ريم وليمپيادا وتكىزۋدەن باس تارتتى
يتاليا وليمپيالىق كوميتەتى ريمدە 2024 جىلعى وليمپيا ويىندارىن وتكىزۋ جونىندەگى ءوتىنىمىن قايتىپ الدى. بۇل تۋرالى كەشە كوميتەت باسشىسى دجوۆانني مالاگو ارنايى مالىمدەدى.
«مەن بۇگىن حالىقارالىق وليمپيالىق كوميتەتكە حات جولداپ, 2024 جىلعى وليمپيالىق ويىنداردى وتكىزۋ قۇقىعىن الۋ جونىندەگى وتىنىمىمىزدەن باس تارتىپ, بۇل جونىندەگى كانديداتۋرامىزدى الاتىنىمىزدى حابارلادىم» – دەدى مالاگو.
ۇمىتكەرلەردىڭ اراسىندا قازىر پاريج, بۋداپەشت جانە لوس-اندجەلەس قالالارى عانا قالىپ تۇر.
فيفا فۋتبولعا 4 ملرد دوللار بولەدى
حالىقارالىق فۋتبول فەدەراتسياسى (فيفا) الداعى ون جىلدا فۋتبولدى دامىتۋ ءۇشىن 211 ۇلتتىق اسسوتسياتسياعا $4 ميلليارد مولشەرىندە قارجى بولەدى. بۇل جايىندا كەشە وسى ۇيىمنىڭ كەڭەسىندە ايتىلدى.
مۇنىڭ ءوزى حالىقارالىق فەدەراتسيانىڭ ءتيىمدى كۇشتى ينستيتۋت قۇرۋ ماقساتىندا فۋتبولدى ۇتىمدى دامىتۋ ءۇشىن جاساپ شىعارعان «فيفا 2.0: بولاشاققا كوزقاراس» اتتى «جول كارتاسىنىڭ» ارقاسىندا مۇمكىن بولىپ وتىر. وسىعان وراي ۇلتتىق اسسوتسياتسيالار باسقارۋ مەن باقىلاۋعا بەرىلەتىن كومەك – ينۆەستيتسيالار رەتىندە جىلدا 100 ملن دوللارعا جۋىق اقشا الىپ تۇراتىن بولادى. ون جىلدىڭ ىشىندە سونداي-اق, ايەلدەر فۋتبولىن ىنتالاندىرىپ, دامىتۋعا 315 ملن دوللار بولىنەدى.
ارمەنيا قۇراماسى باس باپكەرسىز قالدى
فۋتبولدان قازاقستان قۇراماسىنىڭ ىرىكتەۋ توبىنداعى ءباسەكەلەسى – ارمەنيا كومانداسىنىڭ باس جاتتىقتىرۋشىسى ۆارۋجان سۋكياسيان وتستاۆكاعا كەتتى. ول ءوز ءشاكىرتتەرى ۆارشاۆادا پولشادان ۇتىلعاننان كەيىن وسىنداي شەشىم قابىلدادى.
ۆ.سۋكياسيان قۇراما تىزگىنىن 2015 جىلدىڭ جەلتوقسان ايىندا العان ەدى. ونىڭ باسقارۋىندا جاساق 2018 جىلعى الەم چەمپيوناتى ىرىكتەۋ ءتۋرنيرى اياسىندا ءۇش ماتچ وتكىزىپ, بارىندە دە جەڭىلىس تاپتى. سونىڭ ىشىندە دانياعا 0:1, رۋمىنياعا 0:5, پولشاعا 1:2 ەسەپتەرىمەن ەسە جىبەردى.
كريۋكوۆ – ازيا فەدەراتسياسىنىڭ ۆيتسە-پرەزيدەنتى
قازاقستان ۇلتتىق وليمپيالىق كوميتەتىنىڭ ۆيتسە-پرەزيدەنتى اندرەي كريۋكوۆ دوحادا ءوتكەن ازيا سۋدا ءجۇزۋ فەدەراتسياسىنىڭ (AASF) 12-ءشى كونگرەسىندە كەزەكتى مارتە وسى ۇيىمنىڭ ۆيتسە-پرەزيدەنتى بولىپ بەكىتىلدى.
مۇنىمەن قاتار, ول ءتورت جىلدىق مەرزىمگە حالىقارالىق سۋدا ءجۇزۋ فەدەراتسياسىنىڭ (FINA) مۇشەسى بولىپ سايلاندى. مۇندا بيىل ريو-دە-جانەيروداعى وليمپيالىق ويىنداردا قازاقستاندىق سۋدا ءجۇزۋشى دميتري ءبالانديننىڭ چەمپيون اتانۋىنىڭ دا بەلگىلى ءبىر دارەجەدە اسەرى بولدى.
«ەگەمەن-اقپارات»
