جىل قورىتىندىسى جانە كەلەشەككە جوسپار

كەشە «نۇر وتان» حدپ 2011 جىلعا ارنالعان رەس­پۋب­ليكالىق جەلىلىك ءىس-شارالار كەستەسىنە سايكەس  «نۇر وتان» حدپ فراكتسياسى جانىنداعى قۇقىقتىق كەڭەس  «قازاق­ستان رەسپۋبليكاسىنىڭ كەيبىر زاڭنامالىق اكتىلەرىنە زاڭ­دى تۇلعالاردىڭ قىلمىستىق جاۋاپكەرشىلىگىن ەنگىزۋ ماسە­لە­سى بويىنشا وزگەرىستەر مەن تولىقتىرۋلار ەنگىزۋ تۋرا­لى» قر زاڭىنىڭ جوباسىن تالقىلاعان حالىقارالىق ءدوڭ­گە­لەك ۇستەل وتكىزدى. قۇقىقتىق كەڭەس مۇشەلەرى الدىمەن وتكەن جىلعى اتقا­رىل­عان ىستەرگە قورىتىندى جاساپ, الداعى  اتقاراتىن ىستەر­دىڭ باعىتىن ناقتىلادى. ودان كەيىن پارلامەنت دەپۋتات­تارىنىڭ, مينيسترلىكتەر مەن ۆەدومستۆولاردىڭ,  «نۇر وتان» حدپ پارلامەنتاريزم ينستيتۋتىنىڭ, قازاقستاندىق ۇكىمەتتىك ەمەس ۇيىم­داردىڭ وكىلدەرى, اۆستريانىڭ, لاتۆيا مەن مولدوۆا رەسپۋبليكالارىنىڭ عالىمدارى مەن ساراپ­شىلارى  بار  كەڭەيتىلگەن قۇرامدا قازاق­ستاندا زاڭدى تۇلعا­لاردىڭ قىل­مىس­تىق جاۋاپكەرشىلىگىن ەنگىزۋدى قۇقىقت­ىق رەتتەۋ ماسەلەلەرىن تالقىلادى. وتىرىستا قازاقستان رەسپۋبليكاسى پارلامەنتى ءماجى­لىسىنىڭ دەپۋتاتى, «نۇر وتان» حدپ فراكتسياسىنىڭ جانى­نان قۇرىلعان قۇقىقتىق كەڭەس توراعاسى نۇرلان ءابدىروۆ كەڭەستىڭ 2010 جىلدىڭ ناۋرىزىنداعى ۇيىمداستىرۋ ماجىلىسىنەن بەرگى اتقارىلعان ىستەرى جونىندە ءسوز سويلەدى. قۇقىقتىق كەڭەستىڭ ەڭ العاشقى جەتىستىگى – «جاريا اقپاراتقا قولجەتىمدىلىك تۋرالى» زاڭ جوباسىن دايىنداعان­دىعى. ول ەلىمىزدىڭ جانە كەيبىر شەتەلدىك ساراپشىلاردان  وڭ باعا الدى. ەندى كەڭەس مۇشەلەرى وسى جىلى ونىمەن جۇمىستى جالعاستىرۋدى جوسپارلاپ وتىر. نۇرلان ءابدىروۆ 2011 جىلعا ارنالعان جۇمىس جوسپارىن بايانداي كەلە, قازاقستان رەسپۋبليكاسى پرەزيدەنتىنىڭ «بولا­شاق­تىڭ ىرگەسىن بىرگە قالايمىز» اتتى قازاقستان حالقىنا جولداۋى مەن «نۇر وتان» حدپ-نىڭ XIII-سەزىندە ايتىلعان تاپسىر­مالاردى ورىنداۋ بويىنشا ءىس-شارالاردى ىسكە اسىرۋ جونىندە ءسوز قوزعادى. تالقىلاۋ قورىتىندىسىندا  قۇقىقتىق كەڭەس كونستيتۋتسيا كۇنى مەن ەلىمىز تاۋەلسىزدىگىنىڭ 20 جىلدىعىنا ارنايى وتىرىس وتكىزۋدى جوسپارلادى. كۇن تارتىبىندەگى ەكىنشى ماسەلە بويىنشا «قازاقستان رەسپۋب­ليكاسىنىڭ كەيبىر زاڭنامالىق اكتىلەرىنە زاڭدى تۇل­عالاردىڭ قىلمىستىق جاۋاپكەرشىلىگىن ەنگىزۋ ماسەلەسى بويىن­شا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسى تالقى­لاندى. تالقىلاۋ بارىسىندا زاڭنامانى جەتىلدىرۋ باعىتىندا  ءتيىستى ۇسىنىستار قابىلداندى. «ەگەمەن-اقپارات».