ۇلگىلى ۇردىستەرگە جول اشقان ءدارىس

تاۋەلسىز قازاقستاننىڭ ىشكى جانە سىرتقى بايلا­نىس­تارىن, ساياسي جۇيەنىڭ تۇراقتىلىعىن, ەل دا­مۋىن­­داعى باتىل قا­دام­دار­دى با­عامداۋ جولىندا ەلىمىزدەگى وزگە ەلدەردىڭ ديپ­لوما­تيا­لىق كورپۋس وكىل­دەرى بەل­سەندى قىزمەت اتقارىپ كەلەدى. اسىرەسە, سىرتقى ساياسي با­­عىتتاردا كەز كەلگەن مەملەكەتپەن ۋاعدالاس­قان بەرىك دوستى­عى­مىزعا دا وزىندىك قو­ماقتى ۇلەستەر قوسىپ ءجۇر­گەندەرى بەلگىلى. سونىڭ ءبىر ءدا­لەلى, كەشە ەلورداداعى ل.­ن.گۋميلەۆ اتىنداعى ەۋ­­رازيا ۇلتتىق ۋني­ۆەرسي­تە­تىنە يسپانيانىڭ قا­زاق­­ستان­داعى توتەن­شە جانە وكى­­­لەت­تى ەلشىسى البەرتو ان­توننىڭ كەلىپ وقىعان ءدارىسىن ايتۋعا بو­لادى. البەرتو انتوننىڭ «يس­­­­­پا­نيا­نىڭ حالىقارالىق جو­بالارى: يسپانيا جانە ەۋ­رووداق. قا­زاق­ستان مەن يسپانيا اراسىنداعى قا­رىم-قا­تىناس» اتتى ءدارىسى 2010 جىل­دىڭ 24 قاراشاسى كۇنى ەۋرو­وداقتىڭ قازاق­ستانداعى ەلشىسى نوربەر جۋس­­تەننىڭ باستاماسىمەن ءوز جۇمىسىن جالعاستىرىپ كەل­­گەن «ەۋرو­وداق جانە ەۇۋ دوستاستىق كوپىرى» جو­باسى اياسىندا ءوت­كىزىلدى. جال­­­پى, بۇل جوباعا يسپانيادان بولەك تاعى فين­ليان­ديا, چەحيا, شۆەتسيا, ۆەن­گريا, ۇلىبريتانيا, رۋ­مى­نيا, ليتۆا, فرانتسيا, يتاليا سىندى مەملەكەت­تەر­دىڭ ەل­شىلەرى نيەت ءبىلدىرىپ, جو­بانىڭ ءساتتى ورىن­دالۋىنا بىركىسىدەي اتسالى­سىپ كەلەدى. «ەو جانە ەۇۋ دوس­تاس­تىق كوپىرى» اياسىندا وقى­لا­تىن ءدا­رىستەر وقۋ جىلى­نىڭ سو­ڭى­نا دەيىن جال­عاس­پاق. البەرتو انتون ءوزىنىڭ ءدارى­سىن, بىرىنشىدەن, يسپا­نيا­نىڭ ۇلت­تىق اۋەن­دەرى­مەن ارلەنگەن قىسقا مە­تراج­دى دەرەكتى فيلمنەن باس­تادى. يسپانيانىڭ تا­ريحىنا قىس­قاشا توق­تال­عان ەلشى, بۇگىنگى تاڭ­داعى وسى ەلدىڭ حالىقارالىق ءيميدجى مەن الەم الدىن­داعى باي­لا­نىس دەڭگەيىن دە شولىپ ءوتتى. سودان با­رىپ ەۋرو­وداق­قا مۇشە مەم­­لەكەت­تەر­دىڭ ەرەكشەلىكتەرى, سونىڭ ىشىندە ءبىلىم بەرۋ جۇيەلە­رىندەگى ال­عا قويعان تالاپ­تارى جا­يىندا اڭگىمە ءوربىت­تى. وقۋ-اعارتۋ سالا­سىن­داعى كوپ­جاقتى ىنتىماق­تاس­تىق­قا ارقاۋ بولاتىن مۇنداي باس­­تامالاردى الداعى ۋا­قىت­تاردا دا ءجيى وتكىزىپ وتىر­عان ءتيىمدى ەكەندىگىن اتاپ ءوتتى. سونىمەن قاتار, يس­­پانيانىڭ سىرتقى سايا­سا­تى, يسپان ءتىلى جانە يسپانيا مادەنيەتى جا­يىندا, يسپانيا مەن قازاقستان ارا­­سىنداعى ەكىجاقتى قا­رىم-قا­تى­ناسقا تولىعىراق توقتالدى. «دوستاستىق كوپىرى جو­باسى شىن مانىندە دە وعان قا­تىسۋشى مەم­لەكەتتەر ارا­­­­سىنداعى مادەني كوپىر بول­ماق, سوندىقتان دا ونىڭ ءار تاراپ ءۇشىن ما­ڭى­زى اي­رىقشا. ەلشى رەتىندە بۇگىن­گى كەزدەسۋ مەن ءۇشىن دە ەرەك­شە ماڭىزدى, سەبەبى, مەن بۇگىن قازاق قو­عا­مىمەن تە­رەڭىرەك تا­نىس­تىم», – دەدى البەر­تو انتون جۋرناليستەرگە بەرگەن سۇح­با­تىندا. اراي ۇيرەنىشبەكقىزى.