستىققا قاتىس­تى نەگىزگى قۇجاتتاردى ازىرلەۋ قاجەتتىگى تالقىعا سالىندى. ودان كەيىن حال­قىنىڭ 30 پايىزىن يسلام ءدىنى وكىلدەرى قۇراي­تىن ماكەدونيانىڭ كوپۇلتتى جانە كوپ­كونفەسسيالى قۇرامى جونىندە اقپارات­تان­دىرا وتىرىپ، ا.ميلوشوسكي ەقىۇ-داعى قازاقستان توراعا­لى­عىنىڭ ءتو­زىم­دىلىك ماسەلەسىنە كوڭىل ءبولۋىنىڭ جانە الداعى يكۇ توراعالىعى اياسىندا وركە­نيەت­ارالىق ۇنقاتىسۋعا قاتىستى باسىم­دىلىقتاردىڭ ارتىق­شى­لىعىن العا تارتۋ ءىسىنىڭ ماڭىزىن اتاپ ءوتتى. ق.ساۋداباەۆتىڭ سلوۆەنيا سىرتقى ىستەر ءمينيسترى سامۋەل جبوگارمەن كەزدەسۋى بارىسىندا تاراپتار الدىڭعى جىلعى سلوۆەنيا پرەزيدەنتى دانيلو تيۋركتىڭ قازاقستان رەسپۋب­لي­كا­سى­نا رەسمي ساپارىنىڭ ۇلكەن ماڭىزىن اتاي وتىرىپ، جوعارى دەڭگەيدەگى ەكى­جاق­تى ءوزارا ىقپالداستىقتى ءارى قاراي نى­عايتۋ مۇمكىندىكتەرىن اڭگىمەلەرىنە ارقاۋ ەتتى. كوپجاقتى فورماتتاعى ىنتىماق­تاس­تىقتى تالقىلاي وتىرا، سلوۆەنيا ءمينيسترى «قازاقستان ءوزىنىڭ قارقىندى جۇ­مىسى مەن ۇيىمنىڭ ىلگەرى دامۋىنا قو­سىمشا كۇش بەرگەن ەقىۇ استانا ءسامميتىن ۇيىمداستىرۋىمەن ەقىۇ-داعى ۇلگىلى توراعالىق بەينەسىن كورسەتتى»، – دەپ اتاپ ءوتتى ءوز سوزىندە. اڭگىمەلەسۋشى تا­راپتار، سونداي-اق، ەكى ەلدىڭ بۇۇ شەڭبەرىندەگى ءوزارا بايلانىستارىن قوزعادى. تايلاند سىرتقى ىستەر ءمينيسترى كاسيت پيروميامەن كەزدەسۋ بارىسىندا تاراپتار ساياسي جانە ەكونوميكالىق ىنتىماقتاستىقتى نىعايتۋ ماسەلەلەرىن، قازاقستاندا تايلاندتىڭ ديپلوماتيا­لىق قاتىسۋىن كەڭەيتۋ، سونىمەن قاتار، اوسشك جانە بۇۇ شەڭبەرىندەگى ءوزارا ىقپالداستىق ماسەلەلەرىن قاراستىردى. چەحيا پرەمەر-ءمينيسترىنىڭ ورىن­با­سارى – سىرتقى ىستەر ءمينيسترى كارەل شۆارتسەنبەرگپەن كەزدەسۋ بارىسىندا تاراپتار ەكىجاقتى قارىم-قاتىناستار بولاشاعىن تالقىعا سالدى.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار