1998
* 1 قاڭتاردا پرەزيدەنتتىڭ قازاقستان حالقىنا جاڭا جىلدىق قۇتتىقتاۋى «ەگەمەن قازاقستان» گازەتىندە جارىق كوردى. «ءبىز كەلەشەككە الدىمىزدا عۇمىر كەشكەن قازاقستاندىقتاردىڭ سان بۋىنىنىڭ رۋحىنا ءتاۋ ەتىپ, وتكەنىمىزدى سانامىزدا قاستەرلەپ ساقتاۋ ارقىلى بەتتەپ كەلەمىز», دەدى ەلباسى ءوز قۇتتىقتاۋىندا.
*16 قاڭتاردا «جادىمىزدا جاتتالسىن, تاتۋلىق ءدايىم ساقتالسىن» تاقىرىبىمەن پرەزيدەنت نۇرسۇلتان نازارباەۆتىڭ «قوعامدىق تاتۋلىق پەن ساياسي قۋعىن-سۇرگىن قۇرباندارىن ەسكە الۋ جىلى» تۋرالى وي-تولعانىستارى رەسپۋبليكالىق باسپاسوزدە جاريالاندى.
* 21 قاڭتاردا ماسكەۋدە «تورتەۋدىڭ شارتىنا» (قازاقستان, قىرعىزستان, بەلارۋس جانە رەسەي) قاتىسۋشى ەلدەردىڭ كوشباسشىلارىنىڭ كەزدەسۋى بولدى. باسقوسۋدا ءبىرتۇتاس كەدەن كەڭىستىگىن قۇرۋ تۋرالى قازاقستان باسشىسىنىڭ باستاماسى قولداۋ تاپتى.
* 30 قاڭتاردا شۆەيتساريانىڭ داۆوس قالاسىنداعى دۇنيەجۇزىلىك ەكونوميكالىق فورۋمدا قازاقستان پرەزيدەنتى نۇرسۇلتان نازارباەۆ بايانداما جاسادى. فورۋم اياسىندا ەلباسى شۆەيتساريا كونفەدەراتسياسىنىڭ پرەزيدەنتى فلاۆيو كوتتيمەن, برازيليا پرەزيدەنتى ف.ەنريكە كاردوزۋمەن جانە بولگاريا پرەزيدەنتى پەتر ستويانوۆپەن كەزدەسۋلەر وتكىزدى. بۇل كەزدەسۋلەردە بىرقاتار وزەكتى ماسەلەلەر تالقىلاندى.
* 13 اقپاندا مەملەكەت باسشىسى الماتىدا قازاقستانعا مەملەكەتتىك ساپارمەن كەلگەن يسپانيا كورولى حۋان كارلوس ءى-مەن كەزدەستى. ن.ءا.نازارباەۆ يسپانيا كورولىن قازاقستانداعى رەفورمالاردىڭ بارىسىمەن جانە ەلىمىز دامۋىنىڭ بولاشاعىمەن تانىستىردى. سونداي-اق, اڭگىمەلەسۋ كەزىندە تاراپتار ەلەۋلى مۇمكىندىكتەرى بار قازاقستان-يسپانيا قاتىناستارىنا ەرەكشە كوڭىل ءبولدى.
* 12 ناۋرىزدا ەلباسى قازاقستانعا رەسمي ساپارمەن كەلگەن موڭعوليانىڭ پرەزيدەنتى ن.باگابانديمەن كەزدەستى. پرەزيدەنتتەر قازاقستان مەن موڭعوليانىڭ دوستىق قاتىناستارى مەن ىنتىماقتاستىقتى ودان ءارى دامىتۋ تۋرالى بىرلەسكەن دەكلاراتسياعا قول قويدى.
* 26 ناۋرىزدا تاشكەنتتە قازاقستان, قىرعىزستان جانە وزبەكستان رەسپۋبليكالارىنىڭ مەملەكەتارالىق كەڭەسىنىڭ ءماجىلىسى بولىپ ءوتتى. مەملەكەتتەر باسشىلارى ايماقتىق ينتەگراتسيانى ودان ءارى تەرەڭدەتۋ تۋرالى مالىمدەمەسىنە قول قويىلدى. وسى كۇنى نۇرسۇلتان نازارباەۆ تاشكەنتتە وتكەن ورتالىق ازيا مەملەكەتتەرى باسشىلارىنىڭ سامميتىنە قاتىستى. وندا ورتالىق ازيا ەكونوميكاسىنا ارنالعان ارنايى باعدارلاما تۋرالى تاشكەنت دەكلاراتسياسى (سپەكا) بەكىتىلدى.
* 9-10 ءساۋىر كۇندەرى پرەزيدەنت رەسەيگە جۇمىس ساپارىمەن باردى. رەسەي پرەزيدەنتى ب.ەلتسينمەن كەزدەسۋ بارىسىندا ەلباسى قازاقستان-رەسەي قارىم-قاتىناستارى جانە كاسپي تەڭىزىنىڭ قۇقىقتىق مارتەبەسى ماسەلەلەرىن تالقىلادى.
*15 ساۋىردە بەلگيا كورولدىگىنىڭ پرەمەر-ءمينيسترى جان-ليۋك دەان قازاقستانعا رەسمي ساپارمەن كەلدى. قازاقستان مەن بەلگيا ۇكىمەتتەرى اراسىندا بىرقاتار قۇجاتتارعا قول قويىلدى.
* 28-29 ءساۋىر كۇندەرى پرەزيدەنت ن.ءا.نازارباەۆ «4+N» سامميتىنە جانە تمد مەملەكەت باسشىلارى كەڭەسىنىڭ وتىرىسىنا قاتىستى. ن.ءا.نازارباەۆتىڭ «قاراپايىم ادامدارعا قاراي قاراپايىم ون قادام» باعدارلاماسى تالقىلانىپ, قابىلداندى.
* 6 مامىردا پرەزيدەنت نۇرسۇلتان نازارباەۆ «قازاقستان رەسپۋبليكاسىنىڭ استاناسى – اقمولا قالاسىن قازاقستان رەسپۋبليكاسىنىڭ استاناسى – استانا قالاسى دەپ قايتا اتاۋ تۋرالى» جارلىققا قول قويدى.
* 23 مامىردا پرەزيدەنت نۇرسۇلتان نازارباەۆتىڭ كاتار مەملەكەتىنە جانە بىرىككەن اراب امىرلىكتەرىنە رەسمي ساپارى باستالدى. ەكى ەل باسشىلارىمەن ەكونوميكالىق جانە ساياسي قارىم-قاتىناستاردى ودان ءارى تەرەڭدەتۋ ماسەلەلەرى جونىندە پىكىر الماستى. كاتار ءامىرى شەيح حامات قازاقستاننىڭ جاڭا ەلورداسى استانا قالاسىن سالۋعا قاتىسۋعا ءوز ەلىنىڭ ازىرلىگىن ءبىلدىردى. ەلباسىنىڭ بىرىككەن اراب امىرلىكتەرىنە ساپارى بارىسىندا ەكى ەل باسشىلارى قازاقستاندى پارسى شىعاناعىمەن جالعاستىرىپ جاتقان ترانسازيا تەمىر جولىنىڭ مۇمكىندىگىن مولىراق پايدالانۋ جولدارىن تالقىلادى.
*2 ماۋسىمدا استانادا قازاق ۇلتتىق مۋزىكا اكادەمياسىنىڭ تۇساۋكەسەرى بولىپ ءوتتى. اتالعان راسىمگە پرەزيدەنت نۇرسۇلتان نازارباەۆ ارنايى قاتىستى.
* 8 ماۋسىمدا استانادا قازاقتىڭ ءۇش ۇلى داناگويى – تولە بي, قازىبەك بي, ايتەكە بيگە ورناتىلعان ەسكەرتكىش-مونۋمەنت اشىلدى.
* 10 ماۋسىمدا قازاق ەلىنىڭ جاڭا ورداسى – استانا قالاسىنىڭ حالىقارالىق تۇساۋكەسەرى وتكىزىلدى. سالتاناتقا مەملەكەت باسشىلارى مەن ۇكىمەت جەتەكشىلەرى, بىرقاتار حالىقارالىق ۇيىمداردىڭ وكىلدەرى قاتىستى. ەلباسى نۇرسۇلتان نازارباەۆ مارتەبەلى مىنبەدەن باسىن ءيىپ تۇرىپ: «ساداعاڭ كەتەيىن, اينالايىن حالقىم! سەنىڭ مۇددەڭ جولىندا بويدا قۋات, ويدا ءنار – ءبارىن ايانباي سارپ ەتۋگە پەيىلمىن», دەپ تەبىرەنە سويلەدى. بۇل تۋرالى «ەگەمەن قازاقستان» گازەتىنىڭ 11 ماۋسىمداعى نومىرىندە «استاناسى جاڭا ەلدىڭ باستاماسى دا جاڭا» تاقىرىبىمەن كولەمدى ماقالا جارىق كوردى.
* 14 ماۋسىمدا پرەزيدەنت نۇرسۇلتان نازارباەۆتىڭ تۇرىك رەسپۋبليكاسىنا رەسمي ساپارى باستالدى. ساپار بارىسىندا ەلباسى تۇركيا پرەزيدەنتى س.دەميرەلمەن, پرەمەر-ءمينيسترى م.يلمازبەن كەزدەسۋلەر وتكىزدى.
*l 3 شىلدەدە الماتىدا «شەكارا ايماعىنداعى اسكەري سالاداعى سەنىمدىلىكتى نىعايتۋ تۋرالى» شانحاي جانە «شەكارا ايماعىنداعى قارۋلى كۇشتەردى ازايتۋ تۋرالى» ماسكەۋ كەلىسىمدەرىنە قاتىسۋشى بەس مەملەكەت باسشىلارىنىڭ كەزەكتى باسقوسۋى بولىپ ءوتتى. كەزدەسۋدە قازاقستان رەسپۋبليكاسىنىڭ, قىتاي حالىق رەسپۋبليكاسىنىڭ, قىرعىز رەسپۋبليكاسىنىڭ, رەسەي فەدەراتسياسىنىڭ جانە تاجىكستان رەسپۋبليكاسىنىڭ بىرلەسكەن مالىمدەمەسى بەكىتىلدى.
* 4 شىلدەدە الماتىدا قازاقستان پرەزيدەنتى نۇرسۇلتان نازارباەۆ پەن قحر توراعاسى تسزيان تسزەمين قازاقستان-قىتاي شەكاراسى تۋرالى قوسىمشا كەلىسىمشارتقا قول قويدى.
