02 ناۋرىز، 2011

اۋدانارالىق ديسپانسەر مەديتسينالىق قىزمەتپەن ءتورت اۋداننىڭ تۇرعىندارىن قامتيتىن بولادى

324 رەت كورسەتىلدى
بيىلعى جولداۋدا قازاق­ستان­­دىقتاردىڭ دەنساۋلىعىن جاق­سارتۋعا قاجەتتى شارالار­دىڭ ءبارى جاسالاتىنى، ول ءۇشىن ەلىمىزدە قولايلى جاعدايلار تۋ­عىزىلعانى اتاپ كورسەتىلگەنى ءمالىم. سالا ءبىرتۇتاس ۇلتتىق دەن­ساۋلىق ساقتاۋ جۇيەسىنە كو­شىپ، جاڭا الەۋمەتتىك جوبالار جۇزەگە اسىرىلدى. ءدارى-ءدار­مەك­پەن جابدىقتاۋ، دەنساۋلىق ساقتاۋ نىساندارىن سالۋ، زاماناۋي قۇرال-جابدىقتار ورناتۋ باعىتىندا دا وزگەرىستەر كوپ. ەندىگى مىندەت اۋرۋدىڭ الدىن الۋعا شىنداپ كىرىسۋ، باستاپقى مەديتسينالىق-سانيتارلىق جاردەمنىڭ ساپاسىن ارتتىرۋ، پروفيلاكتيكالىق جۇمىستاردى ساۋاتتى ۇيىمداستىرۋ بولىپ تابىلادى. جامبىل اۋدانىندا «100 مەكتەپ، 100 اۋرۋحانا» باع­دارلاماسى اياسىندا 90 ادام­دى قابىلدايتىن ەمحاناسى بار 100 ناۋقاسقا ارنالعان اۋدان­ارا­لىق تۋبەركۋلەز ديسپان­سەرى­نىڭ پايدالانۋعا بەرىلۋى شالعاي­داعى اۋىل تۇرعىندارى ءۇشىن ءدا­رىگەرلىك كومەكتىڭ قولجەتىمدىلىگىن ارتتىرا تۇسەرى انىق. قىزىلجار وڭىرىندە تۋبەركۋلەز قاتەرلى اۋرۋلار تىزىمىندە تۇر. سوڭعى كەزدەرى  ونىمەن سىرقات­تان­عاندار جانە قايتىس بول­عان­دار سانىنىڭ كەمىگەنى بايقالادى. فتيزياتر دارىگەرلەر مۇنداي وڭ قۇبىلىستى ادام دەنساۋلىعىنا ۇلكەن قاۋىپ توندىرەتىن اۋرۋ­لار­دىڭ جولىن كەسۋدە مەملەكەتتىك تۇرعىدان ۇلكەن ءمان بەرىلىپ، ەمدەۋ شارالارىنىڭ كەشەندى ءجۇر­گىزىلۋىمەن بايلانىستىرادى. كۇر­دە­لى احۋال وسىلايشا بىرتىندەپ ەڭسەرىلىپ كەلەدى. اۋدان ورتالىعى پرەسنوۆ كەنتىندە تۇرعىزىلعان ەكى قاباتتى مەديتسينالىق عيما­رات­تىڭ قۇرىلىس جۇمىستارىمەن «ليرا» جشس  اينالىستى. 8700 شارشى مەتر اۋماقتى الىپ جات­قان مەكەمەگە رەسپۋبليكالىق قا­زى­نادان 1،5 ميلليارد تەڭگە قۇيى­لىپ، 83 ميلليونى مەدي­تسي­نالىق قوندىرعىلار، 48 ميل­ليونى جۇم­ساق جيھازدار الۋعا جۇم­سالدى. ونىڭ اشىلۋ سالتاناتىنا وبلىس اكىمى سەرىك ءبىلالوۆ قا­تى­سىپ،  قۇتتىقتاۋ سوزىندە  جول­­­داۋ­دىڭ نەگىزگى قاعيدات­تا­رىن جي­نالعانداردىڭ ەسىنە سالدى. بىلتىر وبلىستىڭ دەن­ساۋ­لىق ساق­­تاۋ سالاسىنا 11،8 ميلليارد تەڭگە ءبولىندى. نى­سان­داردى  قاي­تا قالپىنا كەلتىرۋگە 2،2 ميل­ليارد تەڭگە قاراس­تى­رىلدى. جول­دامامەن كەلگەن 68 جاس مامانعا تۇرعىن ۇيلەر مەن كوتەرمە اقى­لار بەرىلدى. نە­گىزگى دەنساۋلىق ساقتاۋ كور­سەتكىشتە­رى جاقسارا تۇسۋدە، دەدى ايماق باسشىسى. سوسىن ۇجىمعا «جەدەل جاردەم» كولىگىنىڭ كىلتىن تابىس ەتتى.  ديسپانسەردىڭ ءىشىن ارا­لاپ كورىپ، جوعارى تالاپ­تارعا جاۋاپ بەرەتىنىنە كوز جەتكىزدى. ەكىنشى قاباتتا سىرقات­تىڭ اۋىر تۇرىنە شالدىق­قان ناۋقاستار ءۇشىن ءبىر، ەكى ورىن­دى پالاتالار ورنالاسقان. ولار­دىڭ جابدىقتالۋى دا كوڭىل ءسۇي­سىن­تەدى. دۋش، دارەتحانا – ءبارى ىشىندە. – ديسپانسەر 4 اۋداننىڭ تۇر­عىندارىنا قىزمەت كورسەتەدى. بۇ­دان تىسقارى ناۋقاستارعا قوسىم­شا  مەديتسينالىق كومەكتەر بەرىلەدى. سوعان وراي  ۋدز، ءتىس ءدارى­گەرى، تاعى باسقا  شتاتتار قاراس­تى­رىلعان. 100-دەن اسا ادام جۇمىسقا ورنالاستى. جوعارى جانە ارنايى ورتا ءبىلىمدى مەديتسينا قىز­مەت­كەرلەرى – 36. زەرتحانامىز، فيزيوتەراپيا، وكپە، جۇرەك دىمكاستىگىن تەز ارادا انىقتايتىن شەتەلدىك قون­دىرعى-اپپاراتتار بار، – دەدى اڭگى­مە­لەسكەنىمىزدە باس دارىگەر گۇلنار قوجانوۆا. ونىڭ ايتۋىنشا،  تۋبديسپان­سەر­دىڭ قاراماعىنا كىرەتىن اۋداندار بوي­ىنشا 2009 جىلى وكپە اۋرۋىن جۇق­تىرۋشىلار 153 بولسا، 2010 جىلى 83 ادام تىركەلىپتى. دەمەك، جاڭا نىساننىڭ بوي كوتەرۋى –  تىڭ باعدارلاردى  ىسكە قوسۋعا ودان ءارى ءمۇم­كىندىك بەرەدى دەگەن ءسوز. كەي ماماندار سىرتتان الدىرىلىپتى. ولار جايلى باسپانالارمەن قام­تا­ماسىز ەتىلەتىن بولادى. سولار­دىڭ ءبىرى الەكساندرا ومۋتوۆا وبلىس ورتالىعىنداعى جىلى ور­نىن وسىندا اۋىستىرىپتى. باس مەيىر­بيكەنىڭ كەلگەنىنە ەش وكىن­بەيتىنى ك ۇلىم قاققان جۇزىنەن اي­قىن اڭعارىلادى. گۇلنار قارا­تاي­قىزى دا شاقىرتۋمەن كەلگەن. نە كەرەك، ەل تاۋەلسىزدىگىنىڭ 20 جىلدىعى قارساڭىندا  اۋدان­ارا­لىق تۋبەركۋلەز ديسپانسەرىنىڭ قو­نىس تەبۋى الىس ەلدى مەكەن تۇر­عىندارى ءۇشىن ۇلكەن تارتۋ بولدى. ءومىر ەسقالي. سولتۇستىك قازاقستان وبلىسى، جامبىل اۋدانى.
سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار