يگى باستامالار ىزىمەن

كەشە قازاقستان پارلامەنتى ءماجىلىسىنىڭ توراعاسى ورال مۇحامەدجانوۆ ەقىۇ-نىڭ ءىس باسىنداعى توراعاسى – ليتۆا سىرتقى ىستەر ءمينيسترى اۋدرونيۋس اجۋباليسپەن كەزدەستى. ءوز سوزىندە مەيمان 2010 جىلى قازاقستان ەقىۇ-عا توراعالىق ەتۋ مىندەتىن جوعارى دەڭگەيدە اتقارىپ شىققانىن اتاپ ءوتتى. قازاق ەلىنىڭ يگى باستامالارى جال­عاسىن تاۋىپ جاتقانىن ءما­لىمدەدى. قازاقستاننىڭ, اسىرەسە, مولدوۆا مەن قىرعىزستانعا قول­داۋ بىلدىرۋدەگى بەلسەندىلىگىن ەرەك­شە ايتۋعا بولادى. سونىمەن بىرگە ەسىرتكىگە قارسى كۇرەستى كۇشەيتۋ ماقساتىندا اۋعان­ستان­مەن كورشىلەس ەلدەردىڭ شەكا­را­لارىن نىعايتۋ ماسەلەلەرىن ءسوز ەتتى. ا.اجۋباليس قىرعىزستانداعى تۇراقتىلىقتى قالىپتاستىرۋ ءما­سە­لەلەرى كۇن تارتىبىندە تۇرعا­نىن, وسى ورايدا ءوزىنىڭ سول ەلگە ساپارمەن باراتىنىن جەتكىزدى. ءماجىلىس توراعاسى ەقىۇ-نىڭ نەگىزگى ءۇش ولشەمى بويىنشا جۇرگىزىلىپ جاتقان جۇمىستار­دىڭ وزەكتىلىگىن ايتىپ ءوتتى. سونداي-اق قازاقستان پار­لامەنتىنىڭ قارجى داعدارىسىنا قارسى قابىلداعان زاڭدارى, ەل تاۋەلسىزدىگىنىڭ 20 جىلدىعىن لايىقتى اتاپ ءوتۋ باعىتىنداعى دايىندىق بارىسى تۋرالى وي­لارىمەن ءبولىستى. كەزدەسۋدە تاراپتار قازاقستان مەن ليتۆا اراسىنداعى ىنتى­ماقتاستىق تۋرالى پىكىر الماستى. ەكى ەل دوستىق بايلانىستى دا­مى­تۋعا ىنتالى. ورال مۇحامەد­جانوۆ, اسىرەسە, كولىك جانە ەكونوميكانىڭ اگرارلىق سالاسىن دامىتۋدا ەكى جاققا دا ءتيىمدى كەلىسىمدەردى جۇزەگە اسىرۋعا بو­لا­تىنىن ايتتى. «ەگەمەن-اقپارات».