02 ناۋرىز، 2011

ەقىۇ بايقاۋشىلارى تىركەلدى

231 رەت كورسەتىلدى
كەشە ورتالىق سايلاۋ كوميسسياسى الداعى پرەزيدەنتتىك سايلاۋدىڭ دەموكراتيالىق جولمەن ءجۇرۋىن بايقاۋعا كەلگەن ەۋروپاداعى قاۋىپسىزدىك جانە ىنتىماقتاستىق ۇيىمى (ەقىۇ) دەمو­كرا­تيالىق ينستيتۋتتار جانە ادام قۇقىقتارى ءجو­نىن­دەگى بيۋروسىنىڭ (دياقب) ۇزاق مەرزىمدى ميس­سياسىنىڭ بايقاۋشىلارىن تىركەۋ تۋرالى قاۋلى قابىلداعانىن جاريالادى. دياقب-نىڭ ۇزاق مەرزىمدى ميسسياسى باي­قاۋشىلارىنىڭ ءتىزىمىن سىرتقى ىستەر مينيسترلىگى ۇسىنعان ەكەن. ديپلوماتيالىق ەلشى ءدا­رە­جەسى بار داان ەۆەرتس مىرزا باستاعان بايقاۋ­شىلاردىڭ سانى – 44 ادام. ولاردىڭ ءبارىنىڭ دە بايقاۋشىلىق قىزمەتتەن تاجىريبەسى بار. ورتالىق سايلاۋ كوميسسياسىنىڭ قابىل­داعان شەشىمىنە سايكەس، ەندى ولاردىڭ بارىنە ءتيىستى پىشىندەگى كۋالىكتەر بەرىلەتىن بولادى. وسى كۋالىك ولاردىڭ قازاقستان اۋماعىنداعى بارلىق سايلاۋ ۋچاسكەلەرىنىڭ جۇمىسىن بايقاۋىنا قۇقىق بەرەدى. بايقاۋشىلار سايلاۋ ۇدەرىسىنىڭ بارىسىندا دەموكراتيالىق قۇندىلىقتاردىڭ قاتاڭ ساقتالۋىن قاداعا­لاي­تىن بولادى. مۇنىڭ ءوزى پرەزيدەنتتىككە كانديداتتاردىڭ بارلىعىنا بىردەي تەڭ قۇ­قىلى جاعداي جاسالۋىنا مۇمكىندىك تۋعى­زادى. حالىقارالىق تاجىريبەگە سايكەس جاسالىپ جاتقان بۇل جۇمىستار ەلىمىزدەگى سايلاۋ ۇدەرىستەرىنىڭ بارىنشا اشىق، ءمولدىر بولۋىن قامتاماسىز ەتۋ ءۇشىن قاجەت شارالاردىڭ ءبىرى بولىپ تابىلادى. جاقسىباي سامرات.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار