04 ناۋرىز، 2011

وليمپيادانىڭ بويتۇمارى

263 رەت كورسەتىلدى
رەسەيدە 2014 جى­لى سوچيدە وتە­­تىن قىسقى وليمپيا ويىندارىنىڭ بويتۇمارىنا جا­ريا­لانعان بايقاۋ مارەسىنە جەتتى. وعان 1،5 ملن. حا­لىق قاتىسىپ، قورى­­تىن­­دىسىندا ءۇش بوي­­تۇمار تاڭ­داپ الىن­دى. ءسوي­تىپ، لەوپارد، اق ايۋ مەن اق قويان وليم­پيادانىڭ بوي­تۇ­ما­رى بولىپ قا­بىل­­داندى. لەو­پارد­­قا حالىقتىڭ 28 پا­يىزى، اق ايۋعا – 18، ال اق قويانعا – 16 پايىز داۋىس بەرىپتى. بۇلاردان باسقا بايقاۋعا قاتىسقان دەلفين – 12، اقشا قار – 10، كۇن – 8، ماترەشكا – 5، سۇر ايۋ – 3 پايىز داۋىس جيناپتى. ال سوچي پاراوليمپياداسىنىڭ بويتۇمارى بولىپ وتتى بالا مەن اقشا قار تاڭداپ الىندى. جاستار ويىندارى وسى كۇندەرى تۋريزم جانە سپورت مي­نيستر­لىگىنىڭ ۇيىمداستىرۋىمەن استانا، الماتى قالالارى مەن اقمولا، شىعىس قازاقستان وبلىس­تارىندا سپورتتىڭ 13 تۇرىنەن قىسقى جاستار ويىندارى وتۋدە. ويىنداردىڭ ماقساتى – دەنە تاربيەسى مەن سپورتتى ناسيحاتتاۋ، قىسقى سپورت تۇرلەرىن ودان ءارى دامىتۋ، ۇلتتىق قۇرامانى جاساقتاۋ ءۇشىن سپورت­شىلاردى ىرىكتەۋ، ولاردى حالىقارالىق جارىستاردى سىناپ كورۋ، سپورتشىلاردىڭ ءىزباسارلارىن دايىن­داۋدىڭ قورىتىندىسىن شىعارۋ. قازىر جارىستار ءۇش كەزەڭ بويىنشا وتۋدە. العاشقى جارىستار 16 – 20 اقپان كۇندەرى الماتىداعى شاڭعىمەن تۇعىردان سەكىرۋ كەشەنىندە وتسە، كەلەسى ويىندار «مەدەۋ» مۇز ايدىنىندا دوپتى حوككەيدەن بولىپ ءوتتى. ودان كەيىنگى جارىستار ريددەر قالاسىندا (شقو) 24 اقپان كۇنى شاڭعىمەن باعدارلاۋ تۇرىنەن باستالدى. بۇل جەردەگى باسەكەلەر 2 ناۋرىز كۇنى مارەسىنە جەتەدى. ال 28 اقپان كۇنى ششۋچە قالاسىندا جالاۋىن كوتەرگەن بياتلون بايگەسى 7 ناۋرىز كۇنى بىتەدى. وسى جەردە كەشەدەن بەرى شاڭعىدان جارىستار ءوتىپ جاتىر. سونداي-اق 2 ناۋرىزدا استاناداعى «قازاقستان» سپورت سارايىندا مانەرلەپ سىرعاناۋدان سايىس بولسا، كونكي تەبۋ ستاديونىندا سپورتتىڭ وسى تۇرىنەن، 28 ناۋرىز كۇنى ۆەلوترەك كەشەنىندە شورت-ترەكتەن جارىستار وتەدى. وسكەمەن قالاسىندا 16-20 ناۋرىز كۇندەرى فريستايلدان، 28-31 ناۋرىزدا سنوۋبوردتان، كوكشەتاۋدا 1-7 ناۋرىز كۇندەرى ەرلەر اراسىندا شايبالى حوككەيدەن، 12-18 ناۋرىزدا الماتىدا ايەلدەر اراسىندا شايبالى حوككەيدەن ۇلتتىق قۇراماعا ىرىكتەۋ سىڭدارى وتەتىن بولادى. بيلەتتەر ساتىلا باستادى 2012 جىلى فۋتبولدان ۋكراينا مەن پولشادا وتەتىن ەۋروپا چەمپيوناتىنىڭ ماتچتارىنا بيلەتتەر ساتىلا باستادى. چەمپيوناتتىڭ اشىلۋ سالتاناتىنا بيلەتتەر 45 ەۋرودان 250 