حالىقارالىق قوعامداستىق وڭ باعا بەردى

كەشە ورتالىق سايلاۋ كوميسسياسىنىڭ توراعاسى ق.تۇرعانقۇلوۆ قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن بايقاۋ جونىندەگى ەقىۇ/دياقب ميسسياسىنىڭ باسشىسى, ەلشى داان ەۆەرتسپەن كەزدەستى. كەزدەسۋ بارىسىندا ورتسايلاۋكوم باسشىسى ەۆەرتس ورتالىق سايلاۋ كوميسسياسىنىڭ كەزەكتەن تىس سايلاۋدى ازىرلەۋ مەن وتكىزۋدەگى جۇمىسىمەن, سايلاۋ ناۋقانىنىڭ نەگىزگى كەزەڭدەرىمەن جانە ەرەكشەلىكتەرىمەن تانىستىرىپ ءوتتى, سونداي-اق الداعى سايلاۋدا «سايلاۋ» ااج-ءىن پايدالانۋدان باس تارتىلعانى جونىندە حاباردار ەتتى. «ءبىز ەلىمىزگە شەت مەملەكەتتەر مەن حالىقارالىق ۇيىمداردىڭ باي­قاۋشىلارىنىڭ كەلگەنىن قوشتايمىز جانە ولاردىڭ ءتيىمدى, وبەكتيۆتى جانە ءونىمدى جۇمىس ىستەۋى ءۇشىن بارلىق جاعدايدى جاسايمىز. وسى ماقساتتا ءبىز وڭىرلەردە حالىقارالىق بايقاۋشىلارعا جاردەمدەسۋ ورتا­لىق­تارىن قۇردىق جانە ولار ساي­لاۋدى بايقاۋشىلاردىڭ ءوز قىزمەتىن ىسكە اسىرۋىندا ناقتىلى كومەك كورسەتەدى دەپ سەنەمىز», – دەپ اتاپ ءوتتى ق.تۇرعانقۇلوۆ. ەقىۇ/دياقب ميسسياسىنىڭ باس­شىسى سايلاۋ ناۋقانى بارىسىن بايقاۋعا قاتىسۋعا شاقىرعانى ءۇشىن ريزاشىلىعىن, سونداي-اق ميسسيا سا­راپشىلارىنىڭ ورتسايلاۋكوم ءمۇ­شە­لەرىمەن سايلاۋ ۇدەرىسىنىڭ بارلىق اسپەكتىلەرى بويىنشا ىنتىماق­تاس­تىعى تىعىز جانە كاسىبي بولاتىنىنا سەنىمىن ءبىلدىردى. «قازاقستان رەسپۋبليكاسى ورتا­لىق سايلاۋ كوميسسياسىنىڭ مۇشەلە­رى حالىقارالىق ورتاعا تانىمال, سوندىقتان ءبىز ءپوزيتيۆتى جانە جەمىستى ىنتىماقتاستىق بولادى دەپ ءۇمىت­تەنەمىز, – دەپ اتاپ ءوتتى ميسسيا باس­شى­سى. – ورتسايلاۋكومنىڭ «سايلاۋ» ااج-ءىن پايدالانۋدان باس تارت­قانى جاقسى جاڭالىق بولىپ تابىلادى». كەزدەسۋ بارىسىندا حالىقارالىق قوعامداستىقتىڭ قازاقستاندىق بي­لىك­تىڭ سايلاۋ وتكىزۋ تۋرالى شەشىمىنە وڭ باعا بەرىپ وتىرعانى اتالدى. «الەمنىڭ ءبىر دە ءبىر ەلىندە ءمىنسىز سايلاۋ جوق. ولاردىڭ بارلىعىندا سايلاۋ جۇيەسىن ودان ءارى جەتىلدىرۋ مەن دامىتۋ مۇمكىندىگى بار», – دەدى ول. ال ق.تۇرعانقۇلوۆ ەقىۇ/دياقب ميسسياسى ساراپشىلارىنىڭ سايلاۋدى بايقاۋدى ءادىل ءارى وبەكتيۆتى جۇرگىزۋىنە تىلەكتەستىگىن بىلدىرە كەلىپ, بۇل رەتتە ەكى تاراپتىڭ دا مۇددەلەرى ءبىر-بىرىنە تولىق سايكەس كەلەتىنىن اتاپ ءوتتى.