فەميدا قىزمەتكەرلەرىنە بەرىلدى

اقسۋ قالالىق سوتى ورنالاسقان عي­ماراتقا بيىل كۇردەلى جوندەۋ جۇمىس­تارى جۇرگىزىلدى. ەسكى ءۇي جاڭارىپ سالا بەردى. عيمارات 70-ءشى جىلدارى تۇرعى­زىلعان. العاشىندا وندا قۇرىلىس ءبو­لىمى, كەيىننەن بارىپ  سوت ورنالاسىپتى. ەندى تۇگەلدەي فەميدا قىزمەتشىلەرىنە بەرىلىپ وتىر. مۇندا مۇراعات, كەڭسەلەر, سوت ءماجىلىسى زالدارى بار, بۇرىنعىداي تارشىلىق ەتپەيدى.  بۇرىن بولمەلەردىڭ جەتىسپەۋىنەن سۋديالار سوت وتىرىستارىن كابينەتتەردە وتكىزىپ كەلىپتى. ال,  مۇندا كەلۋشى تۇر­عىندار ءۇشىن ءبىرىنشى قاباتتا  كەڭسە جانە  ءماجىلىس زالدارى ورنالاسقان. جا­ڭاشا كەيىپكە ەنگەن عيمارات سوت ماجىلىستەرىنىڭ زالداردا وتۋىنە قولايلى جاعداي جاسادى. بۇل ءوز كەزەگىندە سوت ىستەرىنىڭ قارالۋىندا ءتار­تىپ پەن جەدەلدىككە اسەر ەتەرى ءسوزسىز. عي­ما­راتتىڭ سىرت­قى كەلبەتى دە اسەم. تۇ­ساۋكەسەر راسىمگە جينالعاندار فەميدا قىزمەت­شىلەرىنىڭ سوت تورەلىگىن ىسكە اسىرۋداعى قاجىرلى جۇمىستارىنا ساتتىلىك تىلەپ, ىزگى نيەتتەرى مەن جىلى لەبىزدەرىن ءبىلدىردى. فاريدا بىقاي. پاۆلودار.