ەۋروعا دەيىن تۇراتىن بولادى. ياعني، ءبىرىنشى دارەجەلى بيلەتتەردىڭ باعاسى 250 ەۋرو بولسا، ەكىنشى دارەجەلىسى 140، ال ءۇشىنشى دارەجەلىسى 45 ەۋروعا باعالانۋدا. توپتىق كەزدەسۋلەردىڭ بيلەتتەرى دە ءار ءتۇرلى. ءبىرىنشى دارەجەلىسى – 120، ەكىنشى كاتەگوريالى بيلەتتەر – 70، ال ءۇشىنشى دارەجەلىسى – 30 ەۋرو. شيرەك فينالدىق ويىندار 40 ەۋرودان 150 ەۋروعا دەيىن، جارتىلاي فينالدىق ماتچتار 45 ەۋرودان 270 ەۋروعا دەيىن، ال فينال 50 ەۋرودان 600 ەۋروعا دەيىن بولادى. بيلەتتەر ۋەفا-نىڭ رەسمي سايتىندا 1-31 ناۋرىز كۇندەرى ساتىلادى. رونالدو. سوڭعى ويىن برازيليانىڭ ءۇش دۇركىن الەم چەمپيونى، كەزىندە گوللانديانىڭ «ەيندحوۆەن»، يسپانيانىڭ «بارسەلونا»، «رەال» كوماندالارى مەن يتاليانىڭ «ينتەر»، «ميلان»، ال سوڭعى جىلدارى ءوز ەلىنىڭ «كورينتيانس» كلۋبىندا ونەر كورسەتكەن رونالدو جاسىل الاڭمەن قوشتاساتىنىن مالىمدەدى. 34 جاسار اياقدوپ شەبەرى برازيليا قۇراماسىنىڭ ساپىندا سوڭعى رەت ويناپ، قوشتاسۋ ماتچىن وتكىزبەكشى. سونىمەن بىرگە ول وسى ويىندا سوڭعى رەت الاڭعا شىعىپ، سول كەزدەسۋگە وزىمەن بىرگە 15 جىلدان استام ۋاقىت دوپ تەپكەن اتاقتى فۋتبولشىلاردى شاقىرۋدى جوسپارلاپ وتىرعانىن ايتۋدا. «مەنىمەن بىرگە ويناعان فۋتبولشىلاردىڭ ءبارى جانكۇيەر­لەردىڭ ەڭ ۇلكەن قۇرمەتىنە لايىق. سوندىقتان ولاردىڭ باسىن ءبىر جەرگە بىرىكتىرۋدى ويلاستىرىپ جاتىرمىن»، – دەيدى ول. روبەرتو كارلوس رەسەيگە كەتتى برازيليانىڭ تاعى ءبىر ويىنشىسى روبەرتو كارلوس رەسەيدىڭ «انجي» كومانداسىمەن كەلىسىم-شارت جاساستى. جاقىندا ول داعىستاننىڭ ماحاچكالا قالاسىنا كەلىپ، كوماندا ۇجىمىمەن تانىسىپ بولعاننان سوڭ وقۋ-جاتتىعۋ جۇمىستارىنا كىرىسىپ كەتتى. ءوزىنىڭ ايتۋىنشا، وعان بۇعان دەيىن انگليانىڭ بىرنەشە كلۋب­تارى «قۇدا» تۇسكىسى كەلگەن ەكەن. ودان كەيىن ونى برازيليانىڭ وزىنەن دە، تۇركيانىڭ كومان­دا­لارى دا شاقىرعان كورىنەدى. بىراق ويلانا كەلە روبەرتو تاڭداۋدى رەسەيدىڭ «انجي» كومانداسىنا جاساۋدى ءجون كورگەن ەكەن. «مەن رونالدو سەكىلدى 34 جاسىمدا ەمەس، فۋتبولمەن 40-41 جاسىمدا قوشتاس­قىم كەلەدى. تۇركيادا ويناپ جۇرگەندە رەسەي چەم­پيوناتىن ءجيى كورەتىنمىن. ونىڭ ماتچتارى ماعان قىزىق كورىنەتىن. سوندىقتان فۋتبولداعى كارەرام­دى «انجي» كومانداسىندا اياقتايتىن شىعارمىن»، دەيدى ول. سونىمەن بىرگە ول ماحاچ­كالانىڭ كومان­داسىنا جاسىل الاڭمەن قوشتاس­قىسى كەلىپ جۇرگەن رونالدونى شاقىرعىسى كەلەتىنىن جاسىرمايدى. داستان كەنجالين.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار