ايىپپۇل تۇبىرتەگىن اينالىمعا شىعارىپتى

اقمولا وبلىسى بويىنشا مەم­لەكەتتىك كىرىس قىزمەتكەر­لەرىنىڭ جەدەل-ىزدەستىرۋ شارالارى بارىسىندا جول ءجۇرۋ ەرەجەسىن بۇزعانى ءۇشىن پايدالانىلاتىن تۇبىرتەكتەردى قولدان جاساپ, ساۋدا اينالىمىنا شىعارعان قىلمىستىق توپ قۇرىقتالدى. تەرگەۋ-جەدەل توبى ءىس-شارا بارىسىندا مۇنداي وقيعانىڭ 56 رەت كورىنىس بەرگەنىن انىقتادى, دەپ حابارلايدى دەپارتامەنتتىڭ ءباسپاسوز قىزمەتى. اتالعان تۇبىرتەكتەر گرافي­كا­لىق رەداكتور باعدارلاماسىن پايدالانا وتىرىپ, كومپيۋتەردە دايىندالعان. ونىڭ ەلەكترون­دىق نۇسقاسى كوپسالالى پرينتەردە باسىلىپ شىعارىلىپ­تى. قىل­مىسكەرلەر بۇل ىسپەن جال­دامالى بىرنەشە پاتەردە ا­ينالىسقان. دەپارتامەنتتىڭ ەكو­نوميكالىق قىلمىسپەن كۇرەس قىزمەتكەرلەرى وسى توپتىڭ ءمۇ­شەسى م-نى ساۋدانى قىزدىرىپ جاتقان جەرىنەن ۇستاعان. ءتىنتۋ بارىسىندا دايىن تۇبىرتەكتەر مەن ۇيىمداستىرۋ تەحنيكاسى تاركىلەندى. انىقتالعان قىلمىستىق ارە­كەت­تەردىڭ سالدارىنان مەملەكەت بيۋدجەتىنە 1 ميلليون 358 مىڭ 238 تەڭگەنىڭ اكىمشىلىك ايىپپ ۇلى تۇسپەي قالعان. سوت ۇكىمىمەن قىلمىس­تىق توپ­تىڭ مۇشەلەرى قك 385-بابى­نىڭ 2-بولىمىنە سايكەس ايىپتى دەپ تانىلدى. سونداي-اق, جەڭىل «كومەككە» جۇگىنىپ, الگى ءتۇبىر­تەك­تەردى پايدالانعان كىسىلەر­دىڭ ۇستىنەن دە قىلمىستىق ءىس قوز­عالدى. قازىرگى كۇنى سوت الدىنداعى تەرگەۋ جۇمىستارى جۇرگىزىلۋدە. باقبەرگەن امالبەك, «ەگەمەن قازاقستان»  اقمولا وبلىسى