سىر ءوڭىرى كۇرىشتەن رەكوردتىق ءونىم الدى

مەملەكەت باسشىسى نۇرسۇلتان نازارباەۆتىڭ اتىنا قىزىلوردا وبلىسىندا جيىن-تەرىن ناۋقانىنىڭ مول تابىس­پەن اياقتالعانى تۋرالى وبلىس اكىمى ق.كوشەرباەۆ جانە ءبىر توپ اۋىل شارۋاشىلىعى ەڭبەككەرلەرى جولداعان حات كەلىپ ءتۇستى. حات يەلەرى قازاقستان تاۋەل­سىز­دىگىنىڭ 25 جىلدىق مەرەكەسى مەن ەكى مارتە سوتسياليستىك ەڭبەك ەرى, اق كۇرىشتىڭ اتاسى, دالا اكا­دە­ميگى ىبىراي جاقاەۆتىڭ 125 جىل­دىق مەرەيتويى قارساڭىندا سىر ءوڭىرى ديقاندارى كۇرىشتەن بۇ­رىن-سوڭدى بولماعان رەكوردتىق ءونىم العانىن حابارلايدى. سىر بويى ديقاندارى 80 مىڭ گەكتار ەگىستىكتىڭ ءار گەكتارىنان وبلىس بو­يىنشا 54,9 تسەنتنەردەن ءونىم الىپ, ەل قامباسىنا 440 مىڭ توننا كۇرىش قۇيعان. « ۇلى دالانىڭ قاسيەتتى پۇش­پاعى – سىر ەلى حال­قىنىڭ اتىنان دي­قاندارعا, مالشىلارعا كورسە­تىپ وتىرعان قامقورلىعىڭىز ءۇشىن ءسىز­گە زور ريزاشى­لى­عىمىزدى ءبىلدى­رەمىز. سىر بويىنىڭ ەڭبەككەرلەرى مەن بارلىق تۇرعىندارى اتىنان ءسىزدىڭ جاسامپاز باستامالارىڭىزدى ىسكە اسىرىپ, ايانباي ەڭبەك ەتەتىنىمىزگە سەندىرەمىز!», – دەپ جازادى قىزىل­ور­دالىقتار. حات اۆتورلارى اراسىندا قازاقستاننىڭ ەڭبەك ەرى, كۇرىش ءوندى­رۋشىلەر مەن وڭدەۋشىلەر اسسو­تسي­ا­تسياسىنىڭ توراعاسى ا.ەراليەۆ, «ءمادي قاجى» اتىنداعى جشس ءتورا­­عاسى ا.كامالاتدين, «سىر مار­­جا­نى» جشس ديرەكتورى م.وتەەۆ, «رزا اگرو» جشس ديرەك­تورى ن.يمان­دوسوۆ جانە وزگە دە اۋىل شارۋا­شىلىعى سالاسىنىڭ بەلدى ەڭبەككەرلەرى بار.