ارمان قۋعان جاستار «اۋىلىندا» ومىربەك جولداسبەكوۆكە ەسكەرتكىش ورناتىلدى

ەندى الماتىداعى ءال-فا­را­بي اتىنداعى قازۇۋ قالا­شى­عىنا جولىڭىز تۇسە قالسا, كور­نەكتى عالىم, قوعام جانە مەملەكەت قايراتكەرى, قازاقستان­داعى روبوتتار مەحانيكاسى, مە­­حانيزمدەر مەن ماشينالار تەو­رياسى مەكتەبىنىڭ نەگىزىن قالاۋ­شى, اكادەميك ومىربەك ارىس­لان ۇلى جولداسبەكوۆتىڭ ەڭسەلى ەسكەرتكىشىن كورەتىن بولاسىز. ەل ازاماتىنا لايىقتى ەس­كەرت­كىشتىڭ سالتاناتتى اشىلۋ­ى­نا  ءبىلىم جانە عىلىم ءمينيسترى ب.جۇماعۇلوۆ, الماتى قالاسى اكى­مىنىڭ ورىنباسارى س.سەيدۋمانوۆ, ءال-فارابي ات­ىن­داعى قازۇۋ رەكتورى ع.مۇتانوۆ, پارلامەنت دە­­پۋ­تاتتارى, عىلىمي قوعام وكىل­­دەرى, ءو.جولداسبەكوۆتىڭ تۋىستا­رى مەن رەسەي, يتاليا, گەرمانيا, ۋكراينا, بەلورۋسسيا, ءازىرباي­جان, وزبەكستان, قىرعىزستان ەلدە­رىنەن كەلگەن ارىپتەستەرى قاتىستى. تاعىلىمدى باستاماعا مۇ­رىن­دىق بولىپ جۇرگەن مينيستر با­قىتجان جۇماعۇلوۆ  جولداسبەكوۆ تۋرالى تاماشا ەستەلىكپەن ەسكەرتكىشتى سالتاناتتى تۇردە اشتى. ومىردەن ءوزى وتسە دە, اتقارعان بار تىرلىگى بۇعان دەيىن دە, مۇنان كەيىن دە ەل يگىلىگىنە اينالا بەرەر اكادەميكتىڭ 80 جىلدىعىنا ارنالعان ەسكەرتكىشى ءوزى نەگىزىن قالاعان ستۋدەنتتەر قالاشىعىن­دا ورناتىلعانى قۇپتارلىق ءىس بولدى. بۇل ءبىر جاعىنان كەيىنگى ۇرپاق پەن اكادەميك شاكىرتتە­رىنىڭ وعان دەگەن قۇرمەتى دەسەك تە بولادى. ەسكەرتكىشتى تۇرعىزۋ تۋ­رالى شەشىم مادەنيەت مينيستر­لىگى جانىنداعى ەسكەرتكىش جانە مونۋمەنت ورناتۋ مەملەكەتتىك كو­ميسسياسىندا وتكەن جىلدىڭ 3 قاراشاسىندا قابىلدانعان ەكەن. بيىكتىگى 2 مەتر, ەنى 1,3 مەتر, تۇعىر ىرگەتاسى 5 مەتردەن اساتىن ەسكەرتكىشتى تالانتتى ءمۇسىنشى كا­دىرحان كاكىموۆ وتاندىق گرانيتتەن سومداعان. ءمۇسىنشى كاكى­موۆ­تىڭ اتى­راۋداعى «سۇلتان بەي­با­رىس», تارازداعى «عاشىقتار» ەس­كەرت­كى­شى­نىڭ اۆتورى ەكەندىگىن دە, بۇل ەسكەرتكىشتەرىنىڭ ومىربەك ار­ىس­لان ۇلىنىڭ شاكىرتتەرىنىڭ, ار­ىپ­تەس­­تەرى مەن قازۇۋ تۇلەكتە­رىنىڭ قار­جىلاي دەمەۋشىلىگىمەن تۇرعى­زىل­­عانىن دا ايتا كەتكەن ءجون. جولداسبەكوۆ سىندى جاراتى­لىسى بولەك جاننىڭ 80 جىلدىعى ەسكەرتكىش ورناتىلۋمەن اياقتالا قويعان جوق. بۇل كۇندەرى ءبىرىنشى حالىقارالىق جولداسبەكوۆ سيم­پو­زيۋمى اياسىندا ءال-فارابي ات­ىنداعى قازاق ۇلتتىق ۋنيۆەرسيتەتى مەحانيكا-ماتەماتيكا فاكۋلتەتىندە رەسپۋبليكالىق «دا­رىن» عى­لىمي-زەرتتەۋ ورتالىعى­مەن بىرلەسە وتىرىپ, مەحانيكا-ماتەماتيكا سالاسى بويىنشا وقۋ­­شىلاردىڭ زەرت­تەۋ جۇمىستا­رى­نىڭ حالىق­ارا­لىق بايقاۋى وتۋدە. ومىربەك جولداسبەكوۆ اتىنداعى بايقاۋعا رەسەي, بولگاريا, قىر­عىزستان جا­نە تاجىكستان ەلدەرىندە وتكەن ۇلت­تىق عىلىمي جوبا جەڭىمپازدارى مەن قازاق­ستان­دا­عى ءى, ءىى جانە ءىىى دەڭ­گەيلى ورتا مەكتەپ جەڭىمپاز­دا­رى قاتىسۋدا. انىقتاپ ايتساق, ءبىلىم سايى­سىن­دا 105 وقۋشى زەرتتەۋ جۇ­مىس­تا­رى ارقىلى باسەكەگە تۇسۋدە. سونداي-اق كەشە, ءبىرىنشى حا­لىق­ارالىق جولداسبەكوۆ سيمپو­زيۋ­مى اياسىندا ۋنيۆەرسيتەتتىڭ فيزيكا فاكۋلتەتىنىڭ زاماناۋي قۇرال-جابدىقتارمەن قامتاماسىز ەتىلگەن  جاڭا وقۋ عيماراتى دا سالتاناتتى تۇردە اشىلدى. سونىمەن ومىربەك جولداسبەكوۆتى ماڭگىلىك ەستە قالدىرۋدى كوزدەگەن شارالار لەگى كەشەندى ءارى تاعىلىمدى سيپاتقا يە بولىپ وتىر. ەكى كۇنگە سوزىلاتىن اتال­مىش حالىقارالىق سيمپوزيۋم اياسىندا ءو.جولداسبەكوۆتىڭ عى­لى­مي ەڭبەكتەرى مەن تاڭدامالى شى­عارمالارىنىڭ كورمەسى دە وتۋدە. ايناش ەسالي. الماتى.