04 ناۋرىز، 2011

ەلدى مەكەندەرىمىز جاسىل جەلەك جامىلسىن

359 رەت كورسەتىلدى
«تابيعات» ەكووداعى قازاق­ستان­دىقتاردى ناۋرىز مەيرامىن تويلاۋ كۇندەرى ءداستۇرلى اعاش وتىرعىزۋ ۇدەرىستەرىنە قاتىسۋعا شاقىردى. بىرلەستىك توراعاسى، پرەزيدەنتتىككە كانديدات مەلس ەلەۋسىزوۆ كليماتتىڭ جاھاندىق جىلىنۋ پروبلەماسىنا ادامزات  اتموسفەراداعى كومىرقىشقىل گا­زىن جۇتاتىن جاسىل  جەلەكتى كو­بەي­تۋ ارقىلى عانا قارسى تۇرا الا­تىنىنا سەنىمدى. ەگەر ءاربىر قا­زاقستاندىق تىم  بولماسا ءبىر اعاش نەمەسە ءبىر تال وتىرعىزعان جاعدايدا ەلىمىز بىردەن بىرنەشە ميلليون ەكپەگە كوبەيىپ، ەلدى مەكەندەرىمىزدى جاسىل جەلەك كوم­كە­رە تۇسەتىن بولادى، دەيدى م.ەلەۋسىزوۆ. جاسىل جەلەك كولەمى ەكولوگياسى ناشار الماتى ءۇشىن اسا ماڭىزدى. جانە ءوز قولىڭمەن وتىرعىزعان تال-داراق ادام ءۇشىن ءومىر بويعى ەستەلىك. كوكتەم مەرەكەسى بارشا ءۇشىن ءوزىنىڭ ەلدى مەكەندەرىندە كوشە­لەر­گە شىعىپ، وسى ارقىلى قور­شا­عان ورتانى ساۋىقتىرۋعا ءوز ۇلە­سىن قوسۋ ءۇشىن تاماشا مۇمكىن­دىك، دەپ اتاپ كورسەتەدى ەلىمىزدىڭ باس ەكولوگى. ءسوز رەتى كەلگەندە ايتا كەتەتىن ءبىر ءجايت – مەلس حام­زا ۇلىنىڭ ءوزى العاشقى اعا­شىن وسكىن كەزىندە، ياعني 7 جا­سىن­دا وتىرعىزىپتى. قازىر وتىر­عىز­عان اققايىڭىنىڭ بيىكتىگى 30 مەتر­گە جەتەدى ەكەن. مىنە، سول كەز­دەن باستاپ «تابيعات» ليدەرى ءۇشىن تال-داراق وتىرعىزۋ ادەتتەگى جانە تۇراقتى جۇمىسىنا اينال­عان. – جاقىندا ينتەرنەتتەن ءبىلدىم، ءبىر پاكستاندىق سولدات اعاش وتىرعىزۋدان رەكورد جاساپتى، – دەدى جۋرناليستەرگە م.ەلەۋسىزوۆ. – ءبىر ءوزى، ەشكىمنىڭ كومەگىنسىز 20 مىڭنان استام كوشەت وتىرعىزىپ شىعىپتى. ءبىزدىڭ وتانداستارى­مىز­دىڭ بىرەۋىنە وسى رەكوردتى نەگە قايتالاماسقا نەمەسە ودان دا اسىپ تۇسپەسكە؟! 20 ناۋرىزعا بەلگىلەنىپ وتىر­عان وسى جاسىل جەلەك اكتسياسىن دايىنداپ وتكىزۋ جۇمىستارىنا «تابيعات» وداعى اكىمدەر، مەملەكەتتىك جانە مەملەكەتتىك ەمەس ۇيىمدار، سونداي-اق كاسىپورىن­دار، وقۋ ورىن­دارى، ساياسي پارتيالار مەن قو­عامدىق بىرلەستىكتەر، رۋ­حاني قاۋىمداستىقتار مەن بۇ­قا­رالىق اقپارات قۇرالدارى قولداۋ كور­سەتەدى دەپ ۇمىتتەنەدى. ناۋرىز مەيرامى بارىسىندا اعاش وتىرعىزاتىن ىزگى ءداستۇردى ەكووداق ءبىراز جىلداردان بەرى بەلسەندى تۇردە جانە ۇلكەن كۇش-جىگەر جۇمساۋ ارقىلى قايتا جاڭ­عىرتىپ كەلەدى. بۇگىندە مۇنداي شارالارعا ەكولوگيا پروبلەما­لا­رى ءوزىن بەيجاي قالدىرمايتىن كوپتەگەن ادامدار – ەكولوگتار، مەكتەپ وقۋشىلارى، ستۋدەنتتەر، ساياساتكەرلەر،  شەنەۋنىكتەر، جالپى كوپشىلىك قاۋىم قاتىسىپ ءجۇر. «ەگەمەن-اقپارات». الماتى.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار