افريكا-ەۋرازيا كونگرەسى ياساۋي جولىمەن جۇرەدى

الماتى قالاسىندا تۇركيانىڭ دۋملۋپىنار ۋنيۆەرسيتەتىنىڭ الەۋمەتتىك عىلىمدار ينستيتۋتى مەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ەۋرازيا عىلىمي-زەرتتەۋ ينستيتۋتى بىرلەسە وتىرىپ, I حالىقارالىق افريكا-ەۋرازيا زەرتتەۋلەر كونگرەسىن وتكىزدى. بيىلعى كونگرەستىڭ تاقى­رىبى «افريكا-ەۋرازيا ەلدە­رىندەگى قوعام, اقپارات جانە اق­پاراتتىق تەحنولوگيالار» دەپ اتالادى. كونگرەستە افريكا-ەۋرازيا ەلدەرىندەگى اقپاراتتىق تەحنولوگيالاردىڭ قوعام مەن ساياساتقا ىقپالى باعالانىپ, وسى ايماقتارعا قاتىستى ءتۇرلى ماسە­لەلەر عالىمدار تالقىسىنا سالىندى. «افريكا-ەۋرازيا زەرتتەۋلەر كونگرەسى الەۋمەتتىك عىلىمدار سالاسىندا جۇرگىزىلەتىن زەرتتەۋلەر دەڭگەيىن ارتتىرۋعا جانە ءتۇرلى مادەني ۇدەرىستەردى سالىستىرۋعا سەپتىگىن تيگىزەدى. وسىلايشا, اف­ريكا-ەۋرازيا قالالارىنان كەلگەن الەۋمەتتانۋشىلار ءوز عى­لىمي-زەرتتەۋلەرى مەن جۇ­مىس­­تارىن ۇسىنىپ, الەۋ­مەتتانۋ سا­لاسىنداعى زەرتتەۋلەر­گە جالپى جانە ايماقتىق ما­عى­نادا ۇلەس قوسا الاتىن بولادى», – دەيدى وسى شارانى ۇيىم­داس­تىرۋشىلاردىڭ ءبىرى, دۋم­لۋ­پىنار ۋنيۆەرسيتەتىنىڭ دوكتو­رى ھاكان اريدەمير. ھاكان اريدەميردىڭ ايتۋىنشا, كونگرەستىڭ ماقساتى – عا­لىمداردىڭ زەرتتەۋ جۇ­مىستارى مەن ايماق ماسەلەلەرىنە قاتىستى جاڭا تۇجىرىمدارىن, پىكىرلەرىن جيناقتاپ, بۇل ماسەلەلەردى شە­شۋ ادىستەرىمەن, تاسىلدەرىمەن ءبو­لىسۋ ءۇشىن جىل سايىن وتكى­زىلەتىن بىرىڭعاي ورتالىققا اينالۋ بولىپ تابىلادى. 2016 جىل يۋنەسكو تاراپىنان «قوجا احمەت ياساۋي جىلى» رەتىندە جاريالانعان بولاتىن. وسى تۇرعىدا كونگرەستىڭ تاعى ءبىر ماقساتى – قوجا احمەت ياساۋي مەن ونىڭ شاكىرتتەرى ءجۇرىپ وتكەن جول بويىنشا كونگرەستى افريكا-ەۋرازيا ايماعىنداعى قالالاردا ۇيىمداستىرۋ. ياساۋي ءىلىمى مەن حيكمەتتەرىنىڭ قا­نات جايىپ, تاراعان جەرى, رۋ­حاني ءىلىمنىڭ باستاۋ-بۇلاعى قازاقستان بولعاندىقتان جانە ۇلى ويشىل قازاق دالاسىندا جەرلەنگەندىكتەن, العاشقى كونگرەستى الماتىدا وتكىزۋ ۇي­عارىلعان. ھاكان اريدەميردىڭ مالىمەتىنە قاراعاندا, ءياساۋيدىڭ شارتاراپقا ءىلىم تاراتقان 100 مىڭعا تارتا شاكىرتى بولعان. سول سەبەپتى كونگرەسس جىل سايىن افريكا-ەۋرازيا ايماعىنىڭ ءار ءتۇرلى قالالارىندا وتكىزىلەدى دەپ جوسپارلانىپ وتىر. تاپ وسىنداي شارانىڭ 2017 جىلدىڭ ءساۋىر ايىندا يسپانيادا وتەتىنى بەلگىلى بولدى. ءسوز العان سپيكەرلەردىڭ اي­تۋىنشا, افريكا-ەۋرازيا كونگرەسى الەۋمەتتانۋ سالا­سىنىڭ عالىمدارىنا, مەملەكەت بيلەۋشىلەرىنە, شەشىم قابىلداۋشىلارعا, جەكە سەكتور مەن ينۆەستورلارعا پايدالى بولماق. حالىقارالىق افريكا-ەۋرازيا زەرتتەۋلەر كونگرەسىنە الەمنىڭ ءتۇرلى ايماقتارىنان ۇلكەن قىزىعۋشىلىق تانىتىلۋدا. كونگرەسكە تۇرىك رەسپۋب­ليكاسىنىڭ الماتى قالا­سىنداعى باس كونسۋلى رىزا كاعان يىلماز, قوجا احمەت ياساۋي اتىنداعى حالىقارالىق قازاق-تۇرىك ۋني­ۆەرسيتەتىنىڭ وكىلەتتى كەڭەس ءتور­اعاسى, پروفەسسور, دوكتور مۇ­سا يىلدىز, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وكىلەتتى كەڭەس مۇشەسى, پروفەسسور, دوكتور مۇحيدتين شيمشەك, بيلەدجيك شەيح ەدەبالي ۋنيۆەرسيتەتىنىڭ رەكتورى پروفەسسور, دوكتور يبراھيم تاش, ەۋرازيا عىلىمي-زەرتتەۋ ينستيتۋتىنىڭ ديرەكتورى دوتسەنت, دوكتور نەۆزات شيمشەك, دۋملۋپىنار ۋني­ۆەرسيتەتى الەۋمەتتىك عى­لىمدار ينستيتۋتىنىڭ ديرەك­تورى دوتسەنت, دوكتور نيازي كۋرناز جانە باسقا دا ەلدەردەن 150-گە جۋىق عالىم قاتىسىپ, ساياسات, ەكونوميكا, الەۋمەتتانۋ, تاريح ماسەلەلەرى بويىنشا تۇرىك, اعىلشىن, فرانتسۋز, نەمىس, ورىس تىلدەرىندە پىكىر الماسىپ, ءوز جوبالارىن تانىستىردى. ايگۇل احانبايقىزى, «ەگەمەن قازاقستان» الماتى