02 ناۋرىز، 2011

شەتەلدىك باق وكىلدەرىمەن كەزدەستى

277 رەت كورسەتىلدى
جاقىندا قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ رەسەي فەدەراتسياسى مەن بەلارۋس رەسپۋبليكاسىنىڭ بۇقارالىق اقپارات قۇرالدارى وكىلدەرىمەن كەزدەستى. كەزدەسۋدە رەسەيلىك جانە بەلارۋستىك  باق وكىلدەرى كەزەكتەن تىس پرەزيدەنتتىك سايلاۋدى تاعايىنداۋعا، ۇيىمداستىرۋعا جانە وتكىزۋگە بايلانىستى قولعا الىنىپ جاتقان ءىس-شارالارمەن، سونداي-اق قازاقستان رەسپۋبليكاسىنىڭ سايلاۋ زاڭناماسى مەن سايلاۋ جۇيەسىنىڭ جالپى دامۋ ۇدەرىستەرىمەن  كەڭىرەك تانىسۋعا قازىعۋشىلىق ءبىلدىردى. ورتسايلاۋكوم توراعاسى شەتەلدىك باق وكىل­دەرىن ورتالىق سايلاۋ كوميسسياسىنىڭ كەزەكتەن تىس سايلاۋدى ازىرلەۋ جانە وتكىزۋ بويىنشا ات­قارىپ وتىرعان جۇمىسىمەن، سايلاۋ ناۋقانىنىڭ نەگىزگى كەزەڭدەرىمەن جانە 20 اقپان كۇنى اياق­تالعان كانديداتتاردى ۇسىنۋ كەزەڭىنىڭ قورىت­ىن­دى­لارى­مەن تانىستىردى. سونداي-اق قۋاندىق تۇر­عان­قۇلوۆ ولاردىڭ سايلاۋدىڭ قۇقىقتىق نەگىزدەرىنە، تاۋەلسىز قازاقستاننىڭ سايلاۋ جۇيەسىنىڭ قالىپ­تاسۋ تاريحىنا، كونستيتۋتسيا مەن «سايلاۋ تۋرالى» زاڭنىڭ ەلدەگى ەڭ جوعارى لاۋازىمنان ۇمىتكەر­لەر­گە قوياتىن تالاپتارىنا، كەزەكتەن تىس پرەزيدەنتتىك سايلاۋدى ۇيىمداستىرۋ مەن ءوت­كىزۋگە بولىنگەن بيۋدجەت قاراجاتىنىڭ ءمول­شەرىنە، ساياسي پارتيا­لار­دىڭ قىزمەتىنە، ورتسايلاۋكوم مەن سايلاۋ ۇدەرىسىنە قاتىسۋشىلاردىڭ بۇقارا­لىق اقپارات قۇرالدارىمەن ءوزارا ارەكەتتەستىگىنە، سايلاۋ ۇدە­رىسىنىڭ ايقىندىعىن قامتاماسىز ەتۋگە، بارلىق كان­ديداتتاردىڭ باق-تارعا تەڭ قول جەتكىزۋىن قامتاماسىز ەتۋ تەتىكتەرىنە، سايلاۋدىڭ قورى­تىن­دىلارىن شىعارۋ ۇدەرىسىنە، كەلىپ تۇسكەن ارىزدار مەن شاعىمداردىڭ سانىنا قاتىستى قويعان سۇراق­تارىنا جاۋاپتار قايتاردى. جانە جۋرناليستەردى ەلەكتورالدىق ناۋقانعا حالىقارا­لىق بايقاۋشى­لار­دىڭ قاتىسۋى، قازاقستاندىق جانە حالىق­ارالىق بايقاۋشىلاردىڭ قۇقىقتارى تۋرالى حاباردار ەتتى. شەتەلدىك جۋرناليستەردىڭ ساۋالدارىنا جاۋاپ بەرە كەلىپ، ق.تۇرعانقۇلوۆ سايلاۋ ناۋقانىنىڭ باس­تا­لۋى­نا وراي ساياسي پارتيالاردىڭ بەلسەندى­لىگى­نىڭ ارتا تۇسكەنىن اتاپ ءوتتى. ولاردىڭ بارلىعى دەرلىك بەلسەندى ناسيحات جۇمىسىن جۇرگىزىپ، وزدەرىنىڭ وكىل­دەرىن ورتالىق جانە اۋماقتىق سايلاۋ كوميس­سيا­لارىنىڭ قۇرامىنا جولداۋدى، سونداي-اق سايلاۋدى بايقاۋعا قاتىسۋدى كوزدەپ وتىر. حالىقارالىق ۇيىمداردىڭ دا سايلاۋ­ارالىق كەزەڭگە قاراعاندا بەلسەندىلىگىنىڭ ارتىپ وتىرعانى بايقالادى. ولار سايلاۋ ناۋقانى كە­زەڭىندە ءارتۇرلى وقىتۋ باعدار­لامالارىن ىسكە اسىرۋعا جانە سايلاۋشىلار ءۇشىن باسپا ونىمدەرىن تاراتۋعا ۇمتىلۋدا. بۇل «قازاق­ستان رەسپۋبليكا­سىنداعى سايلاۋ تۋرالى» كونستي­تۋتسيا­لىق زاڭعا قايشى كەلەدى. ورتسايلاۋكوم باس­شى­سى مۇنداي باعدارلامالاردى ەلىمىزدىڭ سايلاۋدى ۇيىم­داس­تىرۋ­­شىلارىمەن بىرلەسىپ، تەك سايلاۋلار ارالى­عىنداعى كەزەڭدە ىسكە اسىرۋعا بولاتىنىن باسا ايتتى. كەزدەسۋدە ق.تۇرعانقۇلوۆ جۋرناليستەردىڭ سىرت­ق­ى ىستەر مينيسترلىگى جانىندا اككرەديتتەلگەن جۋرناليستەر رەتىندە سايلاۋ ناۋقانى بارىسىن بايقاۋعا بەلسەنە قاتىساتىنىنا سەنىمىن ءبىلدىردى. ءاليسۇلتان قۇلانباي.
سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار