02 ناۋرىز، 2011

سايلاۋ ميسسياسى اشىلدى

227 رەت كورسەتىلدى
كەشە ەقىۇ-نىڭ دەموكراتيا ينستي­تۋت­تارى جانە ادام قۇقىقتارى جونىندەگى بيۋرو­سى 2011 جىلعى 3 ساۋىرگە جوسپار­لانعان كەزەكتەن تىس قازاقستان رەسپۋب­ليكاسى پرەزيدەنتتىك سايلاۋىنىڭ باقى­لاۋ ميسسياسىن اشىق دەپ جاريالادى. ورتالىق سايلاۋ كوميسسياسىندا وتكەن اتالمىش ميسسيانى داان ەۆەرتستىڭ باس­قارۋىمەن سىرتقى ىستەر مينيسترلىگى ارنايى شاقىرعان بولاتىن. ول الماتى مەن استانا قالالارىندا جۇمىس ىستەيتىن 15 ساراپشىدان قۇرالىپ، سايلاۋ كۇنىنە ءبىر اي قالعاندا ەلدىڭ تۇپكىر-تۇپكىرىنە باراتىن 28 بايقاۋشىلاردان قۇرالعان. دەموكراتيا ينستيتۋتتارى جانە ادام قۇقىقتارى (دياق) جونىندەگى بيۋرو سايلاۋعا ءبىراز كۇن قالعاندا، ەقىۇ-نىڭ قاتىسۋشى مەملەكەتتەرىنىڭ اتىنان 400 قىسقا مەرزىمدى بايقاۋشىلاردىڭ جىبەرۋلەرىن سۇراپ وتىر. ولار سايلاۋ ۋچاسكەسىنىڭ اشىلۋىن، سايلاۋ بارىسىن، داۋىس ساناۋىن جانە ەل بويىنشا جالپى ناتيجەلەرىن باقىلاۋدى ءوز مىندەتتەرىنە الادى. ميسسيا سايلاۋدىڭ وتكىزىلۋىن ەقىۇ پرين­تسيپتەرىنە جانە حالىقارالىق-دەموكرا­تيا­لىق سايلاۋدىڭ ۇلگىسىنە، سونىمەن قاتار مەملەكەتتىڭ زاڭناماسىنا سايكەستىگىن باعا­لا­ماق. دوڭگەلەك ۇستەل بارىسىندا سايلاۋ ميس­سياسى ساياسي ۇگىت-ناسيحاتتىڭ قالاي ورىن الىپ جاتقاندىعىن، ساي­لاۋ زاڭناماسىن جانە ونىڭ زاڭدا قول­دا­نىلۋىن، بۇقارالىق اق­پارات قۇرالدارىنىڭ جاع­دايىن، سايلاۋ كو­ميسسيالارىنىڭ جانە باسقا دا ماڭىزدى مەم­لەكەتتىك قۇرىلىمداردىڭ جۇ­مىسىن زەرت­تەي­تىندىگى ايتىلدى. بۇل جونىندە ور­تالىق سايلاۋ كوميسسياسىنىڭ توراعاسى ق.تۇرعانقۇلوۆ ءمالىم ەتتى. جۇلدىز ءبايدىلدا.
سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار